ပြည်တွင်းဈေးကွက်သတင်းများ
အခြားပဲအုပ်စုဝင်ထဲမှာ ပဲလွန်းနဲ့မြေထောက်ပဲရောင်းဝယ်တင်ပို့မှုလျော့ပြီး ထောပတ်ပဲမှာ အသင့်အတင့်ရှိနေပါသည်။ယခင်တစ်ပတ်က ပင်လယ်ရေကြောင်း တင်ပို့မှုအနေနဲ့ ပဲလွန်းဖြူတန် ၄၂၀ ကျော်၊ မြေထောက် ၃၇၅ တန်၊ ထော်ပတ်ပဲ တန် ၆၀၀ ကျော် ရှိခဲ့ရာမှ ယခုတစ်ပတ်(ဇွန်လ ၂၅-၂၉ ရက်) အတွင်းမှာ ပဲလွန်း ၉၆ တန်၊မြေထောက် ၇၃ တန် နဲ့ထောပတ်ပဲ တန် ၅၈၀ ခန့် တင်ပို့နိုင်ခဲ့ကြောင်း သိရပါ သည်။ယခုတစ်ပတ်အတွင်း ပဲလွန်းဖြူမှာ စင်ကာပူ၊တရုတ်နဲ့ ထိုင်းကို တင်ပို့ပြီး မြေထောက်ပဲမှာ ဂျပန်၊စင်ကာပူ၊တရုတ်နဲ့ ထိုင်းတို့ကို တင်ပို့ကြောင်း သိရပါသည်။ ထောပတ်ပဲမှာလည်း ဂျပန်၊တရုတ်နဲ့ ထိုင်းတို့ကို တင်ပို့ခဲ့ကြောင်း သိရပါသည်။
ရန်ကုန် FOB ဈေးကွက်မှာ အရောင်းအဝယ်ဖြစ်မှုအနေနဲ့ ဇွန် ၂၉ ရက်မှ ဇူလိုင် ၅ ရက်အတွင်း မြေထောက်ပဲ ၅တန်၊ ပဲလွန်းဖြူတန် ၄၀၀ ကျော်နဲ့ ထောပတ်ပဲ တန်ချိန် ၇၆၀ ကျော် အရောင်းအဝယ်ရှိကြောင်း သိရပါသည်။ ပို့ကုန်ဝင်ငွေ တစ်ဒေါ်လာ တန်ဖိုး တိုးလာတာကြောင့် FOB ဈေးများလဲ တိုးခဲ့ရာ ဇူလိုင် ၆ ၇က်မှာ ပဲလွန်းဖြူ FAQ တစ်တန် ကန်ဒေါ်လာ ၆၈၀-၇၀၀၊ SQ တစ်တန် ကန်ဒေါ်လာ ၈၁၀-၈၃၀၊မြေထောက်ပဲ FAQ တစ်တန် ကန်ဒေါ်လာ ၉၁၀-၉၃၀ နဲ့ ထောပတ်ပဲမှာ ကန်ဒေါ်လာ ၅၅၀-၅၇၀ အသီးသီး ရှိကြောင်း သိရပါသည်။
ပြည်ပကို ပဲစင်းငုံတင်ပို့မှု ဆက်လက်အားကောင်းနေပါသည်။ ဇွန် ၂၅ ရက်မှ ၂၉ ရက်ထိ တစ်ပတ်အတွင်း ပဲစင်းငုံတန်ချိန် ၁၄၀၀၀ နီးပါးတင်ပို့ခဲ့ပြီး ဇွန်တစ်လလုံးမှာ တန်ချိန် ၅၄၀၀၀ ကျော်ထိ တင်ပို့မှုတိုးတက်ခဲ့ပါသည်။ ၂၀၁၂ မေမှာ တန်ချိန် ၃၅၀၀၀ ကျော်တင်ပို့နိုင်ခဲ့ပြီး ၂၀၁၁ ဇွန်လအတွင်းမှာ တန်ချိန် ၂၁၀၀၀ ကျော် သာတင်ပို့နိုင် ခဲ့လို့ယခုနှစ် ဇွန်မှာ တင်ပို့မှုသိသိသာသာ ပိုနေပါသည်။
လက်ရှိဘဏ္ဍာနှစ် ဇွန် ၂၉ ရက်အထိ စုစုပေါင်းတင်ပို့ပြီးစီးမှုမှာ တစ်သိန်းကျော် ပြီး ကန်ဒေါ်လာ ၅၉ သန်းခန့်ရရှိခဲ့လို့ ယခင်ဘဏ္ဍာနှစ်ကာလတူ တင်ပို့ခဲ့တဲ့ တန်ချိန် ၄၇၀၀၀ ကျော်မှ ကန်ဒေါ်လာ ၃၅ သန်းခန့်နဲ့ ယှဉ်ရင်ယခုနှစ်မှာ ပမာဏအားဖြင့် ၁ဆကျော် ပိုတင်နိုင်ခဲ့ပါသည်။လာမယ့်သီတင်းပတ်မှာလည်း ပုံမှန်တင်ပို့နိုင်မယ်လို့ ခန့်မှန်းရပါသည်။
ယခုတစ်ပတ်အတွင်း မတ်ပဲတင်ပို့မှု ပိုမိုသွက်လက်လာခဲ့ပါသည်။ ပြီးခဲ့တဲ့ တစ်ပတ်က မတ်ပဲတန်ချိန် ၁၅၀၀၀ ကျော်တင်ပို့ခဲ့ရာမှ ယခုတစ်ပတ် (ဇွန်လ ၂၅-၂၉ ရက်) အတွင်းမှာ တန်ချိန် ၂၁၀၀၀ ကျော်ထိ တင်ပို့မှုတက်လာခဲ့ပါသည်။ ဇွန်တစ်လ လုံးမှာ မတ်ပဲတန်ချိန် ၅၉၀၀၀ ကျော်တင်ပို့ခဲ့ပြီး မေမှာတန်ချိန် ၉ သောင်းကျော်တင်ပို့ နိုင်ခဲ့တာ တွေ့ရပါသည်။၂၀၁၁ ခုနှစ် ဇွန်လမှာ တန်ချိန် ၇၆၀၀၀ နီးပါးတင်ပို့ခဲ့လို့ ယခုနှစ် ဇွန်မှာ ပမာဏအနည်းငယ်လျော့ကျတာ တွေ့ရပါသည်။
လက်ရှိဘဏ္ဍာနှစ် ဇွန် ၂၉ ရက်အထိ စုစုပေါင်း မတ်ပဲတင်ပို့ပြီးစီးမှုမှာ တန်ချိန် ၁၉၀၀၀၀ ကျော်၊ရရှိတဲ့ ဝင်ငွေမှာ ကန်ဒေါ်လာ ၁၀၄ သန်းကျော်ရှိခဲ့ပြီး ယခင်ဘဏ္ဍာနှစ် ကာလတူမှာ စုစုပေါင်း တန်ချိန် ၁၈၄၀၀၀ ကျော်၊ ကန်ဒေါ်လာ ၁၆၆ သန်းကျော်ရရှိခဲ့လို့ ယခုနှစ်ကာလတူမှာ ပမာဏပိုမိုတင်ပို့နိုင်ခဲ့ပေမဲ့ ရရှိတဲ့ဝင်ငွေမှာ လျော့ကျတာ တွေ့ရပါ သည်။လက်ရှိရောင်းဝယ်မှုအခြေအနေအရ လာမယ့်သီတင်းပတ်မှာလည်း တင်ပို့မှု ကောင်းဖွယ်ရှိပါသည်။
ပြည်တွင်းဈေးကွက်မှာ ဝယ်လိုအားကောင်းနေတဲ့ ပဲလွန်းဖြူကလက်ကျန် နည်းလာပြီ ဖြစ်ပါသည်။ ထိုကြောင့်လည်းယခုလပိုင်းတွေမှာ ပဲလွန်းဖြူတင်ပို့မှုရော FOB ရောင်းဝယ် မှုပါကျဆင်းလာခဲ့ပါသည်။ ပင်လယ်ရေကြောင်းကတင်ပို့မှုအနေနဲ့ ဇွန် ၁၈ရက်မှ ၂၂ရက် အထိ တစ်ပတ်အတွင်း ပဲလွန်းဖြူတန်ချိန် ၄၂၀ကျော်သာတင်ပို့ နိုင်ခဲ့ ပါသည်။ယခုတစ်ပတ်တင်ပို့တဲ့ နိုင်ငံတွေကတော့ အိန္ဒိယ၊ မလေးရှား၊ စင်ကာပူ၊ဆွီဒင်နဲ့ ဗီယက်နမ်တို့ဖြစ်ပါသည်။ ဇွန် ၂၂ရက်ထိယခုဘဏ္ဍာနှစ်အတွင်း စုစုပေါင်းပဲလွန်းဖြူ တန်ချိန် ၁၃၀၀၀ကျော်တင်ပို့ခြင်းမှ ကန်ဒေါ်လာ ၉.၅ သန်းကျော် ရရှိကြောင်း သိရပါသည်။
ရန်ကုန် FOB ဈေးကွက်မှာ အရောင်းအဝယ်ဖြစ်မှုအနေနဲ့ ဇွန်လ ၂၂ရက်မှ ၂၈ရက်ထိ တစ်ပတ်အတွင်းမှာ တန်၁၆၀ကျော်သာ အရောင်းအဝယ်စာချုပ်နိုင်ခဲ့လို့ ယခုတစ်ပတ်ရောင်းဝယ်ခဲ့တဲ့ တန်ချိန် ၆၉၀ထက်လျော့ကျရောင်းဝယ်ခဲ့ကြောင်း သိရပါသည်။ အခြားပဲဈေးတက်လာခြင်းနဲ့အတူ ပဲလွန်းဖြူဈေးလည်း တိုးလာခဲ့ရာ ဇွန်၂၂ရက်မှာ FAQ တစ်တန် ကန်ဒေါ်လာ ၆၆၀-၆၈၀၊ SQ တစ်တန်ကန်ဒေါ်လာ၇၉၀-၈၁၀ရှိရာမှ ဇွန်၂၉ရက်မှာ FAQ တစ်တန် ကန်ဒေါ်လာ ၆၈၀-၇၀၀ နဲ့ SQ တစ်တန် ကန်ဒေါ်လာ ၈၁၀-၈၃၀ကို မြင့်တတ်လာခဲ့ပါသည်။
ပင်လယ်ရေကြောင်းက ပဲစင်းငုံတင်ပို့မှု ယခုတစ်ပတ်မှာလည်း ဆက်လက် ကောင်းပေမဲ့ ယခင်တစ်ပတ်တင်ပို့မှုထက်တော့ အနည်းငယ်လျော့ကျပါသည်။ ယခင်တစ်ပတ်က တန်ချိန် ၁၄၅၀၀ကျော် တင်ပို့မှုရှိခဲ့ရာမှ ယခုတစ်ပတ် (ဇွန်လ ၁၈-၂၂)အတွင်းမှာ တန်ချိန် ၁၁၀၀၀ ကျော် တင်ပို့ခဲ့ပါသည်။၂၀၁၂-၁၃ ဘဏ္ဍာနှစ် ဇွန်-၂၂ ရက်နေ့အထိစုစုပေါင်းပဲစင်းငုံတန်ချိန် ၉ သောင်းခန့်တင်ပို့ခဲ့ပြီးရရှိသောဝင်ငွေမှာ ကန်ဒေါ်လာ သန်း ၅၀ ကျော်ဖြစ်ကြောင်းသိရှိရပါသည်။ယခင်နှစ်ကာလတူမှာတန်ချိန်
၄၂၀၀၀တင်ပို့ခြင်းမှ ကန်ဒေါ်လာ ၃၁ သန်းကျော်ရရှိခြင်းကြောင့်ယခုနှစ်မှာ ပမာဏထက်ဝက်ကျော်ပိုမိုတင်ပို့နိုင်ကြောင်းသိရရှိရပါသည်။လာမည့်သီတင်းပတ်တွင်
တင်ပို့မှုဆက်လက်ကောင်းနိုင်ကြောင်းခန့်မှန်းရပါသည်။
Pages
