နောက်ဆုံးရ သတင်း

မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ (၁၉)ကြိမ်မြောက်နှစ်ပတ် လည်အသင်းသားစုံညီအစည်းအဝေး ကို ၂၀၁၁ ခုနှစ်၊ အောက်တိုဘာလ (၂၉)ရက်နေ့ (စနေနေ့)တွင် ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှုလုပ်ငန်းရှင်များ အသင်းချုပ်၊ မင်္ဂလာခန်းမတွင် ကျင်းပပြုလုပ်ခဲ့ရာ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ ပြည်ထောင်စုဝန်ကြီး ဦးဝင်းမြင့်မှ တက်ရောက်အားပေးချီးမြှင့်၍ အမှာစကား ပြောကြားခဲ့ပါသည်။

နေပြည်တော် ၊ အောက်တိုဘာလ ၁၉ ရက်

နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးကြီးဌာနတွင် သက်တမ်းလွန်မော်တော်ယာဉ်များ အတွက် ကားသစ်တင်သွင်းရန် သွင်းကုန်ပါမစ် ထုတ်ပေးခြင်းကို စက်တင်ဘာလ (၁၉) ရက် နေ့မှစ၍ ဆောင်ရွက်ပေးခဲ့ရာ အောက်တိုဘာလ (၁၈) ရက်နေ့အထိ ကာလအတွင်း စုစုပေါင်း ကားတင်သွင်းရန် ပါမစ် (၄၂၅၆) စောင် ထုတ်ပေးခဲ့ပြီးကြောင်းသတင်းရရှိသည်။ အောက်တိုဘာ (၁၁) ရက်နေ့က ကားပါမစ်စုစုပေါင်း (၅၁၀) စောင် လာရောက်လျောက်ထားခဲ့ဲ၍ နေ့ချင်းပြီးထုတ်ပေးနိုင်ခဲ့ရာ ပါမစ်ထုတ်ပေးမှု အများဆုံးနေ့ အဖြစ် စံချိန်တင်နေကြောင်း၊ နေ့စဉ်နှင့်အမျှ ကားပါမစ်လာရောက် လျောက်ထားရာတွင် ကားအမျိုးအစားပိုစုံလာသလို Brand လည်း စုံလာကြောင်း၊ Saloon၊ Hatchback ၊ Van၊ Wagon၊ Pick Up ၊Double Cab ၊ Bus၊ Mini Bus ၊ Micro Bus ၊ Light Truck နှင့် Heavy Truck ၊ ကားအမျိုးအစားများ ဝယ်ယူရန် လာရောက် လျှောက်ထားကြပြီး Brand များမှာ Toyota၊ Nissan၊ Honda ၊ BMW၊ Mercedes၊ Volkswagen၊ Isuzu ၊ Grand Cherokee ၊ Hyundai ၊ Subaru ၊ KIA ၊ Samsung ၊ Hino၊ LandRover ၊ Chevrolet နှင့် Mazda Brand တို့ဖြစ်ကြောင်း သတင်းရရှိသည်။၎င်းအပြင် ဂျပန်နိုင်ငံပိုင်ကုမ္ပဏီများမှ ထုတ်လုပ်သော Toyota, Nissan (Saloon အုပ်စု) ၊Mitsubishi Brand (Wagon အုပ်စု) ကားများကိုလည်း ဂျပန်နိုင်ငံမှဝယ်ယူ တင်သွင်းခြင်းအပြင် ထိုင်းနိုင်ငံမှဝယ်ယူ တင်သွင်းရန် လျှောက်ထားမှုများလည်း ရှိနေကြောင်းသတင်းရရှိသည်။

       မွန်ပြည်နယ် မော်လမြိုင်မြို့၊ ပြည်နယ်ခန်းမ၌ မြန်မာနိုင်ငံရော်ဘာစိုက်ပျိုးထုတ်လုပ်သူ များအသင်း ( Myanmar Rubber Planters and Producers Association –MRPPA) နှင့် နိုင်ငံတကာရော်ဘာသုတေသနနှင့်ဖွံ့ဖြိုးရေးဘုတ်အဖွဲ့ (International Rubber Research and Development Board-IRRDB) တို့ ပူးပေါင်း၍ ကောင်းမွန်သော စိုက်ပျိုးရေးကျင့်စဉ် များဖြင့် ရော်ဘာ အထွက်နှုန်း များ တိုးမြင့်အောင်ဆောင်ရွက်ခြင်း (International workshop on Improving Rubber Productivity through Good Agricultural Practices) အလုပ်ရုံဆွေးနွေးပွဲကို ၂၇.၉.၂၀၁၁  နေ့မှ ၂၈.၉.၂၀၁၁ နေ့ထိ ကျင်းပခဲ့ပါသည်။

နေပြည်တော် ၊ အောက်တိုဘာလ ၁၃ ရက်

သက်တမ်းလွန်မော်တော်ယာဉ်များအပ်နှံ၍ ကားတင်သွင်းရန် သွင်းကုန်ပါမစ် ပြန်လည်လျှောက်ထား မှုများ နေ့စဉ်တိုးတက်လျက်ရှိရာ စက်တင်ဘာလ (၁၉) ရက်နေ့မှ အောက်တိုဘာလ (၁၁) ရက်နေ့အထိ ကာလအတွင်း ကားပါမစ်လျှောက်ထားမှု စောင်ရေ (၂၉၂၃) စောင် ရှိခဲ့သည်။ ကားတင်သွင်းရန် ပါမစ်လျှောက် ထားကြရာတွင် Saloon ၊ Hatchback ၊ Van ၊ Wagon ၊ Pickup အမျိုးအစားများကိုသာ နေ့စဉ်လျှောက်ထားမှု များသော်လည်း စီးပွားရေးလုပ်ငန်းသုံးကားများ တင်သွင်းရန် လျှောက်ထားမှုအလွန်နည်းနေသေးသည်ဟု သတင်းရရှိသည်။ စက်တင်ဘာ (၁၉) ရက်မှ အောက်တိုဘာ (၁၁) ရက်နေ့အထိ ကာလအတွင်း ပါမစ် ထုတ်ပေးရမှု စောင်ရေ (၂၉၂၃) စောင်ရေ ၊ Bus Car တင်သွင်းရန် ပါမစ် (၂၁) စောင်သာ ထုတ်ပေးခဲ့ရ ကြောင်း ၊ Brand များမှာ ဂျပန်နိုင်ငံထုတ် Mitsubishi Brand နှင့် ကိုရီးယားနိုင်ငံထုတ် Hyundai နှင့် Kia Brand တို့ ဖြစ်ကြောင်း သတင်းရရှိသည်။

နေပြည်တော် ၊ အောက်တိုဘာလ ၁၁ ရက်

နေပြည်တော်ရှိ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနတွင် သက်တမ်းလွန်ကားများ အပ်နှံပြီး ကားသစ်တင်သွင်းရန် သွင်းကုန်ပါမစ် ထုတ်ပေးခြင်းကို စက်တင်ဘာလ (၁၉) ရက်နေ့မှစ၍ ဆောင်ရွက်ပေးခဲ့ရာ အောက်တိုဘာလ (၁၀) ရက်နေ့အထိ ကာလအတွင်း စုစုပေါင်း  ကား တင်သွင်းရန် ပါမစ် (၂၄၁၃) စောင် ထုတ်ပေးခဲ့ပြီးကြောင်း သတင်းရရှိသည်။ တစ်နေ့ထက် တစ်နေ့ ကားပါမစ်လျှောက်ထားမှု မြင့်မား လာကြောင်း၊ မည်မျှပင် လျှောက်ထားမှုစောင်ရေ များသည့်တိုင် ပါမစ်ထုတ်ပေးမှုကိုလည်း နေ့ချင်းပြီး ဆောင်ရွက်ပေးနိုင်ခဲ့ကြောင်း ၊ ယင်း ကာလ အတွင်း အောက်တိုဘာလ (၇) ရက်နေ့က ထုတ်ပေးခဲ့သည့် ကားပါမစ်စောင်ရေမှာ တစ်ရက်အတွင်း (၄၃၂) စောင်ဖြစ်၍ ကားပါမစ် လျှောက်ထားမှု အမြင့်ဆုံးနေ့အဖြစ် လောလောဆယ်စံချိန်တင်နေကြောင်း သတင်းရရှိသည်။ လိုင်စင်လျှောက်ထားမှု အများဆုံး အမျိုးအစားမှာ Toyota Brand Saloon ဖြစ်ကြောင်းနှင့် ဒုတိယနေရာရရှိထားသည့် အမျိုးအစားမှာ Toyota Brand Wagon ဖြစ်ကြောင်း သိရသည်။

Pages

Subscribe to နောက်ဆုံးရ သတင်း