အစည်းအဝေးများ/လှုပ်ရှားမှုများ

ကုန်သွယ်မှုနှင့်ကုန်စည်စီးဆင်းမှုများမှန်ကန်မြန်ဆန်စေရေး ဗဟိုကော်မတီ တွဲဖက်အတွင်းရေးမှူး ဦးဆောင်၍ ပို့ကုန်ရငွေစိစစ်ကြပ်မတ်ရေးလုပ်ငန်းကော်မတီဝင်များ၊ UMFCCI မှ တာဝန်ရှိသူများသည် ပို့ကုန်ရငွေဝင်ရောက်ရန်ကျန်သော ကုမ္ပဏီများနှင့် ညှိနှိုင်းအစည်းအဝေးကို ၂၀၂၃ ခုနှစ်၊ ဒီဇင်ဘာလ ၆ ရက် နေ့တွင် ရန်ကုန်မြို့ရှိ UMFCCI ၌ ကျင်းပခဲ့ပါသည်။ ​

အစည်းအဝေးတွင် ကုန်သွယ်မှုနှင့်ကုန်စည်စီးဆင်းမှုများ မှန်ကန်မြန်ဆန်စေရေးဗဟို ကော်မတီ တွဲဖက်အတွင်းရေးမှူး ဗိုလ်မှူးချုပ်ဝင်းမြင့်ခိုင်က နှစ်အလိုက် ပို့ကုန် ဝင်ရောက်ရန်ကျန်သော ကုမ္ပဏီများ၏ အခြေအနေ၊ ပို့ကုန်ရငွေ ဝင်ရောက်ထားမှုများကို စာရင်းရှင်းလင်းမှု အခြေအနေ၊ ဝင်ရောက်ခြင်း၊ စာရင်း ရှင်းလင်းခြင်းမရှိ၍ အရေးယူမှုများဖြစ်ပေါ်ပါက လုပ်ငန်းဆောင်ရွက်မှု အခက်အခဲများ ဖြစ်ပေါ်နိုင်သည့် အခြေအနေ၊ နိုင်ငံတော်အတွက် ပို့ကုန်ဝင်ငွေ အပြည့်အဝ ဝင်ရောက်စေရေးနှင့် လုပ်ငန်းရှင်များ လုပ်ငန်း အဆင်ပြေချောမွေ့စေရေး လုပ်ထုံလုပ်နည်းနှင့်အညီ ပို့ကုန်ရငွေများ ပေးသွင်းရန်နှင့် အခက်အခဲရှိပါက တင်ပြဆွေးနွေးရန်ဖြစ်ကြောင်း အဖွင့်အမှာစကားပြောကြားပါသည်။

ထို့နောက် ကုန်သွယ်မှုနှင့်ကုန်စည်စီးဆင်းမှုများ မှန်ကန်မြန်ဆန်စေရေးလုပ်ငန်းကော်မတီ၊ အတွင်း ရေးမှူး ဦးမိုးမြင့်က ပို့ကုန်ရငွေ ဝင်ရောက်ရန်ကျန်သည့်ကုမ္ပဏီများအား ပို့ကုန်ရငွေ ပေးသွင်းရေးကိစ္စ ဆောင်ရွက်ရမည့်အချက်များအား ရှင်းလင်းခြင်း၊ မြန်မာနိုင်ငံကုန်သည်များနှင့်စက်မှုလုပ်ငန်းရှင်များ အသင်းချုပ်ဥက္ကဋ္ဌ ဦးအေးဝင်းက ပို့ကုန်ရငွေ ဝင်ရောက်ရန်ကျန်မှုနှင့်စပ်လျဉ်း၍ လုပ်ငန်းရှင်များ အသိစိတ် ရှိရှိဖြင့် ရှင်းလင်းဆောင်ရွက်ရန် ဆွေးနွေးခြင်း၊ ကုန်သွယ်ရေးဦးစီးဌာန ညွှန်ကြားရေးမှူးချုပ်ဦးမြင့်သူရက မြန်မာနိုင်ငံတော်ဗဟိုဘဏ်မှ ပေးပို့ချက်အရ ပို့ကုန်သွင်းကုန် လုပ်ငန်းရှင်မှတ်ပုံတင် ပိတ်သိမ်းမှု အခြေ အနေ၊ ပို့ကုန်လုပ်ငန်းရှင်များ ထပ်မံအရေးယူခြင်းမခံရစေရန် အသိပေးဆောင်ရွက်မှုအခြေအနေများ၊ ပို့ကုန် လုပ်ငန်းရှင်များ အခက်အခဲမရှိစေရေး ပို့ကုန်သွင်းကုန် လုပ်ငန်းရှင်မှတ်ပုံတင် ယာယီဖွင့်လှစ်ပေးမှု အခြေ အနေများကို ရှင်းလင်းခြင်း၊ နိုင်ငံခြားသုံးငွေ စီမံခန့်ခွဲမှုဦးစီးဌာန၊ ကိုယ်စားလှယ်က မြန်မာနိုင်ငံတော်ဗဟို ဘဏ်က ရှင်းလင်းဆောင်ရွက်ပေးမှု အခြေအနေများကို ဆွေးနွေးပါသည်။ ​ယင်းနောက် တက်ရောက်လာ သော ပို့ကုန်လုပ်ငန်းရှင်အချို့က ၎င်းတို့၏ အခက်အခဲများနှင့် ပို့ကုန်ရငွေ ရှင်းလင်းဆောင်ရွက်မှု အခြေ အနေများကို ရှင်းလင်းတင်ပြကြရာ ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေး ဗဟို ကော်မတီ တွဲဖက်အတွင်းရေးမှူး၊ လုပ်ငန်းကော်မတီအတွင်းရေးမှူးနှင့် ဌာနဆိုင်ရာ တာဝန်ရှိသူများမှ ပြန်လည်ရှင်းလင်းဆွေးနွေးကြပါသည်။

အစည်းအဝေးသို့ ပို့ကုန်ရငွေ ဝင်ရောက်ရန်ကျန်သော ကုမ္ပဏီ ၁၆၀ ခုမှ ကိုယ်စားလှယ်များ၊ AD ဘဏ်များမှ ကိုယ်စားလှယ် ၂၅ ဦးနှင့် UMFCCI နှင့် ညီနောင်အသင်းများမှကိုယ်စားလှယ်များ၊ ဌာနဆိုင်ရာ အရာထမ်းကိုယ်စားလှယ်များ စုစုပေါင်း ၂၀၀ ကျော်ခန့်တက်ရောက်ခဲ့ကြကြောင်း သတင်းရရှိသည်။