ပညာပေး/လှုပ်ရှားမှုများ
“နွေမိန်တပေါင်း ၊ နေရှိန်လောင်း ၊ ရွက်ဟောင်းကြွေကျ မြေခခဲ့ပြီလေ” နွေဟု ဆိုလျှင် ပူးပြင်းသော ကာလဟု သိကြသည်။ သည်အချိန်က ကျေးလက်နေ ပြည်သူတို့ လယ်ယာလုပ်ငန်းပြီးဆုံးချိန်မို့ အနားယူ အပန်းဖြေသော ကာလဟုလည်း ဆိုနိုင်သည်။ သည်အချိန်ဆိုလျှင် ကျေးလက်တောရွာများY ရှင်ပြုနားသ အလှူတော် မင်္ဂလာပွဲ ၊ ဘုရားပွဲ ၊ သြင်္ကန်ပွဲတော်တို့ဖြင့် အလှူရေစက်လက်နှင့်မကွာရှိနေသော အချိန်အခါပင် ဖြစ်ပေသည်။ သည်အချိန်အခါသမယတွင်တော့ နွေ၏ အပူဒဏ်ကို ကြံ့ကြံ့ခံကာ သရက်ပင်မျိုးတို့သည် အရွက်များ နီတျာ ရဲရဲဖြင့် လောကကြီးကိုအလှဆင်ကာ ငွါးငွါးစွင့်စွင့် ကြွားကြွားဝင့်ဝင့်ပေါ်ထွက်လာခဲ့လေပြီ။ သည်ကာလ အခါသမယတွင်တော့ ရွက်စိမ်းနုနု သရက်ပင်တို့၏ အောက်Y ထုံအီ သင်းပျံ့သော ရနံ့တို့ကို ရှုရှိုက်ရင်း နားခိုရ သည်မှာ ဘဝင်ချမ်းမြေ့ ရင်ကို ရွှင်လန်းအေးမြ စေလှပါသည်။ စိမ်းဖန့်ဖန့်ဖြင့် တွဲခိုကာ ပင်လုံးကြွတ်မျှ သီးနေသော သရက်သီးတို့က ပန်ချီကားချပ်သဖွယ် လှပနေသည်မှာ နွေရာသီ၏ အလှကို ထပ်မံဖြည့်စွက် နေသလိုပင် ။ မြန်မာနိုင်ငံတွင် သရက်ပင်မရှိသောမြို့ရွာဟူIမရှိသလောက် တွေ့ရှိရသဖြင့် ဒေသမရွေး စိုက်ပျိုးနိုင်သည် ဟု ဆိုရပေမည်။ ဒေသ မျိုးရင်း သရက်များအဖြစ် မချစ်စု ၊ ရင်ကွဲ ၊ သုံးလုံးတစ်တောင် ၊ စိမ်းစားသရက် စသည်တို့ရှိသလို နိုင်ငံခြားမျိုး စိန်တလုံး ၊ မြကျောက် ၊ ရွှေင်္ဟသာ စသည်တို့ကို ယခုအခါ အများအပြား စိုက်ပျိုး လာကြပြီး ပို့ကုန် ပစ္စည်းအဖြစ် တင်ပို့နိုင်ရန် ကြိုးပမ်းဆောင်ရွက် နေကြသည်။ သရက်သီးမှာ ရွှေဝါရောင်ရှိပြီး မွှေးမြချိုအီကာ ချိုမြိန်သော အရသာရှိပြီး ဖိုင်ဘာခေါ် အမျှင်ဓါတ်များစွာ ကြွယ်ဝပါသောကြောင့် ကင်ဆာရောဂါကို ထိရောက်စွာ ကာကွယ်နိုင်သည်ဟု သိရပါသည်။ သရက်သီးကင်းနု ကလေးများကို မြန်မာတို့က ငါးပိရေ တို့စရာအဖြစ် ပဲဟင်း နှင့် တွဲဘက်စားသုံးပါက လွန်စွာလိုက်ဖက်ညီI စားကောင်း ထမင်းမြိန်လှပါသည်။ သရက်သီး ဝမ်းပျင်များကိုတော့ အလုံးလိုက်လည်းကောင်း ၊ သုတ်စားIလည်းကောင်း စားသုံးနိုင်ပါသည်။ ၎င်းအပြင် သရက်သီး အစိမ်းများကို သရက်သီး အခြောက်လှန်းကာ သရက်သီးသနှပ်အဖြစ် လည်းကောင်း ၊ ဆားရည်စိမ်Iလည်း သရက်ချဉ် ပြုလုပ်ကာ တစ်နှစ်ပတ်လုံး စားသုံးနိုင်ရန် ပြုလုပ်ထားနိုင်လေသည်။ သရက်သီးအမှည့်များကိုတော့ သရက်ပြားအဖြစ်ပြုလုပ်ပြီး ပို့ကုန်အမယ် တစ်မျိုးအဖြစ် တင်ပို့နေသည်ဟု သိရှိရသည်။ သရက်သီးကိုတော့ဖြင့် မြန်မာ့ရိုးရာ ယဉ်ကျေးမှု သြင်္ကန်ကာလတွင် ဖရောင်းနံ့သင်းသင်း သြင်္ကန်ထမင်းနဲ့ သရက်သီးသုပ် တို့မှာ တွဲဘက်ညီကာ စွဲမက်စရာ မြန်မာ့ဓလေ့ စားစာရာ တစ်ခုပင် ဖြစ်ပါသည်။ ယခုအခါ မြန်မာ့သရက်သီး တင်ပို့မှုနှင့် ထုတ်လုပ်မှုနည်းပညာများကို နိုင်ငံတကာမှ အကူအညီပေးလာပြီး ဈေးကွက်ဝယ်လိုအား တောင်းဆိုမှုရှိလာသည်ဟု သိရှိရပါသည်။ မြန်မာ့သရက်သီးများကို နယ်စပ်ဒေသမှ တရုတ် နိုင်ငံသို့ အများဆုံးတင်ပို့သည်ကို တွေ့ရှိရသည်။ သရက်သီး တင်ပို့မှုအနေဖြင့် ၂၀၁၁ - ၂၀၁၂ ခုနှစ်တွင် ပင်လယ်ရေကြောင်းမှ ၃၀၄.၅ TNE ၊ တန်ဘိုးအနေဖြင့် အမေရိကန်ဒေါ်လာ ၇၂၉၇.၅၀ နှင့် နယ်စပ်ကုန်သွယ်ရေးမှ ၃၉၈၉၅.၆ TNE ၊ အမေရိကန်ဒေါ်လာ ၁၃၄၅၀၅၄၉.၆၂ တန်ဘိုး တင်ပို့နိုင်ခဲ့ပြီး တင်ပို့သည့် နိုင်ငံများမှာ စင်ကာပူနိုင်ငံ ၊ အန္ဒိယနိုင်ငံ ၊ တရုတ်နိုင်ငံ နှင့် ဘင်္ဂလားဒေ်ရှ် နိုင်ငံတို့ဖြစ်ပါသည်။ ရွှေရောင်တဝင်းဝင်း အဆင်းရှိသော မြန်မာ့သရက်သီးတို့က ဧပြီ ၊ မေလ များတွင် လှိုင်လှိုင်ပေါ်ပြီ ဖြစ်ပါသည်။ အသားမှာ ဝက် ၊ အသီးမှာ သရက် ဆိုသကဲ့သို့အနံ့အရသာနှင့် ပြီးပြည့်စုံသော အရက်သီးတို့က များမကြာမီ နိုင်ငံတကာဈေးကွက်သို့ ထိုးဖောက်ကာ မြန်မာ့သရက်ကို မြှင့်တင်ပြီး ပြည်တွင်းအလုပ်အကိုင် အခွင့်အလမ်းများနှင့် ပြည်ပဝင်ငွေအား တစ်ဖက်တစ်လမ်း ကြိုးပမ်းရှာဖွေဖော်ထုတ်ပေးတော့မည် ဖြစ်ကြောင်း သတင်းဆောင်းပါး တင်ပြလိုက်ပါသည်။ မြင့်မြင့်အေး ( ပို့ကုန် )
၁။ ပဲမျိုးစုံ ပို့ကုန်လိုင်စင်အားလုံးအတွက် ကုမ္ပဏီများအနေဖြင့် အောက်ပါအချက်များ ပူးတွဲတင်ပြရ ပါမည်။
(က) ကုမ္ပဏီ Letter Head ဖြင့် ပို့ကုန်လိုင်စင်လျှောက်လွှာ။
( ခ) Online Application Form ။ ၆၀၀ ကျပ်တန် တံဆိပ်ခေါင်းကပ်ပြီး လျှောက်လွှာ။
( ဂ) ပြည်ပ ကုမ္ပဏီနှင့် ချုပ်ဆိုထားသော အရောင်းအဝယ်စာချုပ် (Sale Contract/Invoice) ၊ (ကုန်ပို့နိုင်ငံတစ်နိုင်ငံ ၊ ဆိပ်ကမ်း (၁) ခုသာ ဖော်ပြရန်) အရောင်းအဝယ်စာချုပ်တွင် ပါဝင် ရမည့် အချက်များ ပြည့်စုံစွာဖော်ပြရန်)
(ဃ) လျှောက်ထားသည့် ကုမ္ပဏီ၏ ကိုယ်စားလှယ်ကဒ် မူရင်း/ မိတ္တူ ။
( င) သင်္ဘောတင်ပြီးစီးမှုကို ဌာနသို့ အထောက်အထားဖြင့် တင်ပြရန် ။
၂။ အခြားလယ်ယာထွက်ကုန်ပစ္စည်း ပို့ကုန်လိုင်စင်အားလုံးအတွက် ကုမ္ပဏီများအနေဖြင့် အောက်ပါ အချက်များ ပူးတွဲတင်ပြရပါမည် -
(က) ကုမ္ပဏီ Letter Head ဖြင့် ပို့ကုန်လိုင်စင်လျှောက်လွှာ ။
( ခ) Online Application Form ။ ၆၀၀ကျပ်တန် တံဆိပ်ခေါင်းကပ်ပြီး လျှောက်လွှာ။
( ဂ) ပြည်ပ ကုမ္ပဏီနှင့် ချုပ်ဆိုထားသော အရောင်းအဝယ်စာချုပ် (Sale Contract/Invoice) ၊ (ကုန်ပို့နိုင်ငံ (၁) နိုင်ငံ ၊ ဆိပ်ကမ်း (၂) ခု ဖော်ပြပါက ခိုင်လုံသော အထောက်အထားတင်ပြ စေရန်) အရောင်းအဝယ်စာချုပ်တွင် ပါဝင်ရမည့် အချက်များ ပြည့်စုံစွာဖော်ပြရန်)
(ဃ) လျှောက်ထားသည့် ကုမ္ပဏီ၏ ကိုယ်စားလှယ်ကဒ် မူရင်း/ မိတ္တူ ။
( င) သက်ဆိုင်ရာဌာန ထောက်ခံချက်တင်ပြရမည့် ကုန်ပစ္စည်းများ -
(၁) မျိုးစေ့ - မြန်မာ့စိုက်ပျိုးရေးလုပ်ငန်း၊လယ်ယာစိုက်ပျိုးရေးနှင့်ဆည်မြောင်း ဝန်ကြီးဌာန ထောက်ခံချက်။
(၂) အသီးအနှံများ - လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန
ထောက်ခံချက်။
(စ) အမယ်သစ်ပို့ကုန်ပစ္စည်းများအတွက် နမူနာပစ္စည်း ၊ ဓါတ်ပုံ ၊ ဈေးနှုန်း တွက်ချက်မှု ၊ ထွက်ရှိသည့် ဒေသ ၊ ပြည်တွင်းဈေး ၊ ကုန်ပစ္စည်းအသုံးပြုပုံ)
(ဆ) သင်္ဘောတင်ပြီးစီးမှုကို ဌာနသို့ အထောက်အထားဖြင့် တင်ပြရန်။
၃။ ရာဘာပို့ကုန်လိုင်စင်အတွက် ကုမ္ပဏီများအနေဖြင့် အောက်ပါ အချက်များ ပူးတွဲတင်ပြရပါမည် -
(က) ကုမ္ပဏီ Letter Head ဖြင့် ထုတ်ကုန်လိုင်စင်လျှောက်လွှာ။
( ခ) Online Application Form ။ ၆၀၀ကျပ်တန် တံဆိပ်ခေါင်းကပ်ပြီး လျှောက်လွှာ။
( ဂ) ပြည်ပကုမ္ပဏီနှင့် ချုပ်ဆိုထားသော အရောင်းအဝယ်စာချုပ် (Sale Contract/Invoice) ၊ (ကုန်ပို့နိုင်ငံတစ်နိုင်ငံ ၊ ဆိပ်ကမ်း (၁) ခုသာဖော်ပြရန်) အရောင်းအဝယ်စာချုပ်တွင်ပါဝင်ရမည့် အချက်များ ပြည့်စုံစွာ ဖော်ပြရန်)
(ဃ) လျှောက်ထားသည့် ကုမ္ပဏီ၏ ကိုယ်စားလှယ်ကဒ် မူရင်း/မိတ္တူ။
( င) သင်္ဘောတင်ပြီးစီးမှုကို ဌာနသို့ အထောက်အထားဖြင့် တင်ပြရန် ။
၄။ ဆန်ပို့ကုန်လိုင်စင်အတွက် အောက်ပါအချက်များ ပူးတွဲတင်ပြရပါမည် -
(က) ကုမ္ပဏီ Letter Head ဖြင့် ထုတ်ကုန်လိုင်စင်လျှောက်လွှာ။
( ခ) Online Application Form ။ ၆၀၀ကျပ်တန် တံဆိပ်ခေါင်းကပ်ပြီး လျှောက်လွှာ။
( ဂ) ပြည်ပကုမ္ပဏီနှင့် ချုပ်ဆိုထားသော အရောင်းအဝယ်စာချုပ် (Sale Contract/Invoice) ၊ (ကုန်ပို့နိုင်ငံတစ်နိုင်ငံ ၊ ဆိပ်ကမ်း (၁) ခုသာဖော်ပြရန်) အရောင်းအဝယ်စာချုပ်တွင်ပါဝင်ရမည့် အချက်များ ပြည့်စုံစွာ ဖော်ပြရန်)
(ဃ) လျှောက်ထားသည့် ကုမ္ပဏီ၏ ကိုယ်စားလှယ်ကဒ် မူရင်း/မိတ္တူ။
( င) သင်္ဘောတင်ပြီးစီးမှုကို ဌာနသို့ အထောက်အထားဖြင့် တင်ပြရန် ။
မြန်မာနိုင်ငံတွင် သဘာဝအလျှောက်ထွက်ရှိသည့် သယံဇာတပစ္စည်းများပေါကြွယ်ဝလှသည့် နိုင်ငံတစ်နိုင်ငံဖြစ် ပါသည်။ သတ္တုနှင့်သတ္တုရိုင်းများ၊ ကျောက်စိမ်းများ၊ အခြားသတ္တုများနှင့် တွင်းထွက်ကျောက်များနှင့်သတ္တုတို့ကို တန်ဖိုး မြှင့်ပြုလုပ်ထားသည့် လက်ဝတ်ရတနာများကိုတင်ပို့ခြင်းဖြင့် နိုင်ငံခြားငွေများစွာရှာဖွေပေးလျှက်ရှိပါသည်။ တွင်းထွက် များအနက်မှ ကျောက်စိမ်းသည်အများဆုံးထွက်ရှိသည့်ပစ္စည်းဖြစ်ပြီး ကချင်ပြည်နယ်၊ မြစ်ကြီးနား၊ မိုးမိတ်၊ မိုးကောင်း မြို့နယ်တို့မှလည်း ထွက်ရှိပါသည်။
ကျောက်စိမ်းကိုလက်ဝတ်ရတနာပြုလုပ်ရာတွင် အသုံးပြုခဲ့ကြသော်လည်း နောက်ပိုင်းတွင် လူအသုံးအဆာင် များပြုလုပ်၍လည်း သုံးစွဲလာကြောင်းတွေ့ရှိရပါသည်။ ကျောက်စိမ်း၏တန်ဖိုးမှာ မနိမ့်လွန်း/မမြင့်လွန်းရှိသည့်အတွက် လူတိုင်းနီးပါးသုံးစွဲနိုင်ပါသည်။ ထိုင်းနိုင်ငံနှင့်တရုတ်နိုင်ငံများတွင် မြန်မာနိုင်ငံမှအရည်အသွေးနိမ့်သည့်ကျောက်စိမ်းများ ကို ဆေးများထည့်သွင်း၍အရောင်ပြောင်းကာ အရည်အသွေးမြင့်ကျောက်စိမ်းများနှင့် ရောနှောရောင်းချခြင်းများရှိလာ ကြောင်းနှင့် မြန်မာ့ကျောက်စိမ်းများထွက်ရှိရာအရပ်များ၌ပင် ကျောက်စိမ်းအတုများကို တွေ့ရှိကြောင်းကြားသိရပါသည်။
၂၀၁၂-၂၀၁၃ ဘဏ္ဍာနှစ် နိုဝင်ဘာလအထိတွင် သတ္တုနှင့်သတ္တုရိုင်းများကို စင်္ကာပူ၊ မက္ကဆီကို၊ မလေးရှား၊ ပြင် သစ်၊ တရုတ်၊ သြစတြေးလျနိုင်ငံများသို့ အမေရိကန်ဒေါ်လာ(၅၄)သန်းကျော်၊ ကျောက်စိမ်းကိုတရုတ်နိုင်ငံမှအများဆုံး ဝယ်ယူပြီး ထိုင်း၊ သီရိလင်္ကာ၊ ဂျပန်နှင့် ဟောင်ကောင်နိုင်ငံများသို့ အမေရိကန်ဒေါ်လာ(၉)သန်းကျော်၊ လက်ဝတ်ရတ နာများကို တရုတ်၊ ဟောင်ကောင်၊ ဂျပန်၊ ကူဝိတ်၊ ထိုင်းနိုင်ငံများသို့ အမေရိကန်ဒေါ်လာ(၂)သန်းကျော်နှင့် အခြား သတ္တုများကို စင်္ကာပူ၊ မက္ကဆီကို၊ မလေးရှား၊ အင်ဒိုနီးရှား၊ ပြင်သစ်၊ တရုတ်၊ သြစတြေးလျနိုင်ငံများသို့ အမေရိကန်ဒေါ် လာ(၂)သိန်းကျော်ဖိုး တင်ပို့ခဲ့ပြီးဖြစ်သည့်အတွက် သတ္တုနှင့်တွင်းထွက်ပစ္စည်းများတင်ပို့မှုမှ စုစုပေါင်းအမေရိကန်ဒေါ် လာ(၆၆)သန်းကျော် နိုင်ငံခြားငွေရှာဖွေခဲ့ပြီးဖြစ်ပါတယ်။
သတ္တုတွင်းဝန်ကြီးဌာနမှလည်း မန္တလေးမြို့တွင် ကျောက်စိမ်းဖွံ့ဖြိုးသောဒေသကြီးတစ်ခုဖြစ်လာရေးအတွက် နိုင်ငံတကာအဆင့်မီကျောက်စိမ်းဈေးကြီး တည်ဆောက်သွားမည်ဖြစ်ပြီး ယခုအချိန်တွင်လည်းနေပြည်တော်တွင် ကျောက်မျက်ရောင်းချပွဲများ ကျင်းပလျှက်ရှိနေသဖြင့် မြန်မာ့သဘာဝတွင်းထွက်သယံဇာတများမှ နိုင်ငံခြားငွေများပိုမို ရှာဖွေပေးနိုင်မည်ဖြစ်ပါကြောင်း ရေးသားလိုက်ရပါတယ်…….
NNL(ပို့ကုန်)
ပည်တွင်းတွင်ပေါများစွာထွက်ရှိပြီး ပြည်ပသို့ ကုန်ကြမ်းအတိုင်း တင်ပို့လျှက်ရှိသော မြန်မာ့ရာဘာ ကုန်ကြမ်းများအား အသုံးပြု ပြီး ပြည်တွင်းစက်ရုံတွင် ထုတ်လုပ်ထားသည့် Yangon Tyre (7.00-16)(12PR) တစ်လုံးလျှင် အမေရိကန်ဒေါ်လာ(75)ဖြင့် တာရာ(350)လုံးအား မလေးရှားနိုင်ငံသို့ ပင်လယ်ရေကြောင်းမှ တင်ပို့ရန်အတွက် ကုမ္ပဏီတစ်ခုမှ ပို့ကုန်လိုင်စင်လာရောက်
လျှောက်ထားခဲ့ကြောင်းသိရှိရပါတယ်..တာယာထုတ်လုပ်မှုနှင့်ပတ်သက်ပြီး ဗဟုသုတရရှိကြစေရန် အတွက် အဆိုပါကုမ္ပဏီအား မေးမြန်းပြီး တင်ပြပေးလိုက်ပါတယ်-
(က) Section01 ( Rubber Compounding Section)= ကုန်ကြမ်းရာဘာများနှင့်ဓါတုပစ္စည်းများအား အချိုးကျရောစပ်ပြီး ပေါင်းစပ်သွားအောင်ပေါင်းခြင်း။
(ခ) Section02 ( Nylon Cord Rubberising Section)= အထက်ပါပေါင်းပြီးထွက်ရှိလာသောပစ္စည်း များအား နိုင်လွန်ပေါ်တွင်(12PR/14PR/16PR) စသည်ဖြင့်ရရှိအောင် အထပ်လိုက်ခင်းခြင်း။
(ဂ) Section03 ( Rubber Tread Extrusion Section)= တာယာပေါ်တွင်ပါရှိသော ပန်းသားဖေါ်ခြင်း၊ မြောင်းဖေါ်ခြင်းလုပ်ငန်းအားဆောင်ရွက်ခြင်း။
(ဃ) Section04 ( BEAD Section)= Section02 မှထွက်ရှိလာသောပစ္စည်းများအားတာယာနှုတ်ခမ်း သား(စတီး/ကြေး)များထည့်ခြင်း။
(င) Section05 ( BIAS CUTTING Section)=Section04မှထွက်ရှိလာသောပစ္စည်းများအား တာယာ(1)လုံးစာ ရရှိ အောင် တာယာအရွယ်အစားအလိုက် အထပ်လိုက်ဖြတ်တောက်ခြင်း။
(စ) Section06 ( Tyre Building Section)= Section05 မှထွက်ရှိလာသောပစ္စည်းများအားတာယာ ပုံစံ ဖြစ်အောင်(တာယာစိမ်း)ရရှိအောင် ဆောင်ရွက်ခြင်း။
(ဆ) Section07 ( Tyre Curing Section)= တာယာစိမ်းကို ပေါင်းခြင်း ။
(ဇ) Finished Product Tyre = ပေါင်းစက်မှထွက်ရှိလာသော တာယာများမှ မလိုအပ်ဘဲထွက်ရှိနေ သော အမျှင်စများဖြတ်တောက်ဖယ်ထုတ်ခြင်း၊လေထိုးပြီးစမ်းသပ်ခြင်း၊ မိုထဲထည့်ပြီးပုံဖော်ခြင်း။
(ဈ) Tyre Inspection = ထွက်ရှိလာသော တာယာများ၏ အရည်အသွေးများအားစစ်ဆေးခြင်း။
(ည) Packing = အရည်အသွေးပြည့်မီသော တာယာများအား အမျိုးအစားအလိုက်ထုတ်ပိုးခြင်း။
အဆိုပါကုမ္ပဏီအနေဖြင့် လုပ်သားအင်အား(200)ကျော်အသုံးပြုပြီး ခေတ်မီနည်းပညာများဖြင့် တစ်ရက်လျှင် အလုပ်ဆိုင်းနှစ်ဆိုင်းဖြင့် (16)နာရီလျှင် တာရာအလုံးရေ(100)ခန့် ထုတ်လုပ်ဆောင် ရွက်လျှက်ရှိပြီး ကုန်ကြမ်းရာဘာအနေဖြင့် တာယာတစ်လုံးလျှင်(6.3054) Kg အသုံးပြုဆောင်ရွက်လျှက် ရှိသဖြင့် တစ်ရက်လျှင် ရာဘာကုန်ကြမ်းတန်ချိန်(0.63)တန် နေ့စဉ်အသုံးပြုဆောင်ရွက်လျှက်ရှိကြောင်း သိရှိရပါတယ်… ဒီလိုမျိုး ပြည်တွင်းမှာ ထုတ်လုပ်ခြင်းဖြင့် ကမ္ဘာ့ရာဘာဈေးကွက်မှာ အရည်အသွေး မကောင်းလို့ ဈေးနှုန်းအနိမ့်နဲ့ရောင်းချနေရတဲ့မြန်မာ့ရာဘာကုန်ကြမ်းထုတ်လုပ်သူတွေအတွက်တော့ သတင်းကောင်းဘဲဖြစ်ပါတယ်… ကိုယ့်ပြည်တွင်းမှာဘဲ ဈေးကောင်းရရှိလာမဲ့အလားအလာကောင်းတွေ ရှိနေပြီဖြစ်ပါတယ်..
ပြည်တွင်းစက်မှုလုပ်ငန်းများနှင့်ပတ်သက်ပြီး နိုင်ငံတော်အစိုးရ အနေဖြင့် ဆင်းရဲနွမ်းပါးမှုပပျောက် ရေးအတွက် ဦးတည်ပြီး အားပေးဆောင်ရွက်လျှက်ရှိနေချိန်တွင် ပြည်တွင်းထွက်ကုန်ကြမ်းပစ္စည်းများအား အသုံးပြုပြီး ပြည်တွင်းတွင် ထုတ်လုပ်ထွက်ရှိသော တန်ဖိုးမြှင့် ကုန်ချောပစ္စည်းဖြစ်သည့် Yangon Tyre ပြည်ပတင်ပို့မည့်သတင်းကောင်းအားမျှဝေပေးလိုက် ပါတယ်ခင်ဗျာ…..
Exp- mg mg lwin
စင်္ကာပူနိုင်ငံသို့ ပင်လယ်ရေကြောင်းမှ သွားမည့် မြန်မာ့သာကူစေ့ ကုမ္ပဏီတစ်ခုမှ မြန်မာနိုင်ငံမှာ ထွက်ရှိသော ပီလောပီနံဥအမှုန့်ဖြင့် တန်ဖိုးမြှင့် ကုန်ချောပစ္စည်းအဖြစ် ပြုလုပ်ထားသည့် မြန်မာ့ သာကူစေ့၊ ကုန်သွယ်မှုအခေါ် (Tapioca ) (30)တန်အား တစ်တန်လျှင် အမေရိကန်ဒေါ်လာ(730)ဈေးနှုန်းဖြင့် စင်္ကာပူနိုင်ငံသို့ တင်ပို့ရန်အတွက် ပို့ကုန်လိုင်စင် လာရောက်လျှောက်ထား ထုတ်ယူခဲ့ကြောင်းသိရှိရပါတယ်..... သာကူစေ့အား အစားအစာအဖြစ်ပြုလုပ် စားသုံး ကြောင်းသိရှိရပါတယ်…… ပီလောပီနံဥအမှုန့်အား ကုန်ကြမ်းအတိုင်း တင်ပို့ မည် ဆိုပါက တစ်တန်လျှင် အမေရိကန်ဒေါ်လာ (300-320) ခန့်သာ ရရှိကြာင်း သိရှိရပြီး ယခုကဲ့သို့ကုန်ချောအဖြစ်ပြုပြင်ထုတ်လုပ်တင်ပို့ခြင်းဖြင့် တိုင်းပြည်အတွက် နိုင်ငံခြားဝင်ငွေသိသာစွာတိုးမြှင့်ရရှိ ခြင်း၊ ပြည်တွင်းတွင် အလုပ်အကိုင်အခွင့်အလမ်းများ ပေါ်များလာခြင်း၊စိုက်ပျိုးထုတ်လုပ်သူများအကျိုး အမြတ်ပိုမိုရရှိလာခြင်း စသည့်အကျိုးကျေးဇူးများ ရရှိလာနိုင် မည်ဖြစ်သဖြင့် အမယ်သစ်တန်ဖိုးမြှင့်ကုန်ချောပစ္စည်းများ ပိုမိုတိုးမြှင့်တင်ပို့နိုင်ရေး ကြိုးစား ဆောင်ရွက်သွား နိုင်ကြစေဖို့ သတင်းကောင်းပါးအပ်ပါ တယ်ခင်ဗျာ………. Export mg mg lwin
Pages
