စက်သုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီသည် ပြည်တွင်းစက်သုံးဆီ ဖူလုံမှုရှိစေရေးအတွက် စက်သုံးဆီအမျိုးအစားများအလိုက် ပုံမှန်စိစစ်တင်သွင်း ဆောင်ရွက်လျက်ရှိရာ ၁၂-၁၀-၂၀၂၂ ရက်နေ့တွင် ရန်ကုန်တိုင်းဒေသကြီး၊ သီလဝါဆိပ်ကမ်းရှိ Terminal များတွင် MT Aulac Vision သင်္ဘောမှ ပရီမီယံဒီဇယ်ဆီ (၂.၈၈) ဂါလန်သန်း၊ MT Yu Yi သင်္ဘောမှ ရိုးရိုးဒီဇယ်ဆီ (၂.၁၈) ဂါလန်သန်းနှင့် ပရီမီယံဒီဇယ်ဆီ (၁.၈၆) ဂါလန်သန်းအား ဆီချလုပ်ငန်းဆောင်ရွက်လျက်ရှိပြီး ရိုးရိုးဒီဇယ်ဆီ (၁.၆၀) ဂါလန်သန်းနှင့် ပရီမီယံဒီဇယ်ဆီ (၄.၅၃) ဂါလန်သန်းတင်ဆောင်လာသည့် MT Harmony One သင်္ဘောသည်လည်း ထပ်မံ ဆိုက်ကပ်လာပြီး ဆီချလုပ်ငန်းများ ဆက်လက်ဆောင်ရွက်သွားမည်ဖြစ်ရာ စက်သုံးဆီလက်ကျန်အခြေအနေအရ စက်သုံးဆီဖူလုံမှု ရှိကြောင်း တွေ့ရှိရသည်။
ယခုရက်သတ္တပတ်အတွင်း ကမ္ဘာ့စက်သုံးဆီဈေးနှုန်းအနည်းငယ်ကျဆင်းလာသောကြောင့် ပြည်တွင်းစက်သုံးဆီဈေးနှုန်းကျဆင်း လာကြောင်း သတင်းရရှိသည်။