ချင်းရွှေဟော်ကုန်သွယ်ရေးစခန်း၏ ၂၀၂၃ ခုနှစ်၊ မေလ (၆) ရက်နေ့မှ (၁၂) ရက်နေ့အထိ လုပ်ငန်းဆောင်ရွက်မှုမှာ ပို့ကုန်(၃.၆၈၁) ဒေါ်လာသန်း၊ သွင်းကုန်(၁၅.၆၂၅)ဒေါ်လာသန်း၊ ကုန်သွယ်မှုပမာဏ (၁၉.၃၀၆) ဒေါ်လာသန်းဖြစ်ပြီး ယခင်နှစ်ကာလတူ၂၀၂၂ ခုနှစ်၊ မေလ (၆) ရက်နေ့မှ (၁၂)ရက်နေ့အထိ လုပ်ငန်းဆောင်ရွက်မှုမှာပို့ကုန်(၀.၉၈၅) ဒေါ်လာသန်း၊ သွင်းကုန် (၀.၃၇၀) ဒေါ်လာသန်း၊ ကုန်သွယ်မှုပမာဏ (၁.၃၅၅)ဒေါ်လာသန်းဖြစ်၍ ယခင်နှစ်ကာလတူအပေါ် ပို့ကုန်(၂.၆၉၆)ဒေါ်လာသန်းပိုမိုခဲ့ပြီး သွင်းကုန်တွင်(၁၅.၂၅၅)ဒေါ်လာသန်းပိုမိုခဲ့ခြင်းကြောင့် ကုန်သွယ်မှု ပမာဏအနေဖြင့် (၁၇.၉၅၁)ဒေါ်လာသန်း ပိုမိုဆောင်ရွက်နိုင်ခဲ့သည်။
ယခင်နှစ်ကာလတူနှင့်နှိုင်းယှဉ်ပါကပို့ကုန်ပိုင်းတွင် ဆန်ကွဲ၊ ပြောင်း၊ ပဲတီစိမ်း၊ ထောပတ်ပဲ၊ ပဲယင်း၊ မြေပဲဆံ၊ ပဲကြီး၊ နှမ်းနက်၊ လက်ဖက်ခြောက်၊ ဆီးဖြူသီးခြောက်၊ ချင်း(စို)၊ ရော်ဘာကြမ်း၊ ရော်ဘာ၊ ဝဥခြောက်၊ ရှမ်းနှမ်းစေ့တို့တင်ပို့မှုပိုမိုခဲ့ပြီးသွင်းကုန်ပိုင်းတွင် လုပ်ငန်းသုံးပစ္စည်းအုပ်စု၊ ရင်းနှီးမြှုပ်နှံမှုအုပ်စုနှင့် လူသုံးကုန် အုပ်စုတို့ ပိုမိုခဲ့သောကြောင့် ကုန်သွယ်မှုပမာဏပိုမိုခဲ့ခြင်းဖြစ်ကြောင်းသိရသည်။