ပညာပေး/လှုပ်ရှားမှုများ

စိုက်ပျိုးးရေးကိုအခြေခံသည့် မြန်မာနိုင်ငံသည် နိုင်ငံခြားဝင်ငွေရရှိရေးအတွက် မြန်မာ့စိုက်ပျိုးရေးထွက်ကုန် ဟင်းသီးဟင်းရွက်နှင့် သစ်သီးဝလံသာမက ပန်းမာလ်များကိုလည်းဈေးကွက်ရှာဖွေ၍ တင်ပို့ရောင်းချလျှက်ရှိရာ ဂန္ဓာမာ၊ စံပယ်နှင့် သစ္စာပန်းများမှာ ပြည်ပဈေးကွက်များသို့ ထိုးဖောက်နေရာယူလျှက်ရှိပြီးဖြစ်ပါသည်။

ဥရောပ၊ အာရှနှင့် အာဖရိကတို့တွင် စိုက်ပျိုးဖြစ်ထွန်းသည့်သစ္စာပန်းကို မြန်မာနိုင်ငံတွင် နေရာအနှံ့ စိုက်ပျိုး လျှက်ရှိပါသည်။ သို့ရာတွင် ရာသီဥတုအေးမြကောင်းမွန်သည့် ရှမ်းပြည်နယ်ဒေသမှထွက်ရှိသည့် သစ္စာပန်းမှာ အရည် အသွေးကောင်းမွန်ခြင်းကြောင့် ဝယ်ယူသူများ အကြိုက်တွေ့လျှက်ရှိကြောင်းသိရှိရသည်။ အမှတ်တရရှိမှု၊ သစ္စာရှိမှုနှင့် ရိုးသားမှုကိုဖေါ်ပြစေသည့် သစ္စာပန်းမှာ အရောင်အသွေးမျိုးစုံရှိလှသဖြင့် ဘုရားအားလှူဒါန်းပူဇော်ခြင်း၊ အခမ်းအနား များတွင် အလှပန်းထိုးခြင်းနှင့် အလှဆင်ခြင်းတို့တွင် ကျယ်ပြန့်စွာအသုံးပြုလျှက်ရှိကြပါသည်။

         အဆိုပါသစ္စာပန်းအား ၂၀၁၂ခုနှစ်မှစတင်၍ ပြည်ပသို့တင်ပို့ရောင်းချခဲ့ရာ ထိုစဉ်က ၁ကီလိုဂရမ်လျှင် အမေရိကန်ဒေါ်လာ (ဝ.၅)သာရရှိခဲ့ရာမှ ယခုနှစ် ၂၀၁၃ခုနှစ်တွင် ကုမ္ပဏီတစ်ခုသည် သစ္စာပန်းများကို ၁ကီလိုဂရမ်လျှင် အမေရိကန်ဒေါ်လာ (၁.၃)ဖြင့် စင်္ကာပူနိုင်ငံသို့တင်ပို့ရောင်းချရန်အတွက် ကုန်သွယ်ရေးညွှန်ကြားမှုဦးစီးဌာနတွင် ပို့ကုန် လိုင်စင်လျှောက်ထားပြီးဖြစ်ကြောင်း သိရှိရပါသည်။ ရှမ်းပြည်နယ် ဟဲဟိုးမြို့မှထွက်ရှိသည့် အဆိုပါသစ္စာပန်းများကို ရန်ကုန်မြို့သို့သယ်ဆောင်ကာ ၂၀ကီလိုဂရမ်ရှိသည့် စက္ကူပုံးမျာဖြင့်ထုပ်ပိုးပြီး စင်္ကာပူနိုင်ငံသို့တင်ပို့သွားမည်ဖြစ်ကြောင်း သိရှိရပါသည်။

       သို့ပါ၍ သန့်ရှင်းပြီး အရည်အသွေးကောင်းမွန်သည့် သစ္စာပန်းများအပြင် အခြားပန်းမျိုးစုံတို့ပါ တိုးချဲ့စိုက်ပျိုး ပြီး ဈေးကွက်ရရှိရေး ရှာဖွေကြိုးပမ်းရင်း ဈေးကောင်းရရှိ လျှက်ရှိသည့် မြန်မာ့သစ္စာပန်းအကြောင်း သိရှိနိုင်ရန် သတင်း ကောင်းပါးလိုက်ရပါသည်။

                                                                                                                                                   စန္ဒာထွန်း (ပို့ကုန်)

2012-2013 ဘဏ္ဍာနှစ် အောက်တိုဘာလ၊ နိုဝင်ဘာလနှင့်ဒီဇင်ဘာလအတွင်း ကျွန်းသစ်လုံးတင်ပို့မှု အခြေအနေ 2012-2013 ဘဏ္ဍာနှစ် အောက်တိုဘာလမှ ဒီဇင်ဘာလအထိ ကျွန်းသစ်လုံး တင်ပို့မှုမှာ ဒီဇင်ဘာလတွင် အများဆုံးတင်ပို့နိုင်ခဲ့သော်လည်း တန်ချိန်အားဖြင့် လျော့နည်းနေသဖြင့် နိုင်ငံတကာ ဈေးကွက်တွင် မြန်မာ့ကျွန်းသစ်လုံးဈေး မြင့်တက်နေကြောင်းသိရှိနိုင်ပါတယ်။ ယခုအခါ သစ်အလုံးလိုက် တင်ပို့မှုကို မြန်မာ့သစ်လုပ်ငန်းမှ ပိတ်ပင်ထားပြီး နောက်ပို့င်းတွင် သစ်လုံးတင်ပို့မှုများအစား သစ်ခွဲသား၊ အချောထည်များသာ တင်ပို့ရန်ဖြစ်သည့်အတွက် သစ်အချောထည်လုပ်ငန်းများ လုပ်ငန်းပိုမိုကောင်းမွန် လာမည်ဖြစ်ပြီး ဈေးကွက်သစ်များကို ပိုမိုရှာဖွေထား သင့်ပါတယ်။ ဈေးကွက်ပိုမိုချဲ့ထွင်နိုင်ရေး နည်းပညာများ စက်ကရိယာများကိုလည်း ပိုမိုပြင်ဆင်ထားသင့်ပြီဖြစ်ပါသည်။ ယခုအခါ မြန်မာ့သစ်လုပ်ငန်းမှ လက်ကျန် ကျွန်းသစ်လုံး များကိုသာ 2014 ခုနှစ်အတွင်း အပြီးအပြတ်တင်ပို့နိုင်ရေး ဆောင်ရွက်လျှက်ရှိပါကြောင်းနှင့် တင်ပြပါကာလအတွင်း ကျွန်းသစ်လုံးတင်ပို့ခဲ့မှုအခြေအနေကို အောက်ပါအတိုင်းတွေ့ရှိနိုင်ပါတယ် - Source: Customs Data ဒေါ်ငယ်ငယ်လွင်(ပို့ကုန်)

တရုတ်ပြည်ရှိ ကြက်မွေးမြူရေးခြံများမှ ကြက်များအား ပဋိဇီဝဆေးများ လွန်ကဲစွာ ကျွေးသည့် ကြက်ခြံများ ပိတ်ထားလိုက်ရ တရုတ်ပြည်၏ စိုက်ပျိုးရေးအာဏာပိုင်မှ တရုတ်ပြည်အရှေ့ပိုင်း ရှန်ဒေါင်းပြည်နယ်တွင် ကြက်ခြံများအား ၎င်းတို့မွေးမြူသော ကြက်များကို အမန်တာဒိုင်းနှင့် ရီဗာဗီရင်များပါဝင်သော ပဋိဇီဝဆေးများ လိုအပ်သည်ထက် ပိုမိုကျွေးမှုဖြင့် ကြက်ခြံများအား ပိတ်ထားခိုင်းလိုက်ပြီဖြစ်သည်။ နိုင်ငံတစ်ဝှမ်း၏ အစားအသောက်လုံခြုံမှုကို ဆိုးရွား စေသည့်အကြောင်းရင်းမှာ ကြက်ခြံများတွင် ကြက်များပြည့်ကြပ်စွာ မွေးမြူထားမှုကို ခံနိုင်ရည်ရှိပြီးရှင်သန်စေရန် ရည်ရွယ်ကြောင်း သိရှိရပါသည်။ စီးပွားရေးအင်ဂျင်နီယာနှင့် စိုက်ပျိုးရေးဝန်ကြီးဌာနမှ ပြောရေးဆိုခွင့်ရှိသူက ယင်းအခြေအနေကို နီးကပ် စွာ စုံစမ်းစစ်ဆေးမှု ပြုလုပ်နေစဉ်တွင် ကြက်သားပေါက်မှုနှင့်ဆိုင်သည့် ကိစ္စရပ်များကို ပိတ်ပင်ထားကြောင်း ပြောကြားပါသည်။ ယင်း အရေးကြီးကိစ္စရပ်ကိုစစ်ဆေးရန် ဝန်ကြီးဌာနမှ ကျွမ်းကျင်သူအဖွဲ့တစ်ဖွဲ့ကို ရှန်ဒေါင်း ပြည်နယ်သို့ စေလွှတ်သည့်အပြင် ပြည်နယ်အာဏာပိုင်များကို သီးသန့်ကိုင်တွယ်စစ်ဆေးရန်နှင့် ရလဒ်ကို သတင်း ထုတ်ပြန်ရန် အမိန့်ထုတ်ထားသည်။ ဆင်ဟွာသတင်းဌာနမှမေးမြန်းချက်ကို တာဝန်ရှိသူမှ ကြက်မွေးမြူရေးလုပ်ငန်းများကို ဥပဒေအရ တင်းကြပ်စွာ ကာကွယ်လိမ့်မည်ဖြစ်ပြီး ကြက်မွေးမြူရေးလုပ်ငန်းကြီးများ၏ အရည်အသွေးကို မြှင့်တင်ရန်နှင့် ယင်းကဲ့သို့ ကြက်များအားပဋိဇီဝဆေးများ၊ လိုအပ်သည်ထက်ပိုကျွေးပြီး၊ တိရိစ္ဆာန်မွေးမြူရေးနှင့်ကုသရေး နှင့် ဆိုင်သော မူးယစ်ဆေးဝါးများသုံးစေခြင်းကို အရေးယူမည်ဖြစ်ကြောင်း ပြောကြားပါသည်။ နို့မှုန့် ရက်လွန်များ၊ ဆီ အတုများ၊ အဆိပ်ဖြစ်စေသောဆေးတောင့် များလည်းထုတ်လုပ်ခြင်းကြောင့် တရုတ်ပြည် ပြည်သူလူထုက အစိုးရ၏ အစားအသောက် လုံခြုံမှုဥပဒေ တင်းကြပ်ခြင်းကို သံသယရှိခဲ့ကြောင်း သတင်းရရှိပါသည်။ Source : Channel News Asia (စမ်းစမ်းဝင်း၊ပို့ကုန်)

ငါးရှဉ့် တင်ပို့မှုအခြေအနေ ၂၀၁၂ - ၂၀၁၃ ဘဏ္ဍာနှစ် ရေထွက်တင်ပို့မှုတွင် ငါးရှဉ့်တင်ပို့မှုမှ အမေရိကန်ဒေါ်လာ သန်း ၃၀ ရရှိရန်လျာထားပြီး ယခုနှစ် နိုဝင်ဘာလထိ ၃၁ သန်းကျော် တင်ပို့ပြီးှ၍လျာထားချက်ထက် ၁၀၃.၇၅% ကျော်လွန် တင်ပို့နိုင်ပြီဖြစ်ကြောင်း ၊ ငါးပုဇွန်အရည်အသွေး စစ်ဆေးထိန်းချုပ်ရေးအဖွဲ့မှ သိရသည်။ ငါးရှဉ့်တင်ပို့မှု အနေဖြင့်လည်း ယခင်နှစ်က တင်ပို့မှုလျာထားချက် ၂၅ သန်းကျော်ထက် ပိုမိုတင်ပို့နိုင်ခဲ့သည်။ ငါးရှဉ့်ဈေးကွက်အနေဖြင့် ထိုင်းနိုင်ငံနှင့် တရုတ်နိုင်ငံသို့ နယ်စပ်ဒေသကုန်သွယ်မှူ ထွက်ပေါက် များမှ အများဆုံးတင်ပို့ခဲ့သည်ကိုတွေ့ရှိရပြီ တရုတ်နိုင်ငံမှ အများဆုံးဝယ်လိုအားမြင့်မားပြီး ချင်းရွှေဟော် မှ အများဆုံးတင်ပို့ခဲ့ကြောင်း ငါးလုပ်ငန်းဦးစီးဌာနမှ သိရသည်။ ယခုနှစ်အတွင်း ငါးရှဉ့်လေလံဈေး တွင် စက်တင်ဘာလအတွင်းက ငါးရှဉ့် ၁ တန်လျှင် အမေရိကန်ဒေါ်လာ ၅၆၀၀ ကျော် ရရှိခဲ့ပြီး အမေရိကန်ဒေါ်လာ ၇၀၀၀ အထိ အမြင့်ဆုံး ဈေးရရှိခဲ့ ကြောင်း ၊ ငါးရှဉ့်လုပ်ငန်းရှင်များ အသင်းမှ သိရသည်။ မြင့်မြင့်အေး (ပို့ကုန်)

ကုမဏီလုပ်ငန်းရှင်များသိသာရန် Non Automatic Licensing စနစ်ဖြင့် လိုင်စင်ခွင့်ပြုပေးနေသော ပစ္စည်းများအား သက် ဆိုင်ရာ အသင်းအဖွဲ့များမှ နေ့စဉ်တွက်ချက်တင်ပြပေးနေသော အနိမ့်ဆုံးဈေးနှုန်းများထက် မလျော့သော ဈေးနှုန်းဖြင့်တင်ပြလျှောက်ထားကြရန် ဖြစ်ပါသည်။ ဥပမာ - ဆန်၊ ဆန်ကွဲ လျှောက်ထားမှုအားလုံး မြန်မာနိုင်ငံဆန်စပါးလုပ်ငန်းအသင်းချုပ်မှ တွက်ချက်တင်ပြပေးသော ဈေးနှုန်းနှင့် နှမ်းမျိုးစုံ၊ နှမ်းအခွံချွတ်၊ နှမ်းလှော်မှုန့်စသည်တို့ အတွက် မြန်မာနိုင်ငံပဲမျိုးစုံနှင့် နှမ်းကုန်သည်များအသင်းမှတွက်ချက်တင်ပြပေးသော ဈေးနှုန်း များ၏ အနိမ့်ဈေးနှုန်းထက်မနည်းသော ဈေးနှုန်းများဖြင့်လျှောက်ထားကြရန်။ ဈေးနှုန်းလျော့နည်းလျှောက်ထားမှုများအား လက်ခံဆောင်ရွက်ပေးမည်မဟုတ်ကြောင်း အသိပေးကြေငြာအပ်ပါသည်။ ပို့ကုန်လုပ်ငန်းဌာနခွဲ ကုန်သွယ်ရေးညွှန်ကြားမှုဦးစီးဌာန

Pages

Subscribe to ပညာပေး/လှုပ်ရှားမှုများ