အပြည်ပြည်/လှုပ်ရှားမှုများ

  စီးပွားရေနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးညွှန်ကြားမှုဦးစီးဌာန၊ ညွှန်ကြားရေးမှူးချုပ် ဦးကျော်ထူးသည် ဘယ်လ်ဂျီယံနိုင်ငံ၊ ဘရပ်ဆဲလ်မြို့ အခြေစိုက် European Union (EU) ရုံးမှ အီးယူရန် ပုံငွေ ဆောင်ရွက်သည့် လုပ်ငန်းကိစ္စများဆိုင်ရာ တာဝန်ခံပုဂ္ဂိုလ်ဖြစ်သူ Mr. Thierry Rommel ဦးဆောင်သည့်အဖွဲ့အား ၂၀၁၃ ခုနှစ်၊ ဖေဖော်ဝါရီလ ၄ ရက် (တနင်္လာနေ့) ၁၀:၀၀ နာရီအချိန်တွင် လက်ခံတွေ့ဆုံခဲ့ပါ သည်။ မြန်မာနိုင်ငံတွင် ဥရောပကုန်သည်ကြီးများအသင်း European Chamber of Commerce in Myanmar တည်ထောင်နိုင်ရေးအတွက် လာရောက်ခြင်း ဖြစ်ပြီး၊ မြန်မာနိုင်ငံနှင့် ဥရောပစီးပွားရေးအသိုက်အဝန်းအကြားဖြစ်နိုင်ခြေနှင့် အခွင့်အလမ်းများကို ဆွေးနွေးခဲ့ပါသည်။

မြန်မာနိုင်ငံအသေးစား၊ အလတ်စား၊ စီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် ဗဟုသုတဖြစ် စေမည့် United Nations Economic and Social Commission for Asia and the Pacific (UNESCAP), Trade and Investment Division, private sector and Development section မှ Mr Masato Abe (Economic Affairs Officer) ရေးသားသော Policy   Guide Book for SME Development in Asia and the Pacific စာအုပ်ကို http://www.unescap.org/tid/publication/indpub2621.asp ၎င်း website တွင် ဖတ်ရှုနိုင်ကြောင်း သတင်းကောင်းပါးအပ်ပါသည်။

untitled-1

 

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ နယ်စပ်ကုန်သွယ်ရေးဦးစီးဌာန၊ ညွှန်ကြားရေးမှူးချုပ် ဦးဆောင်သော ဝန်ကြီးဌာန အသီးသီးမှတာဝန်ရှိသူအရာရှိကြီးမျးနှင့် ချက်သမ္မတနိုင်ငံ ကုန်သွယ်ရေးနှင့် စက်မှုဝန်ကြီးဌာနဝန်ကြီးနှင့်အတူ လိုက်ပါလာသော ချက်သမ္မတနိုင်ငံ ကုန်သည်အသင်း ဥက္ကဌဦးဆောင်သော စီးပွားရေးကိုယ်စားလှယ်အဖွဲ့ တွေ့ဆုံဆွေးနွေးပွဲကို ၂၀၁၃ ခုနှစ်၊ ဇန်နဝါရီလ (၂၄)ရက်တွင် ရွှေနန်းတော် ဟိုတယ်(နေပြည်တော်)၌ ကျင်းပခဲ့သည်။

        အဆိုပါဆွေးနွေးပွဲတွင် မြန်မာနိုင်ငံနှင့်ချက် နှစ်နိုင်ငံအကြား သတ္တု၊ စွမ်းအင်၊ စက်မှု၊ စိုက်ပျိုးရေး၊ ပို့ ဆောင်ရေး၊ ဆောက်လုပ်ရေး၊ ဆက် သွယ်ရေး၊ လျှပ်စစ်၊ ဟိုတယ်၊ အခွန်နှင့် ရင်းနှီးမြှုပ်နှံမှုဆိုင်ရာ အခွင့် အလမ်းများကို သက်ဆိုင်ရာဝန်ကြီးဌာနအသီးသီးမှ အရာရှိကြီးများနှင့် ချက်စီး ပွားရေးကိုယ်စားလှယ်အဖွဲ့တို့ အပြန်အလှန်ရင်းနှီးစွာ ဆွေးနွေးခဲ့ကြောင်း သတင်းရရှိပါသည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးညွှန်ကြားမှုဦးစီးဌာန ညွှွန်ကြားရေးမှူးချုပ်သည် ဂျပန်နိုင်ငံ Trade , Investment and SME Promotion Working Group မှ Prof. Konosuke ODAKA ဦးဆောင်သော ကိုယ်စားလှယ်အဖွဲ့အား စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးရုံး၊ နေပြည်တော်တွင် ၂၀၁၃ ခုနှစ်၊ ဇန်နဝါရီလ ၉ ရက်၊ ဗုဒ္ဓဟူးနေ့(၁၁: ၃၀) နာရီအချိန်၌ လက်ခံတွေ့ဆုံခဲ့ပါသည်။

          အဆိုပါဆွေးနွေးပွဲတွင် JICA အနေဖြင့် မိမိဝန်ကြီးဌာန၊ အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှုဝန်ကြီးဌာနနှင့် စက်မှုဝန်ကြီးဌာနတို့နှင့် ပူးပေါင်း၍ “စီးပွားရေးဖွံ့ဖြိုးတိုးတက်မှုအစီအစဉ်” (Program for Economic Development) ကို ၂၀၁၂ ခုနှစ်၊ နိုဝင်ဘာလမှ ၂၀၁၅ ခုနှစ်၊ မတ်လအထိ အကောင်အထည်ဖော်ဆောင်ရွက်သွားမည် ဖြစ် ကြောင်းနှင့် မြန်မာနိုင်ငံ၏ စီးပွားရေးဖွံ့ဖြိုးတိုးတက်မှု မူဝါဒ၊ စီမံကိန်း၊ ကုန်သွယ်မှုနှင့် SME လုပ်ငန်းများဖွံ့ဖြိုတိုးတက်ရေး လုပ်ငန်းများတွင် ကြိုးပမ်းဆောင်ရွက်မှုနှင့် အောင်မြင်မှုများအပေါ် မြန်မာနိုင်ငံ၏ ပြုပြင်ပြောင်းလဲမှုလုပ်ငန်းစဉ်များကို အထောက် အကူဖြစ်စေမည့် အထက်ဖော်ပြပါ ပရိုဂရမ်နှင့်စပ်လျဉ်း၍ ပေါ်ပေါက်လာမည့် လုပ်ငန်းရပ်များနှင့် ၂၀၁၃ ခုနှစ်၊ ဖေဖော်ဝါရီလတွင် ကျင်းပမည့် တိုကျိုအလုပ်ရုံဆွေးနွေးပွဲအတွက် အမြင်သဘောထားများ ဖလှယ်၍ ဆွေးနွေးခဲ့ပါသည်။

စီးပွားရေးနှင့်ကူသန်းရောင်းဝယ်ရေးဝန်ကြီးဌာန၊ ကုန်သွယ်ရေးညွှန်ကြားမှုဦးစီးဌာန၊ ညွှန်ကြားရေးမှူးချုပ် ဦးကျော်ထူးအား Mr. Hiromichi MURAKAMI, Deputy Director General နှင့် Mr. Akihisa TANAKA, Director of Industrial Development and Public Policy Development Department, JICA Headquarter တို့သည် ၂၀၁၂ ခုနှစ်၊ ဒီဇင်ဘာလ ၇ ရက် (သောကြာနေ့) တွင် လာရောက်တွေ့ဆုံခဲ့ပါသည်။ မြန်မာ-ဂျပန် ပူးပေါင်းဆောင်ရွက်ရေးကိစ္စများ ဆွေးနွေးခဲ့ပါသည်။

Pages

Subscribe to အပြည်ပြည်/လှုပ်ရှားမှုများ