ယှဉ်ပြိုင်မှုမူဝါဒ (Competition)

တိုင်ကြားမှုပုံစံ (ပုံစံ-၁)

Tue, 12/18/2018 - 04:18 -- competition
Myanmar

ယှဉ်ပြိုင်မှုဥပဒေပါ တားမြစ်ချက်တစ်ရပ်ရပ်ကို တစ်ဦးဦးက ဖောက်ဖျက်ကြောင်း သိရှိသူ သို့မဟုတ် ဖောက်ဖျက်သည်ဟု သံသယရှိသူ မည်သူမဆို ကော်မရှင်သို့ တိုက်ရိုက်ဖြစ်စေ၊ ကော်မရှင်ရုံးမှတဆင့်ဖြစ်စေ တိုင်ကြားမှုပုံစံ(ပုံစံ-၁)တွင် မြန်မာဘာသာဖြင့် ရှင်းလင်းစွာ ဖြည့်သွင်းတိုင်ကြားရမည်။

Latest News: 
Latest New တင္ရန္

COVID-19 ကာလအတွင်း ကုန်ပစ္စည်းများထုတ်လုပ်ရောင်းချမှုအပေါ် အစိုးရအာဏာပိုင်များ အနေဖြင့် ထိန်းကျောင်းသင့်သည့် နည်းလမ်းများကို UNCTAD က အကြံပြု

Thu, 09/17/2020 - 08:48 -- competition
Myanmar

ဈေးကွက်အတွင်း စီးပွားရေးလုပ်ငန်းများအချင်းချင်း ပူးပေါင်းခြင်း၊ စီးပွားရေးလုပ်ငန်း တစ်ခုမှ အခြားစီးပွားရေးလုပ်ငန်းတစ်ခုကို ဝယ်ယူခြင်းများသည် အခြားပြိုင်ဘက်စီးပွားရေး လုပ်ငန်းများ၏ ယှဉ်ပြိုင်နိုင်စွမ်းကို လျော့ကျစေရန်ရည်ရွယ်ပါက၊ ဈေးကွက်ကို စိတ်ကြိုက် ခြယ်လှယ်ရန်ရည်ရွယ်ပါက ယှဉ်ပြိုင်မှုဥပဒေအရ တားဆီးအရေးယူလျက်ရှိပါသည်။

ထို့အတူ စီးပွားရေးလုပ်ငန်းတစ်ခုသည် ဈေးကွက်အတွင်းလွှမ်းမိုးထားမှုအခြေအနေကို အလွဲသုံးစားပြုပြီး ထုတ်လုပ်မှုနှင့် ဈေးနှုန်းများကို မတရားသဖြင့် ထိန်းချုပ်နေပါကလည်း သုံးစွဲသူများကို နစ်နာစေသည့်အတွက် ယှဉ်ပြိုင်မှုဥပဒေများဖြင့် အရေးယူတားဆီးလျက်ရှိပါသည်။

သို့သော် ယခုလတ်တလော ဖြစ်ပေါ်လျက်ရှိသည့် ကိုဗစ်-၁၉ ကြောင့် ဈေးကွက်များအပေါ် သက်ရောက်လာနိုင်သည့် ဆိုးကျိုးများကို တိုက်ဖျက်ချေမှုန်းနိုင်ရန်အတွက် တတ်နိုင်သမျှ နည်းလမ်းမျိုးစုံကို အသုံးပြုသွားကြရန် UNCTAD က ယှဉ်ပြိုင်မှုအာဏာပိုင်များကို တိုက်တွန်းပြောကြားထားပါသည်။

သာမန်အခြေအနေများတွင် ဈေးကွက်အတွင်း ဈေးနှုန်းလျော့ကျနေစေရန်အတွက် ယှဉ်ပြိုင်မှုရှိနေစေရန်လိုအပ်သော်လည်း COVID-19 ကပ်ရောဂါသည် ကမ္ဘာတစ်ဝှမ်းရှိ ဈေးကွက်များကို အကြီးအကျယ်ထိခိုက်ပျက်စီးစေလျက်ရှိသောကြောင့် စီးပွားရေးကဏ္ဍကြီးတစ်ခုလုံး ဆက်လက်ရှင်သန်နိုင်ရန်အတွက် ယှဉ်ပြိုင်မှုဆိုင်ရာစည်းမျဉ်းစည်းကမ်းအချို့ကို ကင်းလွတ်ခွင့်များပေးနေရပါသည်။

ဤကပ်ရောဂါကာလအတွင်း ပြည်သူများ၏အကျိုးစီးပွားကို ပိုမိုဖော်ဆောင်နိုင်ရန်အတွက် ယှဉ်ပြိုင်မှုအာဏာပိုင်များသည် ယှဉ်ပြိုင်မှုဥပဒေလေးစားလိုက်နာရေးကို အလိုက်သင့် ချိန်ညှိဆောင်ရွက်နေကြရပါသည်။

အမေရိကန်ပြည်ထောင်စုသည် အရေးပေါ်ကာလအတွင်း စီးပွားရေးလုပ်ငန်းများပူးပေါင်း ဆောင်ရွက်မှုနှင့်ပတ်သက်ပြီး တိကျသည့်လမ်းညွှန်ချက် (COVID-19 နှင့်ပတ်သက်သည့် Antitrust Statement) ကို ပြဌာန်းခဲ့ပါသည်။

ထိုနည်းတူစွာပင် ကနေဒါနှင့် ဂျာမနီနိုင်ငံတို့မှ ယှဉ်ပြိုင်မှုအာဏာပိုင်များကလည်း ခိုင်လုံသောအကြောင်းပြချက်များရှိပါက ဈေးကွက်တစ်ခုတည်း၌ ယှဉ်ပြိုင်နေသော ကုမ္ပဏီများအကြား ယှဉ်ပြိုင်မှုဆိုင်ရာအကျိုးရှိမည့် သဘောတူညီချက်များကို ခွင့်ပြုထားပါသည်။

ဂျာမနီနိုင်ငံကလည်း လက်လီလုပ်ငန်းနှင့် စူပါမားကတ်ဈေးကွက်များတွင် ပူးပေါင်းဆောင် ရွက်မှုများကို ခွင့်ပြုပေးလျက်ရှိပြီး ကနေဒါနိုင်ငံသည်လည်း တန်ဖိုးသင့်ကုန်ပစ္စည်းနှင့် ဝန်ဆောင်မှုများ သယ်ယူပို့ဆောင်မှုကို ထောက်ပံ့ပေးရန် ပူးပေါင်းဆောင်ရွက်မှုကို ခွင့်ပြုပေးထားပါသည်။

အလားတူပင် ယူကေနိုင်ငံမှ ယှဉ်ပြိုင်မှုနှင့် ဈေးကွက်ဆိုင်ရာ အာဏာပိုင်များက စားနပ်ရိက္ခာအထောက်အပံ့များ ဆက်လက်ရရှိစေရန်အတွက် လက်လီအရောင်းဆိုင်များကို ယာယီ ပူးပေါင်းဆောင်ရွက်ခွင့်ပြုထားပါသည်။

ကဏ္ဍအလိုက် လုပ်ဆောင်ချက်များ

-------------------------------------

အချို့သောအစိုးရများအနေဖြင့် ကပ်ရောဂါကူးစက်ပျံ့နှံ့မှုကြောင့် စီးပွားရေးအပေါ် ဂယက်ထသက်ရောက်မှုကို လျှော့ချနိုင်ရန်အတွက် စီးပွားရေးလုပ်ငန်းများလိုက်နာရမည့် ယှဉ်ပြိုင်မှုဆိုင်ရာ စည်းမျည်းစည်းကမ်းများမှ ကင်းလွတ်ခွင့်အဆင့်အမျိုးမျိုးပေးထားသော သက်ဆိုင်ရာကဏ္ဍများအလိုက် ပြဌာန်းချက်များ ထုတ်ပြန်ခဲ့ပါသည်။

ဥပမာအားဖြင့် တောင်အာဖရိကနိုင်ငံသည် ကျန်းမာရေးစောင့်ရှောက်မှုကဏ္ဍတွင် ပူးပေါင်း ဆောင်ရွက်ခြင်းအား ယှဉ်ပြိုင်မှုဥပဒေမှ ကင်းလွတ်ခွင့်ပေးထားပြီး နော်ဝေနိုင်ငံသည်လည်း လေကြောင်းပို့ဆောင်ရေးကဏ္ဍကို ယှဉ်ပြိုင်မှုဥပဒေမှ (၃)လအထိ ကင်းလွတ်ခွင့်ပေးခဲ့ပါသည်။

ဈေးကွက် စောင့်ကြည့်တုံ့ပြန်ခြင်း

-----------------------------------

ကပ်ရောဂါပျံ့နှံ့ခြင်းကြောင့် ကျန်းမာရေးအကျပ်အတည်းမှသည် စီးပွားရေးအကျပ် အတည်းသို့ ပြောင်းလဲဖြစ်ပေါ်လျက်ရှိရာ ကမ္ဘာတစ်ဝှမ်းမှ ယှဉ်ပြိုင်မှုအာဏာပိုင်များသည် ဈေးကွက်ပြောင်းလဲမှုများကို အနီးကပ်စောင့်ကြည့် တုံ့ပြန်လျက်ရှိပါသည်။

နိုင်ငံအများအပြားတွင် ပြည်သူများ အရေးတကြီးလိုအပ်သည့် ကုန်ပစ္စည်းများ ဈေးနှုန်း အလွန်အကျွံမြင့်တက်လာခြင်းကို ရင်ဆိုင်နေရလျက်ရှိပါသည်။

ထို့ကြောင့် ယူကေ၊ ပြင်သစ်၊ ဘရာဇီး၊ ရုရှားနှင့် အီတလီနိုင်ငံ အစိုးရများအနေဖြင့် ကုန်ပစ္စည်းများ ဈေးနှုန်းအလွန်အကျွံမြှင့်တင်ခြင်းများကို စောင့်ကြည့်ခြင်း၊ နှာခေါင်းစည်းနှင့် လက်သန့်ဆေးရည်တို့ကဲ့သို့သော ဝယ်လိုအားအလွန်မြင့်မားလျက်ရှိသည့် ကုန်ပစ္စည်းများကို ဈေးနှုန်းထိန်းချုပ်ထားပေးခြင်းတို့ကို ပြုလုပ်ပေးကြရန် စားသုံးသူများက မျှော်လင့်လျက်ရှိကြသည်။

တားဆီးကာကွယ်ရေး အစီအမံတစ်ခုအနေဖြင့် လက်လီရောင်းချသူများနှင့် ဆေးရောင်းချသူများက ဈေးနှုန်းများ မတရားမြှင့်တင်ခြင်းမပြုနိုင်ကြစေရန်အတွက် လက်သန့်ဆေးရည် ဈေးနှုန်းကို ထိန်းညှိရန် ပြင်သစ်အစိုးရက အမိန့်တစ်ရပ် ထုတ်ပြန်ခဲ့သည်။

ကင်ညာနှင့် တရုတ်နိုင်ငံများတွင်လည်း ယှဉ်ပြိုင်မှုအာဏာပိုင်များက ကျန်းမာရေးဆိုင်ရာ ထုတ်ကုန်များကို ဈေးနှုန်းမတရားမြှင့်တင်သည့် လက်လီရောင်းချသူများအား ပြင်းပြင်းထန်ထန် အရေးယူခဲ့သည်။

သုတေသနနှင့် ဖွံ့ဖြိုးရေး

--------------------------

၂၀၀၉ ခုနှစ်တွင် ဖြစ်ပွားခဲ့သည့် ဝက်တုပ်ကွေးနှင့် ၂၀၁၅ ခုနှစ်တွင် ဖြစ်ပွားခဲ့သည့် အရှေ့အလယ်ပိုင်း အသက်ရှုလမ်းကြောင်းဆိုင်ရာရောဂါများကဲ့သို့ ကျန်းမာရေးအရေးပေါ် အခြေအနေများတွင် ဆောင်ရွက်ခဲ့သည့်အတိုင်း အစိုးရများက သုတေသနနှင့်ဖွံ့ဖြိုးရေး ပူးပေါင်းဆောင်ရွက်ကြရန် အားပေးတိုက်တွန်းလျက်ရှိကြသည်။

ဥပမာအားဖြင့် ဥရောပကော်မရှင်သည် COVID-19 ကာကွယ်ဆေး ထုတ်လုပ်နိုင်ရန်အတွက် သုတေသနနှင့် ဖွံ့ဖြိုးရေး ကြိုးပမ်းမှုများအတွက် ဥပရောပယှဉ်ပြိုင်မှုဆိုင်ရာ စည်းမျဉ်းစည်းကမ်းများမှ ကင်းလွတ်ခွင့်ပေးထားပါသည်။

ဥရောပနှင့် အမေရိကန်ပြည်ထောင်စုရှိ ဆေးဝါးကုမ္ပဏီများက COVID-19 ကာကွယ်ဆေးထုတ်လုပ်ရန် ကြိုးပမ်းမှုများနှင့် ယူကေ-တရုတ် ပူးတွဲစီမံကိန်းတို့ကဲ့သို့သော ပူးတွဲသုတေသန စီမံကိန်းများသည်လည်း အဆိုပါကင်းလွတ်ခွင့်များ ရရှိကြပါသည်။

အကြံပြုချက်များ

------------------

ကိုဗစ်-၁၉ အကျပ်အတည်းကာလအတွင်း ဈေးကွက်အတွင်းယှဉ်ပြိုင်မှုကို ကာကွယ်ရန် အတွက် အစိုးရက အောက်ပါ အဓိကလုပ်ဆောင်ချက်(၅)ခုကို ဆောင်ရွက်ရန် UNCTAD က အကြံပြုထားပါသည် -

(၁) အကျပ်အတည်းကာလ၌ပင်ဖြစ်စေ တန်းတူအခြေအနေရှိသည့် ကုမ္ပဏီများအကြား လွတ်လပ်မျှတစွာယှဉ်ပြိုင်နိုင်စေရန်၊

(၂) အခြေခံထုတ်ကုန်များ ပြတ်လပ်မှုမှကာကွယ်ရန် စားသုံးသူများအားလုံးအတွက် တန်ဖိုးသင့်ထုတ်ကုန်များကို ထုတ်လုပ်ဖြန့်ဖြူးနိုင်စေရန် လိုအပ်သည့် ပူးပေါင်းဆောင်ရွက်မှုများကို ယာယီခွင့်ပြုပေးရန်၊

(၃) ပိုးသတ်ဆေးများ၊ နှာခေါင်းစည်းများနှင့် လက်သန့်ဆေးရည်များကဲ့သို့သော လတ်တလော အရေးကြီးကုန်ပစ္စည်းများ အသင့်ရရှိနိုင်စေရန်အတွက် ဈေးကွက်ကို အနီးကပ်စောင့်ကြည့်ရန်၊ လိုအပ်ပါက ကပ်ရောဂါကာလအတွင်း စားသုံးသူတို့၏ ကျန်းမာရေးကို ကာကွယ်နိုင်ရန်အတွက် ယာယီဈေးနှုန်းသတ်မှတ်ချက် ထားရှိရန်၊

(၄) အကျပ်အတည်းကာလအတွင်း လုပ်ငန်းများမတရားပူးပေါင်းခြင်း သို့မဟုတ် ဈေးကွက်လွှမ်းမိုးမှုအင်အားကို အလွဲသုံးစားပြုခြင်းအားဖြင့် အခွင့်ကောင်းယူသည့် လုပ်ငန်းများကို ယှဉ်ပြိုင်မှုဥပဒေဖြင့် ပြင်းပြင်းထန်ထန် အရေးယူရန်၊

(၅) ယှဉ်ပြိုင်မှုဆိုင်ရာ လုပ်ငန်းစဉ်များနှင့် အချိန်ကာလသတ်မှတ်ချက်များကို ကူးစက်ရောဂါကြောင့် ဖြစ်ပေါ်လာသည့် ထူးခြားသောအခြေအနေများနှင့် လိုက်လျော ညီထွေရှိစေရေး ပြင်ဆင်ညှိနှိုင်းရန်၊

Source : https://unctad.org/

Latest News: 

Covid-19 ကပ်ရောဂါ၏ စီးပွားရေးသက်ရောက်မှုများနှင့် ရေနံဈေးနှုန်းရုတ်တရက်ကျဆင်းခြင်း

Thu, 09/17/2020 - 08:46 -- competition
Myanmar

မကြာသေးမီက ကမ္ဘာ့ဈေးကွက်၌ ရေနံဈေးနှုန်းကျဆင်းခြင်းသည် ရောင်းလိုအား၊ ဝယ်လိုအားပြဿနာများနှင့် အနာဂတ်နှင့်ပတ်သက်၍ သေချာရေရာမှုမရှိခြင်းတို့ကြောင့်ဖြစ်ပြီး ဘဏ္ဍာရေးဆိုင်ရာဈေးကွက်များ ပြိုလဲပျက်စီးခြင်းကို ဖြစ်ပွားစေပါသည်။ သို့သော် ထိုသို့ ဈေးနှုန်း ရုတ်တရက်ကျဆင်းခြင်း၏ နောက်ကွယ်မှ အကြောင်းရင်းများက အဘယ်နည်း? ၎င်းသည် ရေနံ တင်ပို့/တင်သွင်းမှုစီးပွားရေးအပေါ် မည်သို့အကျိုးသက်ရောက်မည်နည်း?

ဝယ်လိုအား

========

ကမ္ဘာအနှံ့အပြား Covid-19 ကူးစက်ရောဂါပျံ့နှံ့မှုကြောင့် ရေနံ၊ သဘာဝဓာတ်ငွေ့နှင့် ကျောက်မီးသွေးကဲ့သို့သော သဘာဝစွမ်းအင်များသည် ကမ္ဘာလုံးဆိုင်ရာ စွမ်းအင်ဈေးကွက်တွင် ဝယ်လိုအားကျဆင်းလျက်ရှိသည်။ ရေနံဝယ်လိုအားကျဆင်းသွားရခြင်းမှာ စီးပွားရေးလုပ်ငန်းများ ပိတ်သိမ်းမှု၊ ပြည်တွင်းနှင့် နိုင်ငံတကာခရီးသွားလာမှုများ ရပ်ဆိုင်းခြင်း၊ နိုင်ငံအများစုတွင် Lockdown ချထားခြင်းနှင့် quarantine ထားရှိခြင်းတို့ကြောင့်ဖြစ်ပြီး ရေနံကို အဓိကအသုံး အများဆုံးမှာ သယ်ယူပို့ဆောင်ရေးကဏ္ဍ ဖြစ်သည့်အတွက် ရေနံဝယ်လိုအားကျဆင်းမှုသည် သိသာထင်ရှားမှု အရှိဆုံးဖြစ်လာခဲ့သည်။ ပြည်တွင်းသုံးစွဲမှု သိသိသာသာကျဆင်းခြင်းနှင့် ရင်းနှီး မြှုပ်နှံမှုအသစ်များ ကျဆင်းခြင်း၊ ခရီးသွားလုပ်ငန်းနှင့် စီးပွားရေးဆိုင်ရာ ခရီးသွားလာမှုများ ကျဆင်းခြင်း၊ ထုတ်လုပ်မှုနှင့် ကုန်သွယ်မှုလုပ်ငန်းကွင်းဆက်များမှတစ်ဆင့် စီးပွားရေးလုပ်ငန်း များနှင့် အခြားကဏ္ဍများတွင် ဝယ်လိုအားများ အလွန်အမင်းကျဆင်းနေခြင်း၊ ထုတ်လုပ်မှုနှင့် ကုန်သွယ်မှုတို့အတွက် ထောက်ပံ့မှုများပြတ်တောက်ပြီး ကျန်းမာရေးစောင့်ရှောက်မှု အသုံးစရိတ်များဆီသို့ ရွှေ့ပြောင်းသွားခြင်း တို့သည် ကူးစက်ရောဂါကြောင့် ရေနံဈေးကွက်ဝယ်လိုအားကို ထိခိုက်နေသည့် အကြောင်းအရာများထဲမှ တစ်ချို့သာဖြစ်ပါသည်။

ဤကဲ့သို့ ကမ္ဘာလုံးဆိုင်ရာရေနံဝယ်လိုအားကျဆင်းမှုသည် ၂၀၀၉ ခုနှစ် ကမ္ဘာ့စီးပွားရေး ကျဆင်းမှုနောက်ပိုင်းတွင် ပထမဆုံးအကြိမ် ဖြစ်သည်။ ၂၀၂၀ ခုနှစ်တွင် တစ်နှစ်ထက်တစ်နှစ် တစ်ရက်လျှင်စည်ပေါင်း ၉.၃ သန်း စံချိန်တင်ကျဆင်းမည်ဟု ခန့်မှန်းထားပါသည်။ အပြည်ပြည် ဆိုင်ရာ စွမ်းအင်အေဂျင်စီ၏ အဆိုအရ ၂၀၂၀ ပြည့်နှစ်တွင် ယခင်နှစ်ထက် တစ်ရက်လျှင် စည်ပေါင်း ၂၃.၁ သန်း လျော့နည်းမည်ဟု ခန့်မှန်းထား ကြောင်းသိရှိရပါသည်။ Covid-19 ကူးစက် ရောဂါပျံ့နှံ့မှုကြောင့် ရေနံဝယ်လိုအားကျဆင်းရခြင်း အကြောင်းရင်းအတိအကျမှာ အစိုးရ၏ ဗိုင်းရပ်စ်ကာကွယ်ရေးအစီအမံများနှင့် စီးပွားရေးလှုံ့ဆော်မှုမူဝါဒများဖြင့် ဗိုင်းရပ်စ်ကိုမည်သို့ ကိုင်တွယ်ဖြေရှင်းနိုင်သည် ဆိုသည့်အပေါ်တွင်သာ မူတည်နေပြီး အပြည်ပြည်ဆိုင်ရာ စွမ်းအင် အေဂျင်စီ၏ ၂၀၂၀ ခုနှစ်အတွက် ခန့်မှန်းခြေမှာ အကောင်းမြင်သော ခန့်မှန်းချက်ဖြစ်နိုင်ပါသည်။

ရောင်းလိုအား

=========

၂၀၂၀ ပြည့်နှစ် မတ်လ ၅ ရက်နေ့တွင် ရေနံတင်ပို့ရောင်းချသည့်နိုင်ငံ များအဖွဲ့ (OPEC) က ၂၀၂၀ ပြည့်နှစ်အတွက် တစ်ရက်လျှင် ရေနံစည် ထုတ်လုပ်မှုပေါင်း ၁.၅ သန်း လျှော့ချရန် အဆို တင်သွင်းခဲ့သည်။ ယင်းတို့အနက် ၁ သန်းမှာ OPEC အဖွဲ့ဝင်နိုင်ငံများအတွက်ဖြစ်ပြီး ၀.၅ သန်းမှာ OPEC အဖွဲ့ဝင်မဟုတ်သည့် အထူးသဖြင့် ရုရှားနိုင်ငံကဲ့သို့ ရေနံထုတ်လုပ်သည့်နိုင်ငံများအတွက် ဖြစ်ပါသည်။ နောက်တစ်ရက်တွင် ရုရှားနိုင်ငံက ထိုအဆိုပြုချက်ကိုပယ်ချခဲ့ပြီး ဆော်ဒီအာရေဗျကလည်း အဓိကဈေးကွက်များတွင် ၂၀ ရာခိုင်နှုန်းနီးပါး မကြံစဖူးလျှော့ဈေးကို ကြေညာခဲ့သည်။ ထို့ကြောင့် မတ်လ ၉ ရက်နေ့တွင် ရေနံတစ်စည်ကို ၃၁.၁ ဒေါ်လာအထိ ဈေးနှုန်း ၃၀ ရာခိုင်နှုန်း ကျဆင်းခဲ့ပြီး ရေနံလုပ်ငန်း အကျပ်အတည်းမှာ ပိုမိုဆိုးရွားလာခဲ့သည်။ Covid-19 ကြောက်ရွံ့မှုများ နှင့်အတူ ပိုမိုဆိုးရွားလာသည့် စီးပွားရေးကျဆင်းမှုများကြောင့် ဧပြီလ ၂၁ ရက်နေ့တွင် ကမ္ဘာ့ရေနံဈေးနှုန်းသည် တစ်စည်လျှင် ၁၁.၅၇ ဒေါ်လာအထိ ထပ်မံကျဆင်းခဲ့သည်။

ဈေးနှုန်းကျဆင်းမှုကြောင့် ကမ္ဘာ့ရေနံတင်ပို့မှုသည် မေလတွင် ၁၂ သန်းအထိ ကျဆင်း သွားနိုင်မည်ဖြစ်သည်။ OPEC+ သည် သဘောတူညီ ထားသော အခြေခံအဆင့်မှ ၉.၇ သန်းလျှော့ ချပြီး အမေရိကန်နိုင်ငံနှင့် ကနေဒါနိုင်ငံတို့နှင့်အတူ အခြားနိုင်ငံများကလည်း ထပ်မံလျှော့ချခြင်း တို့ကို ကြုံတွေ့ရနိုင်ပါသည်။ သို့သော် ဤသို့ဝယ်ယူမှုလျှော့ချခြင်းသည် လက်ရှိ ဝယ်လိုအားကျဆင်းမှုအတွက် ကြီးမားလွန်းခြင်းမရှိဘဲ ဈေးကွက်တွင် ရောင်းလိုအားများနေဆဲဖြစ်သည်။

ရောင်းလိုအားပိုလျှံခြင်း၊ ဝယ်လိုအားကျဆင်းခြင်းနှင့် အနာဂတ် မသေချာမရေရာခြင်း အားလုံးတို့ကြောင့် ရေနံဈေးနှုန်းကျဆင်းမှုကို ဖြစ်ပေါ်စေခဲ့သည်။ ရေနံဈေးနှုန်းကျဆင်းလာခြင်း သည် ရုရှားနှင့် ဆော်ဒီအာရေဗျ နှစ်နိုင်ငံလုံးကို ထိခိုက်စေပါသည်။ ထိုနှစ်နိုင်ငံလုံး၏ ရေနံထုတ် လုပ်မှုကုန်ကျစရိတ်သည် အတော်အတန်နည်းပါးသော်လည်း ၎င်းတို့၏အစိုးရဘတ်ဂျက်နှင့် ပို့ကုန်တို့သည် ရေနံဝင်ငွေပေါ်တွင် များစွာမူတည်နေပါသည်။ ၂၀၂၀ ပြည့်နှစ်တွင် ဆော်ဒီအာရေဗျ အစိုးရ၏ ဘတ်ဂျက်ကို ဟန်ချက်ညီစေရန်အတွက် ရေနံတစ်စည်ကို ၇၈.၃၀ ဒေါ်လာ သတ်မှတ်ရန် လိုအပ်မည်ဖြစ်သည်။ ရုရှားနိုင်ငံ၏ ထုတ်လုပ်မှုကုန်ကျစရိတ် အရင်းကျေနိုင်မည့်နှုန်းထားမှာ ဒေါ်လာ ၄၀ ခန့်ဖြစ်ပါသည်။ ထို့ကြောင့် ရေနံဈေးနှုန်း ဤသို့နိမ့်ကျနေခြင်းသည် ထိုနိုင်ငံများ၏ အစိုးရဘတ်ဂျက်များ ကိုပါ လျော့နည်းသွားစေပြီး သိသာသောဆိုးကျိုးသက်ရောက်မှုများ ဖြစ်ပွား စေနိုင်ပါသည်။

ရေနံတင်ပို့မှုသည် အဇာဘိုင်ဂျန်၊ ဘရူနိုင်း၊ ကာဇက်စတန်၊ ကူဝိတ်၊ အီရတ်၊ အီရန်၊ အိုမန်၊ ကာတာ၊ နိုင်ဂျီးရီးယားနှင့် ဗန်နီဇွဲလားကဲ့သို့သော ရေနံထုတ်လုပ်သည့်နိုင်ငံများ၏ အဓိက ဝင်ငွေရရှိမှုကဏ္ဍဖြစ်သောကြောင့် ရေနံဈေးနှုန်းများကျဆင်းခြင်းသည် ၎င်းနိုင်ငံများ၏ အစိုးရ ဘတ်ဂျက်ကို လျော့နည်းသွားစေပါသည်။ ၎င်းသည် စီးပွားရေးလုပ်ငန်းများ ဖွံ့ဖြိုး တိုးတက်မှုအစီအမံများကို ဆိုးကျိုးသက်ရောက်မှုများဖြစ်ပွားစေနိုင်ပြီး လက်ရှိအချိန်တွင် အရေးအကြီးဆုံးမှာ Covid-19 ကို တိုက်ဖျက်ရန်အတွက် ကျန်းမာရေးစောင့်ရှောက်မှုကဏ္ဍအား အစိုးရရန်ပုံငွေ လုံလောက်စွာ ထောက်ပံ့ပေးရန်ဖြစ်ပါသည်။ ထို့အပြင် သဘာဝဓာတ်ငွေ့နှင့် ကျောက်မီးသွေးများ၊ ရေနံနှင့်ရေနံထွက်ပစ္စည်းများအပါအဝင် လောင်စာဆီ ကုန်ကြမ်းများအပေါ်မှီခိုနေသော ပို့ကုန်များ အတွက်လည်း ဆိုးကျိုး သက်ရောက်စေပါသည်။ အင်ဒိုနီးရှားနိုင်ငံ၏ ပို့ကုန် ၃၀ ရာခိုင်နှုန်းနီးပါးနှင့် မလေးရှားနိုင်ငံ၏ ပို့ကုန် ၂၀ ရာခိုင်နှုန်းနီးပါးတို့သည် လောင်စာဆီ ကုန်ကြမ်းများအပေါ်တွင် မှီခိုနေပြီး လက်ရှိရေနံဈေးနှုန်းကျဆင်းမှုတွင် အစိုးရ၏အခွန်ဘဏ္ဍာများလည်း ကျဆင်းသွားပါသည်။

ရေနံဈေးနှုန်းကျဆင်းမှုကြောင့် စီးပွားရေးအပေါ် တိုက်ရိုက်နှင့် သွယ်ဝိုက်သောအားဖြင့် အကျိုးသက်ရောက်မှုများ

========================================

ယခုလက်ရှိကြုံတွေ့နေရသကဲ့သို့ ကမ္ဘာ့ရေနံဈေးနှုန်းများ သိသိသာသာကျဆင်းသွားသောအခါ (ဈေးနှုန်းများ အနှုတ်လက္ခဏာ ပြလာသောအခါ) ရေနံစိမ်းတင်ပို့သူများ၏ ဝင်ငွေလျော့နည်းသွား ခြင်းကြောင့် ၎င်းတို့တိုင်းပြည်၏ စုစုပေါင်းပြည်တွင်းထုတ်ကုန်တန်ဖိုး (GDP) အပေါ် တိုက်ရိုက်ဆိုးကျိုးသက်ရောက်မှုများဖြစ်ပွားခဲ့သည်ဟု ခန့်မှန်းရပါသည်။ တစ်ချိန်တည်းမှာပင် ဆန့်ကျင်ဘက်အနေဖြင့် ရေနံစိမ်းတင်သွင်းသူများအတွက် ရေနံဈေးနှုန်းကျဆင်းခြင်းသည် အပြုသဘောဆောင်သော ရောင်းလိုအားရုတ်တရက်ပြောင်းလဲမှုဖြစ်သည်။ ရလဒ်အနေဖြင့် လောင်စာစွမ်းအင်တင်သွင်းသူများထံမှ လောင်စာစွမ်းအင် ဝယ်လိုအား တိုးတက်လာခြင်းသည် ရေနံတင်သွင်းသူများအတွက် အပြုသဘောဆောင်သော သွယ်ဝိုက်အကျိုးသက်ရောက်မှုဖြစ် သည်ဟု ခန့်မှန်းနိုင်ပါသည်။ သို့သော်လည်း ဤသည်မှာ သာမန်ကိစ္စအတွက်သာ ဖြစ်ပြီး ယခု လက်ရှိအခြေအနေမှာ သာမန်အခြေအနေမဟုတ်ပါ။ ကမ္ဘာအနှံ့ရှိ ဗိုင်းရပ်စ်ဘေးဒဏ်ခံစားနေရ သောနိုင်ငံများတွင် ဗိုင်းရပ်စ် ပျံ့နှံ့မှုကိုရပ်တန့်နိုင်ရန်အတွက် မရှိမဖြစ်မဟုတ်သော စီးပွားရေးလုပ်ငန်း များနှင့် ဝန်ဆောင်မှုများကိုပိတ်ထားရပြီး အစိုးရတာဝန်ရှိသူများက နိုင်ငံသားများအား အိမ်ထဲတွင်သာနေခိုင်းထားသဖြင့် ရေနံတင်သွင်းသူ များ၏ဝယ်လိုအားမှာ ကျဆင်းလျက် ရှိပါသည်။ ဤအစီအမံများကြောင့် ရေနံဝယ်လိုအားကျဆင်းပြီး စီးပွားရေးလုပ်ငန်းများ အထူးသဖြင့် သယ်ယူပို့ဆောင်ရေးကဏ္ဍတို့ကို ရပ်တန့်သွားစေပါသည်။ ထို့ကြောင့် ရေနံစိမ်း တင်ပို့သူများအပေါ် သွယ်ဝိုက်အကျိုးသက်ရောက်သည့်အနေဖြင့် ဆိုးကျိုးဖြစ်စေနိုင်သည်ဟု မျှော်လင့်သော်လည်း တိုက်ရိုက်အကျိုး သက်ရောက်မှုနှင့် သွယ်ဝိုက်အကျိုးသက်ရောက်မှုတို့၏ စုစုပေါင်း အကျိုးသက်ရောက်မှုတို့မှာ များစွာကြီးမားနိုင်ပါသည်။ အနှုတ်သဘောဆောင်သော စုစုပေါင်းအကျိုးသက်ရောက်မှုသည် စွမ်းအင်တင်ပို့ရောင်းချသူများ၏ ဝင်ငွေကို မျှော်မှန်းထား သည်ထက်ပို၍ လျော့နည်းသွားစေနိုင်မည်ဖြစ်သည်။

အခြားတစ်ဖက်မှကြည့်မည်ဆိုလျှင် ရေနံဈေး တဟုန်ထိုးကျဆင်းမှုသည် ရေနံစိမ်း တင်သွင်းသူများအတွက် အကျိုးသက်ရောက်မှု(၂)ခုဖြစ်စေသည် - တိုက်ရိုက် အကျိုးသက်ရောက် မှုအနေဖြင့် အပြုသဘောဆောင်သော ရောင်းလိုအား ရုတ်တရက်ပြောင်းလဲမှုသည် ထုတ်လုပ်မှုကုန်ကျစရိတ်ကို လျော့ကျစေနိုင်ပြီး ထုတ်လုပ်မှုဖြစ်စဉ်ကြောင့်ပင် သွယ်ဝိုက်သောအားဖြင့် ဆိုးကျိုးများဖြစ်ပေါ်စေပါသည်။ (ဆိုလိုသည်မှာ ရေနံစိမ်းတင်ပို့ ရောင်းချသည့် နိုင်ငံများ၏ ဝင်ငွေများလျော့နည်းသွားခြင်းသည် သွယ်ဝိုက်သောဆိုးကျိုးသက်ရောက်မှုပင်ဖြစ်သည်။) ရေနံတင်ပို့ သည့်နိုင်ငံများကို (မော်တော်ကားများ၊ အိမ်သုံးပစ္စည်းများနှင့် အခြားကုန်ပစ္စည်းများကဲ့သို့သော) ကုန်ချောပစ္စည်းများတင်ပို့မှုကို လျှော့ချစေခြင်းဖြင့် ၎င်းတို့၏ အသားတင်အမြတ်ကို လျော့နည်း သွားစေပါသည်။

သို့သော်လည်း လက်ရှိ Covid-19 ကူးစက်ရောဂါသည် ကမ္ဘာလုံး ဆိုင်ရာဝယ်လိုအား အထူးသဖြင့် အမေရိကန်ပြည်ထောင်စု၊ ဥရောပသမဂ္ဂ၊ တရုတ်ပြည်သူ့သမ္မတနိုင်ငံနှင့် ဂျပန်နိုင်ငံတို့တွင် စက်သုံးဆီသုံးစွဲမှု အများဆုံးကဏ္ဍကြီးဖြစ်သည့် သယ်ယူပို့ဆောင်ရေးကဏ္ဍတွင် အကြီး အကျယ် လျော့နည်းစေပါသည်။ ထို့ကြောင့် ကိုရိုနာဗိုင်းရပ်စ်၏ အကျိုးဆက်ရှိနေချိန်တွင် ရေနံဈေးနှုန်း မည်သည့်အတိုင်းအတာအထိ ကျဆင်းလျှင် သုံးစွဲသူများအတွက် အကျိုးရှိမည် ဆိုသည်ကို ဝယ်လိုအား မလုံလောက်သေးသည့်အတွက် ရှင်းလင်းစွာ မသိရှိနိုင်သေးပါ။

နောက်ဆုံးတွင် Covid-19 အကျိုးဆက်နှင့် လက်ရှိရေနံဈေးနှုန်း ကျဆင်းမှုတို့အတွက် စီးပွားရေးများအပေါ် ဆိုးကျိုးသက်ရောက်မှုများကို အကဲဖြတ်ရာတွင် တစ်ဖက်သက် ဆန်းစစ်မှုသည် မလုံလောက်ကြောင်း ထုတ်ဖော်ပြသရန် အရေးကြီးပါသည်။ စီးပွားရေး လုပ်ငန်းများ အတင်းအကျပ်ပိတ်သိမ်းမှုကြောင့် ထုတ်လုပ်မှုပြတ်တောက်ခြင်းများ သိသိသာသာ ဖြစ်ပွားခြင်း၊ နယ်စပ်များပိတ်ဆို့ခြင်း၊ ခရီးသွားလာမှုကို တားမြစ်ခြင်းနှင့် ကုန်ပစ္စည်းများ၊ လူများနှင့်ရင်းနှီးမြှုပ်နှံမှုများကို ကန့်သတ်ခြင်းတို့ကြောင့် ကုန်သွယ်မှုနှင့်စီးပွားရေးကို အနှောင့် အယှက်ဖြစ်စေပြီး ၎င်းတို့အားလုံးသည် ထုတ်လုပ်မှုကဏ္ဍကို အဟန့်အတားဖြစ်စေသည့်အတွက် ကမ္ဘာလုံးဆိုင်ရာ ကုန်ထုတ်လုပ်မှုကွင်းဆက်တစ်လျောက်လုံးအား ပျက်စီးစေပါသည်။

Source : https://www.asiapathways-adbi.org/

Latest News: 

မြန်မာနိုင်ငံယှဉ်ပြိုင်မှုကော်မရှင်ရုံးသစ် ပန္နက်တော်တင်မင်္ဂလာအခမ်းအနားသို့ တက်ရောက်

Wed, 09/16/2020 - 05:54 -- competition
Myanmar

၂၀၂၀ ပြည့်နှစ်၊ ဧပြီလ ၃ ရက်နေ့ နံနက် ၈:၄၅ အချိန်တွင် နေပြည်တော်၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနဝန်းအတွင်း မြန်မာနိုင်ငံယှဥ်ပြိုင်မှုကော်မရှင်ရုံး အဆောက်အဦဆောက်လုပ်ရန်အတွက် ပန္နက်တော်တင် မင်္ဂလာအခမ်းအနား ကျင်းပပြုလုပ်ခဲ့ပါသည်။

Latest News: 

မြန်မာနိုင်ငံယှဉ်ပြိုင်မှုကော်မရှင်ဥက္ကဋ္ဌ၊စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ပြည်ထောင်စုဝန်ကြီး ဒေါက်တာသန်းမြင့် မြန်မာနိုင်ငံယှဉ်ပြိုင်မှုကော်မရှင်(၁/၂၀၂၀)ကြိမ်မြောက်အစည်းအဝေးပွဲသို့ တက်ရောက်

Wed, 09/16/2020 - 04:55 -- competition
Myanmar

၂၀၂၀ ပြည့်နှစ်၊ ဖေဖော်ဝါရီလ ၁၁ ရက်နေ့၊ နံနက် (၁၀:၀၀) နာရီအချိန်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၊ အစည်းအဝေးခန်းမ၌ ကျင်းပပြုလုပ်သော မြန်မာနိုင်ငံယှဉ်ပြိုင်မှု ကော်မရှင် (၁/၂၀၂၀) ကြိမ်မြောက် အစည်းအဝေးသို့ မြန်မာနိုင်ငံယှဉ်ပြိုင်မှုကော်မရှင်ဥက္ကဋ္ဌ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဒေါက်တာသန်းမြင့် တက်ရောက်အမှာစကားပြောကြားသည်။

မြန်မာနိုင်ငံယှဉ်ပြိုင်မှုကော်မရှင်ဥက္ကဋ္ဌ၊ ပြည်ထောင်စုဝန်ကြီးက အမှာစကားပြောကြားရာတွင် ယှဉ်ပြိုင်မှုနည်းဥပဒေပါ သတ်မှတ်ချက်များအတိုင်း ကော်မရှင်အစည်းအဝေးများကို ပုံမှန် ကျင်းပလာခဲ့ရာ ပဥ္စမ အကြိမ်ရောက်ရှိလာခဲ့ပြီဖြစ်သကဲ့သို့ ကော်မရှင်၏ သက်တမ်းမှာလည်း တစ်နှစ်ကျော်လာခဲ့ပြီဖြစ်ကြောင်း၊ ယင်းကာလအတွင်း၌ ယှဉ်ပြိုင်မှုကော်မရှင်အနေဖြင့် လေ့လာသင်ယူခဲ့ရမှုများ၊ ကြုံတွေ့ခဲ့ရသည့် အတွေ့အကြုံများမှရှေ့ဆက်ဆောင်ရွက်ရန်အစီအစဉ်များကို ပိုမိုသိရှိလာကြကြောင်း၊ စီးပွားရေးလုပ်ငန်းရှင်များဘက်ကလည်း ယှဉ်ပြိုင်မှုဥပဒေနှင့် ယှဉ်ပြိုင်မှု ကော်မရှင်အကြောင်းကို ပိုမိုသိရှိလာကြပြီး စုံစမ်းမေးမြန်းမှုများ၊ လာရောက်ဆွေးနွေးတင်ပြမှုများ၊ တိုင်ကြားမှုများကို ယခင်ကထက် ပိုမိုပြုလုပ်လာကြသည်ကို တွေ့ရှိရပါကြောင်း၊ ကော်မရှင်အနေဖြင့် ကဏ္ဍအလိုက် ထိန်းကျောင်းအကောင်အထည်ဖော်နေသည့် အစိုးရအဖွဲ့အစည်းများ (Sector Regulators)နှင့် ညှိနှိုင်းဆောင်ရွက်ဖို့ကိုလဲ အလေးအနက်ထား စီမံဆောင်ရွက်ရမှာ ဖြစ်ကြောင်း၊ ကော်မရှင်၏ စီမံရေးရာကိစ္စရပ်များ၊ တိုင်ကြားမှုများအပေါ် ဖြေရှင်းပေးမှုများ၊ အသိပညာပေးမှုများ၊ ပူးပေါင်းဆောင်ရွက်မှုများကို ဆောင်ရွက်ဖို့လိုအပ်သကဲ့သို့ ကော်မရှင်၏ လုပ်ငန်းတာဝန်များကို ပိုမိုထိရောက်ပြီး မြန်မြန်ဆန်ဆန်ဆောင်ရွက်နိုင်ရေးအတွက် အစီအမံများ ကိုလည်း ညှိနှိုင်းချမှတ်ရမည်ဖြစ်ကြောင်း ပြောကြားခဲ့ပါသည်။

ဆက်လက်၍ကော်မရှင်ပုံမှန်အစည်းအဝေးကိုကျင်းပရာ စတုတ္ထအကြိမ် ပုံမှန်အစည်းအဝေး ဆုံးဖြတ်ချက်များအပေါ် ဆောင်ရွက်ပြီးစီးမှုအခြေအနေများကို ကော်မရှင်ရုံးက ရှင်းလင်းတင်ပြဆွေးနွေးခဲ့ပြီး ​လက်ခံရရှိထားသော တိုင်ကြားမှုများ နှင့်ပတ်သက်၍ ဖြေရှင်းဆောင်ရွက်နေမှုများ၊ ဆက်လက်ဆောင်ရွက်မည့်လုပ်ငန်းအစီအစဉ်များကို ကော်မရှင် အဖွဲ့ဝင်များက ဖြည့်စွက်ဆွေးနွေးခဲ့ကြကာ မြန်မာနိုင်ငံယှဉ်ပြိုင်မှု ကော်မရှင်ဥက္ကဋ္ဌ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးက နိဂုံးချုပ်စကားပြောကြားခဲ့ပါသည်။

Latest News: 

စီးပွားရေးလုပ်ငန်းများပေါင်းစည်းခြင်းဆိုင်ရာယှဉ်ပြိုင်မှုအလုပ်ရုံဆွေးနွေးပွဲ (M & A Workshop : Discussion on Merger Thresholds) ကျင်းပပြုလုပ်

Tue, 09/15/2020 - 09:03 -- competition
Myanmar

စီးပွားရေးလုပ်ငန်းများပေါင်းစည်းခြင်းဆိုင်ရာယှဉ်ပြိုင်မှုအလုပ်ရုံဆွေးနွေးပွဲကို ၂၅-၁၀-၂၀၁၉ ရက်နေ့တွင် ရန်ကုန်မြို့ရှိ ဆူးလေရှန်ဂရီလာဟိုတယ်တွင် ကျင်းပပြုလုပ်ခဲ့ပါသည်။

မြန်မာနိုင်ငံယှဉ်ပြိုင်မှုကော်မရှင်အနေဖြင့် ယှဉ်ပြိုင်မှုဥပဒေအရ စီးပွားရေးလုပ်ငန်းအချင်းချင်း ပေါင်းစည်းခြင်း သို့မဟုတ် ရယူခြင်း ပြုလုပ်မှုများကြောင့် ဈေးကွက်ထဲရှိ အခြားစီးပွားရေးလုပ်ငန်းများ၏ ယှဉ်ပြိုင်နိုင်စွမ်းကို ထိခိုက်ပျက်ပြားမှု မဖြစ်စေရန် ကြပ်မတ်ထိန်းကျောင်းရမည့် တာဝန်လည်းရှိပါသည်။

သို့ဖြစ်၍ စီးပွားလုပ်ငန်းများ ပေါင်းစည်းခြင်း သို့မဟုတ် ရယူခြင်းတို့အတွက် Threshold တစ်ခုသတ်မှတ်နိုင်ရန် ပြင်ဆင်ဆောင်ရွက်လျက်ရှိရာ ပညာရပ်များနှင့်ဆန့်ကျင်မှုမရှိဘဲ လက်တွေ့နယ်ပယ်နှင့်လည်း ကိုက်ညီမှုရှိစေရန်အတွက် စီးပွားရေးပညာရှင်များ၊ဥပဒေပညာရှင်များနှင့် လက်တွေ့လုပ်ငန်းနယ်ပယ်တွင် ဆောင်ရွက်လျက်ရှိသည့် စီးပွားရေးလုပ်ငန်းရှင်များ၊သက်ဆိုင်ရာဌာန/အဖွဲ့အစည်းများမှ ကိုယ်စားလှယ်များကို ဖိတ်ကြားပြီး ဆွေးနွေးမှုပြုနိုင်ရန် ရည်ရွယ်၍ အဆိုပါအလုပ်ရုံဆွေးနွေးပွဲကို ကျင်းပပြုလုပ်ခဲ့ခြင်းဖြစ်ပါသည်။

Latest News: 

မြန်မာနိုင်ငံယှဉ်ပြိုင်မှုကော်မရှင် စတုတ္တအကြိမ်ပုံမှန် အစည်းအဝေး ကျင်းပပြုလုပ်

Tue, 09/15/2020 - 08:51 -- competition
Myanmar

မြန်မာနိုင်ငံယှဉ်ပြိုင်မှုကော်မရှင် စတုတ္ထအကြိမ်ပုံမှန်အစည်းအဝေးကို ၂၀၁၉ ခုနှစ်၊ စက်တင်ဘာလ ၃၀ ရက်နေ့တွင် နေပြည်တော်၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံးအစည်းအဝေးခန်းမ၌ ကျင်းပပြုလုပ်ခဲ့ပါသည်။

အစည်းအဝေးတွင် မြန်မာနိုင်ငံယှဉ်ပြိုင်မှုကော်မရှင်ဥက္ကဋ္ဌ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးက အဖွင့်အမှာစကားပြောကြားရာ၌ မြန်မာနိုင်ငံယှဉ်ပြိုင်မှုကော်မရှင်ကို ပြည်သူများ၊ လုပ်ငန်းရှင်များ၊ စားသုံးသူများ၏ အားကိုးအားထားပြုနိုင်သော အဖွဲ့အစည်းတစ်ခုဖြစ်အောင် ကြိုးပမ်းဆောင်ရွက်ရန်လိုအပ်ကြောင်း၊ ယခုအခါတွင် ယှဉ်ပြိုင်မှု ကော်မရှင်သို့ ယှဉ်ပြိုင်မှုဥပဒေ ဆိုင်ရာဆွေးနွေးမေးမြန်းမှုများ၊ တိုင်ကြားမှုများ လက်ခံရရှိမှု တိုးတက်လာခြင်းကို ကြည့်ခြင်းအားဖြင့် ကော်မရှင်ကို ပြည်သူများ၏ ယုံကြည်အားထားမှု အထိုက်အလျောက်ရရှိလာပြီဆိုသည်ကို ဖော်ပြနေပါကြောင်း၊ ပြည်သူများအနေဖြင့် ယှဉ်ပြိုင်မှုဥပဒေ အကြောင်းကိုသာမက တိုင်ကြားမှုနည်းလမ်းများကိုလည်း သိရှိနားလည်လာအောင် အသိပညာပေးလုပ်ငန်းများကို ဆောင်ရွက်သွားရမည်ဖြစ်ကြောင်း၊ ထိုသို့ဆောင်ရွက်ရာတွင်လည်း မီဒီယာများမှတစ်ဆင့် ကျယ်ကျယ်ပြန့်ပြန့်ဆောင်ရွက်နိုင်အောင် ကြိုးပမ်းကြရမည်ဖြစ်ပါကြောင်း၊ ကော်မရှင်အနေဖြင့် မီဒီယာနှင့်ပုံမှန်တွေ့ဆုံကာ ယှဉ်ပြိုင်မှုဆိုင်ရာဆောင်ရွက်မှုအခြေအနေများကို အသိပေးရှင်းလင်းဆွေးနွေးမှုများ ပြုလုပ်သွားရမည်ဖြစ်ပါကြောင်း ပြောကြားခဲ့ပါသည်။

ဆက်လက်၍ ကော်မရှင်ပုံမှန်အစည်းအဝေးကိုကျင်းပရာ တတိယအကြိမ် ပုံမှန်အစည်းအဝေး ဆုံးဖြတ်ချက်များအပေါ် ဆောင်ရွက်ပြီးစီးမှုအခြေအနေများ၊ လက်ခံရရှိထားသော တိုင်ကြားမှုများနှင့်ပတ်သက်၍ ဖြေရှင်းဆောင်ရွက်နေမှုများ၊ ဆက်လက်ဆောင်ရွက်မည့် လုပ်ငန်းအစီအစဉ်များကို ယှဉ်ပြိုင်မှုကော်မရှင်ရုံးမှ ရှင်းလင်းတင်ပြဆွေးနွေးခဲ့ပြီး၊ ကော်မရှင်အဖွဲ့ဝင်များမှ ဖြည့်စွက်ဆွေးနွေးခဲ့ကြကာ အစည်းအဝေးကို နေ့လယ် ၁၄:၀၀ နာရီချိန်တွင် အောင်မြင်စွာ ပြီးစီးခဲ့ပါသည်။

Latest News: 

မြန်မာနိုင်ငံယှဉ်ပြိုင်မှုကော်မရှင်အဖွဲ့ဝင်များ ဖိလစ်ပိုင်နိုင်ငံ မနီလာမြို့ရှိ ဖိလစ်ပိုင်ယှဉ်ပြိုင်မှုကော်မရှင်(PCC)သို့ လေ့လာရေးခရီးသွားရောက်ခြင်း

Tue, 09/15/2020 - 08:07 -- competition
Myanmar

     မြန်မာနိုင်ငံယှဉ်ပြိုင်မှုကော်မရှင်ဥက္ကဋ္ဌ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီးဒေါက်တာသန်းမြင့်နှင့် အဖွဲ့ဝင်များသည်  ၂၀၁၉ ခုနှစ်၊ မေလ ၈ ရက်နေ့မှ ၁၀ ရက်နေ့ထိ  ဖိလစ်ပိုင်ယှဉ်ပြိုင်မှုကော်မရှင်(PCC)သို့ သွားရောက်၍ ဖိလစ်ပိုင်ယှဉ်ပြိုင်မှုကော်မရှင်၏ ဖွဲ့စည်းဆောင်ရွက်မှု၊ လုပ်ငန်းဆောင်ရွက်မှု၊ ယှဉ်ပြိုင်မှုဥပဒေ၊ ယှဉ်ပြိုင်မှုမူဝါဒ၊ စီမံကိန်းရေးဆွဲ ဆောင်ရွက်မှု၊ စွမ်းအား အရင်းအမြစ် လှည့်လှည်သုံးစွဲမှု၊ အသိပညာပေးဆောင်ရွက်မှု၊ အမှုများ ကိုင်တွယ် ဖြေရှင်းမှုစသည့် အကောင်အထည်ဖော်ဆောင်ရွက်မှု လုပ်ငန်းစဉ်များနှင့် အခြေ အနေများကို သွားရောက်လေ့လာခဲ့ကြပါသည်။

Latest News: 

စီးပွားရေးလုပ်ငန်းလုပ်ကိုင်သူများ သိရှိနားလည် လိုက်နာဆောင်ရွက်ရမည့် အရောင်းမြှင့်တင်ခြင်းဆိုင်ရာ ကန့်သတ်ချက်များနှင့်စပ်လျဉ်းသည့် အမိန့်ထုတ်ပြန်ခြင်း

Fri, 09/11/2020 - 03:32 -- competition
Myanmar

မြန်မာနိုင်ငံယှဉ်ပြိုင်မှုကော်မရှင်သည် ယှဉ်ပြိုင်မှုဥပဒေ ပုဒ်မ ၅၆ ပုဒ်မခွဲ (ခ)အရ အပ်နှင်းထားသော လုပ်ပိုင်ခွင့်ကိုကျင့်သုံး၍ စီးပွားရေးလုပ်ငန်းများ (ဝန်ဆောင်မှုလုပ်ငန်းများ အပါအဝင်) အကြား လွတ်လပ်၍မျှတသောယှဉ်ပြိုင်မှု ဖြစ်ထွန်းပေါ်ပေါက်စေရေး၊ ဈေးကွက်တွင် မျှတသောယှဉ်ပြိုင်မှုကို တစ်ပြေးညီတိုးတက်လာစေရေး၊ သာတူညီမျှခံစားခွင့်ရရှိစေရေးနှင့် အများပြည်သူတို့၏ အကျိုးစီးပွားကို ထိခိုက်နစ်နာစေခြင်းမှ ကာကွယ်စောင့်ရှောက်ပေးနိုင်ရေး တို့အတွက် စီးပွားရေးလုပ်ငန်းလုပ်ကိုင်သူများ သိရှိနားလည်လိုက်နာဆောင်ရွက်ရမည့် အရောင်းမြှင့်တင်ခြင်းဆိုင်ရာ ကန့်သတ်ချက်များနှင့်စပ်လျဉ်းသည့် အမိန့်အမှတ် (၂/၂၀၂၀) ကို ထုတ်ပြန်လိုက်သည်။

Latest News: 

JOINT STATEMENT BY THE ASEAN EXPERTS GROUP ON COMPETITION (AEGC) IN RESPONSE TO THE CORONAVIRUS DISEASE (COVID-19) PANDEMIC

Thu, 06/11/2020 - 09:30 -- competition
Undefined

JOINT STATEMENT BY THE ASEAN EXPERTS GROUP ON COMPETITION (AEGC) IN RESPONSE TO THE CORONAVIRUS DISEASE (COVID-19) PANDEMIC (Eng Version)

Latest News: 

Pages

Subscribe to RSS - ယှဉ်ပြိုင်မှုမူဝါဒ (Competition)