CB Bank နှင့် Shop.com.mm တို့ ပူးပေါင်း၍ အတိုးမဲ့အရစ်ကျစနစ်ဖြင့် ၀ယ်ယူနိုင်

Wed, 07/03/2019 - 04:25 -- admin_ygn

       CB ဘဏ်၏ Credit Card ကိုင်ဆောင်သူများသည် ဇွန်လမှစတင်ကာ နိုဝင်ဘာလကုန်အထိ အတိုးမဲ့အရစ်ကျ ဈေးဝယ်ခြင်းအစီအစဉ် (သုည ရာခိုင် နှုန်း IPP)ဖြင့် Shop. com. mm တွင် ဈေး ၀ယ်ယူနိုင်မည်ဖြစ်ကြောင်း ဇွန် ၂၈ ရက်က ရန်ကုန်မြို့ LOTTE Hotel ၌ ပြုလုပ်သော The Digital Journey စာနယ်ဇင်းရှင်းလင်းပွဲမှသိရသည်။ "CB Bank ဖောက်သည်တွေရဲ့ လူနေမှုပုံစံကို ပံ့ပိုးပေးနိုင်ဖို့နဲ့ ဈေးဝယ်ရာမှာ  ရွေးချယ်မှုတွေ တိုးပွားစေရန်  ကျွန်တော်တို့ အစဉ်အမြဲကြိုးစား ဆောင်ရွက်နေပါတယ်။ ကတ်ဖြင့်ငွေပေးချေမှု က လွယ်ကူအဆင်ပြေတဲ့အတွက် ကတ်ဖြင့် ပေးချေမှုများကို လူကြိုက်များလာ တာတွေ့ရပါတယ်။ အထူးသဖြင့် အမျိုး သမီးနဲ့ လူငယ်များဟာ ဆိုရင် အွန်လိုင်း မှတစ်ဆင့် ဈေးဝယ်ထွက်တာ ပိုမိုများ ပြားလာပါတယ်။ CB Bank အနေနဲ့ ၀န်ဆောင်မှုသစ်များ မိတ်ဆက်ပေးခြင်း၊ ပူးပေါင်းဆောင်ရွက်မှု မြှင့်တင်ခြင်းဖြင့် ဖောက်သည်တွေရဲ့ လူမှုဘ၀ ပိုမိုကောင်းမွန်အောင် ဆောင်ရွက်နေပါတယ်" ဟု CB Bank ၏ Head of Card ရ Merchant ဦးဇေယျာအောင်က ပြောသည်။
      ယခုမိတ်ဆက်လိုက်သော အစီ အစဉ်အရ CB Bank ၏ Credit Card ကိုင်ဆောင်သူများသည် Shop.com.mm တွင် ကျပ်တစ်သိန်းအထက် ၀ယ်ယူမှုများအတွက် အတိုးမဲ့ အရစ်ကျ ဈေးဝယ်ယူနိုင်မည်ဖြစ်ကြောင်း သိရ သည်။ "အတိုးနှုန်းလုံးဝမရှိဘဲ Shop. com.mm မှာရှိတဲ့ ပစ္စည်းတွေကို CB ဘဏ်ကတ်အသုံးပြုသူများဝယ်ယူပြီး ခြောက်လအရစ်ကျစနစ်ဖြင့် ပေးချေ နိုင်တော့မှာပါ။ ဇွန်လကစလို့ နိုဝင်ဘာလကုန် အထိ ဒီအခွင့်အရေးကို ရယူနိုင် မှာဖြစ်လို့ Shop.com.mm က ကျင်းပတဲ့ ဈေးရောင်းပွဲတော်တွေမှာ အသုံးပြုနိုင် မှာဖြစ်သလို မြန်မာပြည်ရဲ့ အကြီးမား ဆုံး အွန်လိုင်းဈေးရောင်းပွဲတော်ကြီး ဖြစ်တဲ့ ၁၁ ရက် ၁၁ လမှာလည်း အသုံး ပြုနိုင်မှာ ဖြစ်တာေ ကြာင့် လက်မလွှတ် သင့်ဘူးလို့ ပြောလိုပါတယ်" ဟု Shop.com.mm ၏ Managing Director ဖြစ်သူ Mr. Frans Maas က ပြောသည်။ CB Bank သည် ၁၉၉၂ ခုနှစ် တွင် တည်ထောင်ခဲ့ပြီး ဘဏ်ခွဲ ၂၂၀ ကျော်ကို ၀န်ထမ်း ၉၀၀၀ ဦးခန့်ဖြင့် လုပ်ငန်းလည်ပတ်နေကြောင်း သိရသည်။

 

သန်းထိုက်အောင်

Local Trade News

Pages