ငရုတ်သီးနဲ့မျှစ်များမှာ ကျန်းမာရေးထိခိုက်စေနိုင်သော ဆိုးဆေးများအသုံးပြုခြင်း ရှိ/မရှိ၊ လတ်ဆတ်မှု ရှိ/မရှိ ဦးစားပေးစစ်ဆေးသွားမည်

Thu, 12/10/2015 - 08:44 -- ictuser

ငရုတ်သီးနဲ့မျှစ်များမှာ ကျန်းမာရေးထိခိုက်စေနိုင်သော ဆိုးဆေးများအသုံးပြုခြင်း ရှိ/မရှိ၊ လတ်ဆတ်မှု ရှိ/မရှိ ဦးစားပေးစစ်ဆေးသွားမည်

Thu, 11/05/2015 - 12:18 -- rgn_ICT

စားသောက်ကုန်များကြောင့် ကျန်းမာရေးထိခိုက်မှုမရှိစေရန်စစ်ဆေးမှုများကိုအရှိန်မြှင့်ပြီး ရန်ကုန်မြို့တွင်းရှိ အသေးစားနဲ့အလတ်စားဈေးများမှာ တစ်ပတ်နှစ်ကြိမ်နှုန်းနဲ့ဆောင်ရွက်သွားမယ်လို့သတင်းရရှိပါတယ်။ မြို့နယ်အဆင့်ဈေးများကို အဓိကထားစစ်ဆေးသွားမယ်၊ ငရုတ်သီးနဲ့မျှစ်များမှာ ကျန်းမာရေးထိခိုက်စေနိုင်တဲ့ဆိုးဆေးများ အသုံးပြုခြင်းရှိ/မရှိ၊ စားသောက်ကုန်များ လတ်ဆတ်မှုရှိ/မရှိကို ဦးစားပေး စစ်ဆေးသွားမယ်၊ ကျန်းမာရေးနဲ့မညီတဲ့ စားသောက်ကုန်တွေရောင်း တာတွေ့ရင် သိမ်းဆည်းပြီးဒဏ်ရိုက်ခြင်း၊ ပထမဆုံးအကြိမ်ရောင်းတာဆိုရင်တော့သတိပေးခြင်းကို ပြုလုပ်မယ်လို့သိရပါတယ်။

ဈေးအကြီးစားများကိုတော့ လတ်တလောစစ်ဆေးနိုင်မှာမဟုတ်သေးသော်လည်း ကျန်းမာရေးဦးစီးဌာနFDAနဲ့ ပူးပေါင်းကာစီမံချက်များ ချမှတ်ပြီးစစ်ဆေးရေးဆောင်ရွက်သွားမယ်လို့ ရန်ကုန်မြို့တော် စည်ပင်သာယာရေးကော်မတီ ကျန်းမာရေးဌာနကထုတ်ပြန်ထားပါတယ်။

ဈေးသည်တွေကတော့ သူတို့ရောင်းတဲ့ပစ္စည်းတွေ ကျန်းမာရေးနဲ့ညီညွတ်တယ် မညီညွတ်ဘူးဆိုတာသေချာ သိနားလည်မှုမရှိကြတဲ့အတွက် ဈေးများမှာ စစ်ဆေးခြင်း၊ ပညာပေးခြင်းများကိုလုပ်ဆောင်သွားမယ်ဆိုတဲ့ စားသုံးသူ အကာအကွယ်ပေးရေးသတင်းကိုကြိုဆိုလိုက်ရပါတယ်။

ကျန်းမာရေးဝန်ကြီးဌာနအနေနဲ့ စားသောက်ကုန်များ၊ဆေးဝါးများ၊ အလှကုန်များကိုလည်း သုံးစွဲရန်သင့်မသင့်ကို စစ်ဆေးပေးခြင်း၊  ပြည်သူအများသိရှိစေရန် စားသုံးရန်မသင့်သော ကုန်စည်များကို နိုင်ငံပိုင်သတင်းစာများမှာ ထုတ်ပြန်ကြေညာပေးလျက်ရှိပါတယ်။