အသောက်မတော် တစ်ကြိုက်

Fri, 05/10/2013 - 04:17 -- admin

တခါတစ်လေ အမှတ်တရ လက်ဆောင် ပစ္စည်းများ အခမဲ့ ရတဲ့ အစား အသောက်များ ကိုမှ စားသုံး တတ်တဲ့ လူတွေရဲ့ စရိုက် ရှိတတ်တယ်။ ကရင်ပြည်နယ် မာနယ်ပလော စခန်း သိမ်းပိုက်တဲ့ အချိန်မှာ ရန်သူများ ထားခဲ့တဲ့ ပရိဘောဂ အချောကိုင်သုံး ချိတ် ဆေးရည် (Varnish)ကို တပ်ကြပ်ကြီး တစ်ဦးမှ ဦးစီး ဦးဆောင် သောက်ပြရာ စစ်သည် (၉)ဦး ချက်ချင်း သေတာ ကြုံဖူး ပါတယ်။

တစ်စုံ တစ်ယောက်သော သူက ၎င်းဆေးရည်ကို ဆားခပ် ထည့်ရင် အရက်လို သောက်လို့ ရတယ် ဆိုတဲ့ အတွက် သောက်မိ ကြတာ ဖြစ်တယ်။ အကယ်၍သာ ၎င်းဆေးရည်ဟာ သောက်မိရင် အဆိပ် ဖြစ်တယ် ဆိုတာ နဂို ကတည်းက စဉ်းစား မိမယ် ဆိုရင် အဲဒီလောက် အဖြစ် ဆိုးကြီး ကြုံတွေ့ စရာ မရှိနိုင်ဘူး၊ အသောက် မတော်တဲ့ အတွက် တစ်ချက်တည်း အသက်ပါ သွားတဲ့ အဖြစ် သနစ်က ကျွန်တော် အတွက် မမေ့နိုင်တဲ့ ကိုယ်တွေ့ အဖြစ် အပျက် တစ်ခု အဖြစ် ယနေ့တိုင် တည်ရှိနေဆဲ ဖြစ်ပါတယ်။