ပညာပေး/လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊  ကုန်သွယ်ရေးဦးစီးဌာနသည် နိုင်ငံတော်၏ စီးပွားရေးဖွံ့ဖြိုးတိုးတက်ကောင်းမွန်စေရန်နှင့် ကုန်သွယ်မှုလုပ်ငန်းများ လျင်မြန်ချောမွေ့စေရန် အတွက် ဆောင်ရွက်ရသော ဌာနဖြစ်ပါတယ်။ နိုင်ငံတော်၏ e-Government လုပ်ငန်းများ ဖွံ့ဖြိုး တိုးတက်စေရေး အထောက်အကူဖြစ်စေရန် အခြေခံလိုအပ်ချက်ဖြစ်သည့် ကွန်ပျူတာအသုံးပြု နိုင်ရေးအတွက် ဌာနရှိ ဝန်ထမ်းအားလုံး ရုံးလုပ်ငန်းသုံးကွန်ပျူတာ အခြေခံကျွမ်းကျင်တတ်မြောက်မှု မှတဆင့် ဝန်ကြီးဌာန၏ IT နည်းပညာ အသုံးပြုနိုင်သည့်အဆင့်သို့ တိုးမြှင့်နိုင်မည်ဖြစ်ပြီး ကုန်သွယ်မှုနှင့်ဆက်စပ်သည့် လုပ်ငန်းရပ်များအား IT နည်းပညာ အသုံးပြု၍ ဆောင်ရွက်နိုင်မှာ ဖြစ်ပါတယ်။

          ကုန်သွယ်ရေးဦးစီးဌာနရှိ ဝန်ထမ်းအားလုံး ရုံးလုပ်ငန်းသုံးကွန်ပျူတာ အခြေခံကျွမ်းကျင် တတ်မြောက်စေရန်နှင့် ၎င်းမှတဆင့် ကုန်သွယ်မှုလုပ်ငန်းရပ်များနှင့်သက်ဆိုင်သည့် စနစ်များအား ကျွမ်းကျင်စွာအသုံးပြုနိုင်ခြင်းဖြင့် ကုန်သွယ်မှုလျင်မြန်ချောမွေ့စေရေးအတွက် အထောက်အကူ ဖြစ်စေရန် ရည်ရွယ်၍ ရုံးလုပ်ငန်းသုံး ကွန်ပျူတာသင်တန်းအမှတ်စဉ်(၁/၂၀၂၂)ကို (၂၅-၄-၂၀၂၂) ရက်နေ့မှ (၂၀-၅-၂၀၂၂) ရက်နေ့အထိ ရုံးဖွင့်ရက်များ၌ နံနက်(၁၀:၀၀)နာရီမှ (၁၂:၃၀)နာရီအထိ၊ ရက်သတ္တ(၄)ပတ်ကြာ မော်တော်ယာဉ်ဌာနစိတ်ဘေးရှိ Multimedia သင်တန်းခန်းမတွင် ကုန်သွယ်ရေးဦးစီးဌာနမှ အသစ်ခန့်အပ်ခဲ့သော နေ့စားဝန်ထမ်းများဖြစ်သည့် ရုံးချုပ်မှ သင်တန်းသား (၁၈)ဦးကို Multimedia သင်တန်းခန်းမတွင်လည်းကောင်း၊ ရန်ကုန်၊ မန္တလေးနှင့် တမူးကုန်သွယ်ရေး စခန်းမှ သင်တန်းသား (၇)ဦးတို့ကို Online ဖြင့်လည်းကောင်း ဖွင့်လှစ်သင်ကြားလျက်ရှိပါတယ်။

သင်တန်းတွင် Microsoft Office Word, Microsoft Office Excel, Microsoft Office Power Point, Border  Trade Online System ဘာသာရပ်များကို သတင်းအချက်အလက် နည်းပညာဌာနခွဲမှ သင်ကြားပို့ချသွားမည်ဖြစ်ပါတယ်။

 

 

                                                                                      ကုန်သွယ်မှုပညာပေးရေးဌာနခွဲ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ လမ်းညွှန်မှု၊ ကုန်သွယ်ရေးဦးစီးဌာန၏ ကြီးကြပ်ကွပ်ကဲမှုဖြင့် ပို့ကုန်သွင်းကုန်လုပ်ထုံးလုပ်နည်းသင်တန်းအမှတ်စဉ်(၁/၂၀၂၂)ကို (၂၅-၄-၂၀၂၂) ရက်နေ့မှ (၁၇-၆-၂၀၂၂) ရက်နေ့ထိ ရုံးဖွင့်ရက်များ၌ နံနက်(၀၉:၄၅)နာရီမှ (၁၂:၂၀)နာရီ အထိ၊ ရက်သတ္တ(၈)ပတ်ကြာ သင်တန်းသား(၃၀)ဦးဖြင့် ဒေသတွင်းဌာနခွဲအနီးရှိ သင်တန်းခန်းမတွင် COVID-19 ကာကွယ်တားဆီးရေးဆိုင်ရာညွှန်ကြားချက်များနှင့်အညီ ဖွင့်လှစ်သင်ကြားလျက်ရှိ      ပါတယ်။

          ကုန်သွယ်ရေးဦးစီးဌာနသည် နိုင်ငံတော်၏ စီးပွားရေးဖွံ့ဖြိုးတိုးတက်ကောင်းမွန်စေရန် အတွက် ဆောင်ရွက်ရသော ဌာနဖြစ်သည်နှင့်အညီ ဝန်ထမ်းများအနေဖြင့် လုပ်ထုံးလုပ်နည်း     များအား သိရှိပြီး ပေးအပ်သော တာဝန်ကို စွမ်းဆောင်ရည်မြင့်မားစွာဖြင့် ကျေပွန်စွာထမ်းဆောင် နိုင်ရန်၊ ရုံးချုပ်နှင့် နယ်စခန်းများတွင် တာဝန်ထမ်းဆောင်သည့်အခါ ပို့ကုန်သွင်းကုန်လိုင်စင် ကိစ္စရပ်များ၊ ငွေစာရင်းဆိုင်ရာကိစ္စရပ်များ၊ စီမံရေးရာကိစ္စရပ်များအား ပိုမိုသိရှိနားလည် ကျွမ်းကျင် စေပြီး ဝန်ထမ်းများ၏ လူ့စွမ်းအားအရင်းအမြစ်ဖွံ့ဖြိုးတိုးတက်လာစေရန်အတွက် ရည်ရွယ်၍ လေ့ကျင့်သင်ကြားပေးလျက် ရှိပါတယ်။

          သင်တန်းမှာ ကုန်သွယ်ရေးဦးစီးဌာနအောက်မှာရှိတဲ့ ဌာနခွဲများမှ သက်ဆိုင်ရာဘာသာရပ် အသီးသီးကိုလည်းကောင်း၊ ဝန်ကြီးဌာနအောက်ရှိ အခြားဌာနများဖြစ်တဲ့ စားသုံးသူရေးရာဦးစီး ဌာန၊ မူပိုင်ခွင့်ဦးစီးဌာန၊ မြန်မာကုန်သွယ်မှုမြှင့်တင်ရေးအဖွဲ့တို့မှ သက်ဆိုင်ရာ ဘာသာရပ် အသီးသီးကိုလည်းကောင်း၊ ဆက်စပ်ဝန်ကြီးဌာနများအောက်ရှိ ပြင်ပဌာနများမှ သက်ဆိုင်ရာ ဘာသာရပ်အသီးသီးကိုလည်းကောင်း၊ ဘာသာရပ်ဆိုင်ရာ နည်းပြများမှ သင်ကြားပို့ချလျက်ရှိ ပါတယ်။

 

                                                                                      ကုန်သွယ်မှုပညာပေးရေးဌာနခွဲ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ လမ်းညွှန်မှု၊ ကုန်သွယ်ရေးဦးစီးဌာန၏ ကြီးကြပ်ကွပ်ကဲမှုဖြင့် ပို့ကုန်သွင်းကုန်လုပ်ထုံးလုပ်နည်းသင်တန်းအမှတ်စဉ်(၂/၂၀၂၁)ကို (၅-၄-၂၀၂၁) ရက်နေ့မှ (၁၁-၆-၂၀၂၁) ရက်နေ့ထိ ကုန်သွယ်ရေးဦးစီးဌာန (ရုံးချုပ်)ရှိ သင်တန်းခန်းမတွင် ဌာနခွဲအသီးသီးမှ သင်တန်းသား (၂၅)ဦးဖြင့် COVID-19 ကာကွယ်တားဆီးရေးဆိုင်ရာညွှန်ကြားချက် များနှင့်အညီ ရက်သတ္တပတ်(၉)ပတ်ကြာ ဖွင့်လှစ်သင်ကြားလျက်ရှိပါတယ်။

          ကုန်သွယ်ရေးဦးစီးဌာနသည် နိုင်ငံတော်၏ စီးပွားရေးဖွံ့ဖြိုးတိုးတက်ကောင်းမွန်စေရန်အတွက် ဆောင်ရွက်ရသော ဌာနဖြစ်သည်နှင့်အညီ ဝန်ထမ်းများ အနေဖြင့် လုပ်ထုံးလုပ်နည်းများအား သိရှိပြီး ပေးအပ်သော တာဝန်ကို စွမ်းဆောင်ရည်မြင့်မားစွာဖြင့် ကျေပွန်စွာထမ်းဆောင်နိုင်ရန်၊ ရုံးချုပ်နှင့် နယ်စခန်းများတွင် တာဝန်ထမ်းဆောင်သည့်အခါ ပို့ကုန်သွင်းကုန်လိုင်စင်ကိစ္စရပ်များ၊ ငွေစာရင်း ဆိုင်ရာကိစ္စရပ်များ၊ စီမံရေးရာကိစ္စရပ်များအား ပိုမိုသိရှိနားလည်ကျွမ်းကျင်စေပြီး ဝန်ထမ်းများ၏ လူ့စွမ်းအားအရင်းအမြစ်ဖွံ့ဖြိုးတိုးတက်လာစေရန်အတွက် ရည်ရွယ်၍ လေ့ကျင့်သင်ကြားပေးလျက် ရှိပါတယ်။

          သင်တန်းမှာ ကုန်သွယ်ရေးဦးစီးဌာနအောက်မှာရှိတဲ့ ဌာနခွဲများမှ သက်ဆိုင်ရာဘာသာရပ် အသီးသီးကိုလည်းကောင်း၊ ဝန်ကြီးဌာနအောက်ရှိ အခြားဌာနများဖြစ်တဲ့ စားသုံးသူရေးရာဦးစီး ဌာန၊ မူပိုင်ခွင့်ဦးစီးဌာန၊ မြန်မာကုန်သွယ်မှုမြှင့်တင်ရေးအဖွဲ့တို့မှ သက်ဆိုင်ရာ ဘာသာရပ် အသီးသီးကိုလည်းကောင်း၊ ဆက်စပ်ဝန်ကြီးဌာနများအောက်ရှိ ပြင်ပဌာနများမှ သက်ဆိုင်ရာ ဘာသာရပ်အသီးသီးကိုလည်းကောင်း၊ ဘာသာရပ်ဆိုင်ရာ နည်းပြများမှ သင်ကြားပို့ချလျက်ရှိပါတယ်။

 

 

                                                                                      ကုန်သွယ်မှုပညာပေးရေးဌာနခွဲ

 

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ လမ်းညွှန်မှု၊ ကုန်သွယ်ရေးဦးစီးဌာန၏ ကြီးကြပ်ကွပ်ကဲမှုဖြင့် COVID-19 ရောဂါဖြစ်ပွားမှုကာကွယ်ရန် စည်းမျဉ်းစည်းကမ်းများနှင့်အညီ ရက်သတ္တပတ်(၉)ပတ်ကြာ ဖွင့်လှစ်ခဲ့သော ပို့ကုန်သွင်းကုန်လုပ်ထုံးလုပ်နည်းသင်တန်းအမှတ်စဉ် (၁/၂၀၂၁) သင်တန်းဆင်းပွဲ အခမ်းအနားအား ၁၈-၃-၂၀၂၁ (ကြာသပတေး‌နေ့)၊ မွန်းလွဲ (၁၅:၀၀) နာရီအချိန်တွင် စီးပွား‌ရေးနှင့်ကူးသန်းရောင်းဝယ်ရေးဝန်ကြီးဌာန၊ မြေညီထပ်ရှိ ညီလာခံခန်းမတွင် ကျင်းပပြုလုပ်ခဲ့ပါသည်။

အဆိုပါ သင်တန်းဆင်းပွဲအခမ်းအနားတွင် ညွှန်ကြားရေးမှူးချုပ် ဦးမင်းမင်းမှ သင်တန်း ဆင်းပွဲအမှာစကားပြောကြားခဲ့ပြီး သင်တန်း၌ဆုရရှိခဲ့ကြသော သင်တန်းသားများအား ဆုချီးမြှင့် ပေးအပ်ခဲ့ပါသည်။ထို့နောက် ဒုတိယညွန်ကြားရေးမှူးချုပ်၊ ဦးကိုကိုလေးမှ သင်တန်းဆင်းအောင် လက်မှတ်များအား သင်တန်းသား ကိုယ်စားလှယ်တစ်ဉီးထံသို့ ပေးအပ်ခဲ့ပါသည်။ သင်တန်းတွင် ပထမဆုအား‌‌ ဒေါ်ခိုင်ဖူးဝေ၊ ဒုတိယဦးစီးမှူး၊ ဒေသတွင်းစီးပွားရေးပူးပေါင်းဆောင်ရွက်မှုဌာနခွဲမှ လည်းကောင်း၊ ဒုတိယဆုအား ဒေါ်ဟန်နီထွန်း၊ နေ့စား၊ ကုန်သွယ်မှုမူဝါဒဌာနခွဲမှလည်းကောင်း၊ တတိယဆုအား ဒေါ်သူဇာမိုး၊ နေ့စား၊ နှစ်နိုင်ငံကုန်သွယ်မှုဆက်ဆံ‌ရေးဌာနခွဲမှလည်းကောင်း အသီးသီးရရှိခဲ့ပါသည်။

သင်တန်းဆင်းပွဲသို့ ကုန်သွယ်ရေးဦးစီးဌာနမှ ညွန်ကြားရေးမှူးချုပ်၊ ဒုတိယညွန်ကြားရေး မှူးချုပ်၊ ဌာနခွဲများမှ ညွန်ကြားရေးမှူးများ၊ သင်တန်းနည်းပြများနှင့် သင်တန်းသားသင်တန်းသူများ တက်ရောက်ခဲ့ကြပါသည်။

 

ကုန်သွယ်မှုပညာပေးရေးဌာနခွဲ

 

 သတင်းအကျဉ်း

          ဗဟိုဝန်ထမ်းတက္ကသိုလ်(အထက်မြန်မာပြည်) အရာထမ်းငယ်အခြေခံသင်တန်း အမှတ်စဉ် (၈၈)ကို (၁-၂-၂၀၂၁) ရက်နေ့မှာလည်းကောင်း၊  (အောက်မြန်မာပြည်) အရာထမ်းငယ်အခြေခံ သင်တန်းအမှတ်စဉ် (၁၁၈)ကို (၁-၂-၂၀၂၁) ရက်နေ့မှာလည်းကောင်း Virtual Online စနစ်ဖြင့် ဖွင့်လှစ်ခဲ့ပါတယ်။

          ဗဟိုဝန်ထမ်းတက္ကသိုလ်(အထက်မြန်မာပြည်)နှင့် (အောက်မြန်မာပြည်)ရဲ့ Online စနစ်ဖြင့် ဖွင့်လှစ်တဲ့ အရာထမ်းငယ်အခြေခံသင်တန်းတွေမှာ ပြည်ထောင်စုဝန်ကြီးဌာနအသီးသီးအောက်ရှိ ဦးစီးဌာနများမှ သင်တန်းသား (၂၃၉)ဦး တက်ရောက်ခဲ့ပြီး ကုန်သွယ်ရေးဦးစီးဌာနမှ ဒု-ဦးစီးမှူး (၃)ဦး တက်ရောက်ခဲ့ပါတယ်။

          သင်တန်းမှာ ဘာသာရပ်တွေကို Online Learning System ဖြင့် သင်ကြားလေ့ကျင့်ပေး ခဲ့ပြီး သင်တန်း(၂)ခုလုံးရဲ့ သင်တန်းဆင်းပွဲကို (၁-၃-၂၀၂၁) ရက်နေ့မှာ ကျင်းပပြုလုပ်ခဲ့ပါတယ်။

 

 

 

                                                                                      ကုန်သွယ်မှုပညာပေးရေးဌာနခွဲ

 

Pages

Subscribe to ပညာပေး/လှုပ်ရှားမှုများ