ပြည်တွင်းဈေးကွက်သတင်းများ
ယခုတစ်ပတ် မတ်ပဲ၊ ပဲတီစိမ်းဈေး အနည်းငယ်ပြန်မာလာတာတွေ့ရပါသည်။ ယခုအပတ် ပါကစ္စတန်ဝယ်လက်များ အဝယ်လိုက်လာခဲ့တယ်လို့သိရပါသည်။နယ်စပ်မှ တစ်ဆင့် တရုတ်နိုင်ငံကိုတင်ပို့မှုသွက်နေပြီး ပဲအားလုံးထဲမှာ ပဲတီစိမ်းဈေးက ပိုမိုမြင့် တက်လာတာလည်းတွေ့ရပါသည်။ ပဲတီစိမ်းကတော့ ရန်ကုန်အတွက် ဝယ်လက်နဲ့ တရုတ်ပို့ဖို့ဝယ်လက်တွေ အရောင်းအဝယ်သွက်နေတယ်လို့ သိရပါသည်။ ပဲစင်းငုံပဲဟောင်း လက်ကျန်များများမရှိသလို ပဲအသစ်ကလည်း ဒီနှစ်အထွက်လျော့ မယ်လို့လည်း ခန့်မှန်းကြပါသည်။
ယခင်တစ်ပတ်ထက် ပဲမျိုးစုံဈေးတွေ လျော့ကျပေမဲ့ ပြည်ပတင်ပို့မှုကတော့ မတ်ပဲနဲ့ပဲတီစိမ်းမှာ ပိုမိုတင်ပို့နိုင်ခဲ့ပြီး ပဲတီစိမ်း၊ကုလားပဲကတော့ ဆက်လက်၍ တင်ပို့ မှုလျော့ကျနေတာတွေ့ရပါသည်။ ယခင်ဘုရင့်နောင်ဒိုင်ပေါက်ဈေးနဲ့ ပြင်ပဈေးကွက် ပေါက်ဈေးက တစ်တန် ကျပ်နှစ်သောင်းပတ်လည် ကွာဟနေရာမှ ယခုအပတ်မှာတော့ ကျပ် ငါးထောင်လောက်ဘဲ ကွာဟမှုရှိလာတာတွေ့ရပါသည်။အသစ်ဝင်လာတဲ့ ပဲတီစိမ်း ကတော့ ဈေးကစာခြင်းမရှိဘဲ အရောင်းအဝယ် ပုံမှန်ရှိနေတာကြောင့် ဈေးလည်းပုံမှန် လေးရှိနေပါသည်။
ပဲစင်းငုံစိုက်ဧရိယာ စာရင်းတွေကတော့ ပြီးခဲ့တဲ့နှစ်ထက် အတော်လေးလျော့ ကျကာတွေ့ရပါသည်။မြန်မာ-တရုတ်နယ်စပ်ရှိ မူဆယ် ၁၀၅ မိုင်တွင် ပဲတီစိမ်းတင်ပို့ မှုတွင်ပြည်တွင်းဈေး ယခုတစ်ပတ်တွင် တစ်တန်လျှင် ကျပ် ၆၉၃၄၄၆ ၊ အမေရိကန် ဒေါ်လာ ၈၃၁ တန်ရှိကြောင်းသိရပါသည်။
ပြည်တွင်း ပဲဈေးကွက်မှာ ပြည်ပအဝယ်ပြန်ထွက်လာလို့ အရောင်းအဝယ် ပြန်သွက်လက်လာကြောင်းသိရပါသည် ။ယခုအပတ်တွင် မတ်ပဲဈေးက တစ်တန် ကျပ် ၂၀၀၀၀ ကျော်ပြန်မြင့်လာခဲ့ပါသည်။ အပတ်စဉ် ပဲစင်းငုံတင်ပို့မှုနည်းပေမဲ့ ယခုအပတ် မှာတော့ အနည်းငယ်ပိုလာတာလည်း တွေ့ရပါသည်။ ရန်ကုန်ဈေးကွက်မှာ ပဲတီစိမ်း တစ်တန်လျှင် ကျပ် ၅၁၀၀၀၀-၅၂၀၀၀၀ ဝန်းကျင်နဲ့ အရောင်းအဝယ်ဖြစ်တယ်လို့ သိရပါသည်။ကုလားပဲ၊ ပဲလွန်းဖြူ၊ အခြားပဲ၊မြေထောက်ပဲ၊ပဲယင်း၊ ပဲကတ္တီပါတွေလည်း တင်ပို့မှုအနည်းငယ်ပိုလာတာတွေ့ရပါသည်။
ပြည်တွင်းပဲဈေးကွက်မှာ ယခင်တစ်ပတ်ထက် ပဲတစ်တန်လျှင် ကျပ်နှစ်သောင်းခန့် လျော့ကျလာတာတွေ့ရပါသည်။မတ်ပဲဈေးမှာ ဘုရင့်နောင်ကုန်စည်ဒိုင်တွင် ယခင်တစ် ပတ်က တစ်တန်လျှင် ကျပ် ၄၇၀၀၀၀ ၊ယခုတစ်ပတ်မှာတော့ ၄၅၀၀၀၀ ကျပ် လျော့ကျ ခဲ့ပါသည်။ပဲတီစိမ်းမှာ ယခင်တစ်ပတ်က ၇၅၀၀၀၀ ကျော် ဈေးရှိခဲ့ရာမှ ကျပ် ၇၁၃၀၀၀ ကျော် ကျပ်သုံးသောင်းကျော်လျော့ကျပြီး၊ ပဲစင်းငုံမှာ ကျပ် ၅၄၀၀၀၀ ကျော်မှ ၅၂၀၀၀၀ ကျော် အသီးသီးလျော့ကျလာတာတွေ့ရပါသည်။မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ ထောပတ်ပဲ ၃၉ တန်ခွဲ ၊အမေရိကန်ဒေါ်လာ ဝ.၀၂၃ သန်း၊မြန်မာ-အိန္ဒိယနယ်စပ်ရှိ တမူးနယ်စပ်မှ မတ်ပဲ ၅တန်ခွဲ၊အမေရိကန်ဒေါ်လာ ဝ.၀၀၄ သန်းဖိုး ယခုတစ်ပတ်အတွင်း တင်ပို့နိုင်တာတွေ့ရပါသည်။
မြန်မာ-တရုတ်နယ်စပ်ရှိ မူဆယ် ၁၀၅မိုင်မှ နိုဝင်ဘာ ဒုတိယပတ် ကာလအတွင်း အမေရိကန်ဒေါ်လာ ဝ.၁၁၆ သန်း၊ တန်ဖိုးရှိပြီး ပဲတီစိမ်းလုံးပြည့် ၁၃၈ တန်ကျော်နှင့် အမေရိကန်ဒေါ်လာ ဝ.၁၅၉ သန်းတန်ဖိုးရှိ ပဲတီစိမ်းလုံးခြမ်း ၁၄၂ တန်ကို တစ်ဖက်နိုင်ငံ သို့ တင်ပို့ခဲ့ပါသည်။ ယခုအပတ် ပဲတီစိမ်းတင်ပို့မှု တန် ၂၈၀ ကျော်ရှိတဲ့အတွက် ယခင် အပတ်ထက် ၃၁ တန်ကျော် ပိုမိုတင်ပို့ ခဲ့ပါ သည်။ ပြည်ပဈေးကွက်မှာ ပဲတီစိမ်း တစ်တန်လျင်ပေါက်ဈေး ၆၉၁၁၁၁ ကျပ်နှင့် အမေရိကန်ပေါက်ဈေး ၈၂၉ ဒေါ်လာရှိပါ သည်။