အပြည်ပြည်ဆိုင်ရာကုန်သွယ်မှု
Date: 8 August 2012
သြဂုတ်လအတွင်း ထိုင်းဆန်ကို အာဖရိကနှင့် အီရတ်နိုင်ငံများမှ ဝယ်လိုအားရှိလာသည်ဟု သိရသည်။ အာဖရိကနိုင်ငံများသည် ထိုင်းပေါင်းဆန်အပြင် ဆန်ဖြူ (၂၅ % ဆန်ကွဲ) ကိုလည်း ဝယ်လိုအား ရှိနေသည်။ သို့သော် ထိုင်းနိုင်ငံတွင် ဆန်အများစုကို အစိုးရမှ ဝယ်ယူသိုလှောင်ပြီး ဖြစ်နေသဖြင့် ဈေးကွက်အတွင်း ဆန်ဖြူ (၂၅ % ဆန်ကွဲ) နည်းပါးနေသည်။ ထို့ကြောင့် ဆန်တင်ပို့သူများသည် အာဖရိကသို့ ဆန်တင်ပို့ ရောင်းချရန် ဗီယက်နမ်နှင့် ကမ္ဘောဒီးယားမှ ဆန်များကို ဝယ်ယူနေကြသည်ဟု သိရသည်။
ထို့ကြောင့် သြဂုတ်လ (၈) ရက်နေ့ ဗီယက်နမ် ဆန်ဖြူအမျိုးအစားအားလုံး ဈေးနှုန်းများသည် လဆန်း ပိုင်းကထက် တစ်တန်လျှင် ၁၅ ဒေါ်လာမှ ၂၀ ဒေါ်လာထိ ဈေးမြင့်လာသည်။ အထူးသဖြင့် ဆန်ဖြူ (၁၅ % ဆန်ကွဲ) နှင့် ဆန်ဖြူ ((၂၅ % ဆန်ကွဲ) ဈေးနှုန်းများ တစ်တန်လျှင် ၂၀ ဒေါ်လာစီ ဈေးမြင့်လာသည်။
သြဂုတ်လဆန်းက တစ်တန်လျှင် ၃၉၅ ဒေါ်လာရှိခဲ့သော ဗီယက်နမ် ဆန်ဖြူ (၁၅ % ဆန်ကွဲ) သည် သြဂုတ်လ (၈) ရက်နေ့တွင် တစ်တန်လျှင် ၄၁၅ ဒေါ်လာသို့ ရောက်ရှိလာသည်။ ဗီယက်နမ် ဆန်ဖြူ (၂၅ % ဆန်ကွဲ) သည်လည်း ၃၈၀ ဒေါ်လာမှ ၄၀၀ ဒေါ်လာအထိ မြင့်မားလာသည်။
ထိုင်းနိုင်ငံမှ ဆန်တင်ပို့သူများသည် ဗီယက်နမ်နှင့် ကမ္ဘောဒီးယားနိုင်ငံများမှ ဆန်ဝယ်ယူတင်သွင်း ရာတွင် နယ်စပ်မှတဆင့်မှောင်ခိုတင်သွင်းမှုများနေသဖြင့် ထိုင်းနိုင်ငံသို့မည်မျှဝယ်ယူ တင်သွင်းပြီး ဖြစ်သည်ကို ခန့်မှန်း၍မရကြောင်း ဆန်တင်ပို့သူများက ပြောကြသည်။
Source: business.asiaone.com
pa pa
ခရီးသွားများ ရွှေအမြောက်အမြား တိုင်းပြည်တွင်းသို့ သယ်ဆောင်လာမှုနဲ့ တိုင်းပြည်မှယူငင်မှုများကို တားမြစ် သွားရန်အတွက် ဗီယက်နမ်အစိုးရစဉ်း စားနေတယ်လို့ သတင်းရရှိပါတယ်။ အနည်းအကျဉ်း သယ်ယူမှုကိုတော့ အကောက်ခွန်ဌာနရဲ့ ခွင့်ပြုချက် နဲ့ ဆောင်ရွက်နိုင်မယ်လို့
အိန္ဒိယနိုင်ငံဟာ ၂၀၁၁-၁၂ ဘဏ္ဍာနှစ်မှာ ပဲမျိုးစုံနဲ့ စားသုံးဆီတန်ဖိုး ရူပီးကုဋေ ၅၅၀၀၀ ဖိုး တင်သွင်းခဲ့ပြီး၊ ယခုနှစ်မှာ ရူးပီး ကုဋေ ၆၀၀၀၀ အထိ တင်သွင်းရဖွယ်ရှိတယ်လို့ သိရပါတယ်။ ၂၀၁၁-၁၂ မှာ အိန္ဒိယနိုင်ငံဟာ ပဲမျိုးစုံတန်ချိန် ၃ သန်းခန့်အထိ တင်သွင်းခဲ့ရပြီး၊
အိန္ဒိယမှာ မုတ်သုန်မိုးရရှိမှုနောက်ကျနေရာ လက်ရှိစပါးစိုက်ပျိုးပြီးစီးမှု ဧရိယာက ယခင်နှစ်နဲ့ ယှဉ်ရင် ၉ ရာခိုင်နှုန်း လျော့နည်းလျက်ရှိတယ်လို့ သိရတယ်။ ဒါပေမဲ့အိန္ဒိယမှာ ဆန်တန်ချိန်များစွာ သိုလှောင်ထားရှိပြီး ပြည်တွင်း စားသုံးမှုအတွက်
ချင်းမိုင်ခရိုင်အုပ်ချုပ်ရေးမှူး နိုင်းပနတ်ဒါးဒစ်စကွန်းနဲ့ ဂျပန်နိုင်ငံ ခန်ဆိုင်းကိုယ်ပိုင်အုပ်ချုပ်ရေး ကိုယ်စားလှယ် အဖွဲ့တို့ ချင်းမိုင်မှာ ဇူလိုင်လ ၇ ရက်နေ့ကတွေ့ဆုံကြပြီး ချင်းမိုင်နဲ့ခန်ဆိုင်းပူးပေါင်း၍ စီးပွားရေးနှင့်ကူးသန်း ရောင်းဝယ်ရေးကဏ္ဍ၊ ရင်းနှီးမြှုပ်နှံမှုကဏ္ဍနဲ့
ထိုင်းနိုင်ငံမှကုန်စည်ပို့ဆောင်ရေးဝန်ဆောင်မှုဆိုင်ရာလုပ်ငန်းရှင်များပူးပေါင်း၍ စက်တင်ဘာလ ၁၉ ရက်မှ ၂၂ ရက်ထိ ထိုင်းနိုင်ငံ၊ ဘန်ကောက်မြို့ရှိ BITEC ခန်းမ ၁၀၁-၁၀၂ မှာ '' ၂ ကြိမ်မြောက်အပြည်ပြည်ဆိုင်ရာ ကုန်စည်ဝန်ဆောင်မှုပွဲ ၂၀၁၂ '' (The 9 th Thailand International Logistics Fair 2012) ကို ၄ ရက်ကြာကျင်းပသွားမယ်လို့
အီရတ်နိုင်ငံက ထိုင်းနဲ့ ဥရုဂွေးနိုင်ငံတွေမှ ဆန်တန်ချိန် စုစုပေါင်း ၁၁၀၀၀၀ ကို တင်သွင်းဖို့ ဝယ်ယူခဲ့တယ်လို့ အီရတ်နိုင်ငံ ကောက်ပဲသီးနှံအသင်းက ပြောကြားတယ်။ ဒီလိုဝယ်ယူရာမှာ CIF စနစ်နဲ့ ဝယ်ယူမှာဖြစ်ပြီး ထိုင်းနိုင်ငံမှ
ကမ္ဘာမှာ ဆန်ဒုတိယအများဆုံးတင်ပို့တဲ့ ဗီယက်နမ်နိုင်ငံဟာ ဇူလိုင်လမှာ ဆန်တန်ချိန် ၈၀၀၀၀၀ ကို သင်္ဘောတင်နိုင်ခဲ့တယ်လို့ ဟနွိုင်းအထွေထွေစာရင်းရုံး (GSO) က ထုတ်ပြန်ချက်များအရ သိရှိရပါတယ်။ ယမန်နှစ်ကာလတူမှာ တန် ၇၅၀၀၀၀ တင်ပို့မှုနဲ့နှိုင်းယှဉ်လျှင်
ကမ္ဘာ့ဒုတိယမြောက်ဆန်တင်ပို့မှု အများဆုံးနိုင်ငံဖြစ်တဲ့ ဗီယက်နမ်နိုင်ငံရဲ့ ၂၀၁၁ ခုနှစ်အတွင်း ဆန်တင်ပို့မှုမှာ တန်ချိန် ၇ ဒသမ ၂ သန်းအထိ ရောက်ရှိစံချိန်တင်ခဲ့ပြီး ၂၀၁၂ ခုနှစ်မှာလည်း တန်ချိန် ၇ သန်းမှ ၇ ဒသမ ၃ သန်း အကြား တင်ပို့နိုင်ဖွယ်ရှိတယ်လို့
Date : 30 July 2012
ဇွန်လအတွင်း အီးယူဒေသ၏ အလုပ်လက်မဲ့နှုန်းသည် ၁၁.၂% အထိ စံချိန်တင် မြင့်မားခဲ့သည်ဟု ဖော်ပြထားသော အစီရင်ခံစာကို ဇူလိုင်လ (၃၁) ရက်နေ့တွင် ထုတ်ပြန်မည်ဖြစ်သည်။ အဆိုပါသတင်းသည် အီးယူဒေသကြွေးမြီ အကြပ်အတည်းကြောင့် စားသုံးသူခံယူချက် သဘောထားများအပေါ် ဖိအားဖြစ်စေသည် ဆိုသော အချက်ကို ပိုမိုခိုင်မာစေသဖြင့် သီတင်းပတ်နှစ်ပတ်နီးပါး တန်ဖိုးမြင့်နေသော ယူရိုငွေတန်ဖိုး ပြန်လည် ကျဆင်းလာသည်။
ဥရောပဗဟိုဘဏ်တစ်ခုတည်းအနေဖြင့် ဒေသတွင်းကြွေးမြီအကြပ်အတည်းကို ဖြေရှင်းနိုင်လိမ့်မည် မဟုတ်ဟု Moody’s Investors Service က ပြောကြားထားသည်။ ဗဟိုဘဏ်အနေဖြင့် ငွေကြေးမူဝါဒဆိုင်ရာ စီမံချက်များ ချမှတ်ဆောင်ရွက်သော်လည်း အချိန်ကာလတစ်ခုသာ အကျိုးသက်ရောက်မှုရှိနေသည်။ တစ်ချိန် တည်းမှာပင် ဒေသတွင်း စီးပွားရေးအချက်အလက်များမှာလည်း ဆက်တိုက်အားနည်းနေသဖြင့် စီးပွားရေး ဆိုင်ရာ စာရင်းအင်းထုတ်ပြန်သည့် အချိန်တိုင်း ယူရိုငွေရောင်းချမှုများရှိနေကာ ယူရိုငွေတန်ဖိုးကျဆင်းမြဲဖြစ် သည်။
ယခုလည်း အလုပ်လက်မဲ့နှုန်း စာရင်းများကြောင့် ဇူလိုင်လ (၃၀) ရက်နေ့တွင် ယူရိုငွေတန်ဖိုးကျဆင်း သွားသည်။ ဇူလိုင်လ (၃၀) ရက်နေ့ တိုကျိုစံတော်ချိန် နေ့ခင်း ၁:၂၉ နာရီ နိုင်ငံတကာငွေလဲနှုန်းများအရ ယူရို ငွေသည် ဂျပန်ယန်းနှင့် လဲလှယ်ရာတွင် ဝ.၃% ကျဆင်းသွားပြီး တစ်ယူရိုလျှင် ၉၆.၃၄ ယန်း အထိ ရောက်ရှိ သွားသည်။ ယူရိုငွေတန်ဖိုးသည် ဇူလိုင်လ (၂၇) ရက်နေ့က တစ်ယူရိုလျှင် ၉၇.၃၄ ယန်းအထိ ရောက်ရှိ မြင့်မားခဲ့သည်။
ဥရောပဒေသကြွေးမြီ အကြပ်အတည်းကို ဖြေရှင်းရန် ငွေကြေးမူဝါဒအနေဖြင့် များလှစွာသော ဝန်ထုတ် ဝန်ပိုးနှင့် ဖိစီးမှုများကို သည်းခံရလိမ့်ဦးမည်ဖြစ်ပြီး ယူရိုငွေတန်ဖိုး ပြန်လည်မြင့်မားလာရေး ဆက်လက်ရုန်းကန် ရလိမ့်ဦးမည်ဟု တိုကျိုအခြေစိုက် မစ်ဆူဘီရှီ UFJ Morgan Stanley Securities Co., မှ ငွေကြေးနှင့် ကြွေးမြီ ဆိုင်ရာ အဆင့်မြင့်သုတေသီတစ်ဦးဖြစ်သည့် Daisaku Ueno က ပြောကြားသည်။
Source : Bloomberg.com
pa pa