ဝန်ဆောင်မှုကုန်သွယ်ရေးဆိုင်ရာ ရှင်းလင်းဆွေးနွေးပွဲ

Mon, 01/30/2023 - 08:22 -- regionaldep

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနနှင့် UMFCCI တို့ပူးပေါင်း၍ ဝန်ဆောင်မှုကုန်သွယ်ရေးဆိုင်ရာရှင်းလင်းဆွေးနွေးပွဲကို ၂၀၂၃ ခုနှစ်၊ ဇန်နဝါရီလ (၂၈) ရက်နေ့တွင် ပြည်ထောင်စုသမ္မတမြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချုပ် (UMFCCI)၌ ကျင်းပပြုလုပ်ခဲ့ပါသည်။ အဆိုပါရှင်းလင်းဆွေးနွေးပွဲသို့ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ညွှန်ကြားရေးမှူးချုပ်ဦးဆောင်၍ တာဝန်ရှိသူများ၊ ညီနောင်အသင်းအဖွဲ့များ၊ ဝန်ဆောင်မှုဆိုင် ရာလုပ်ငန်းအဖွဲ့များမှ ကိုယ်စားလှယ်များ စုစုပေါင်း (၃၀) ဦးခန့် ပါဝင်တက်ရောက်ခဲ့ကြပါသည်။

     အဆိုပါရှင်းလင်းဆွေးနွေးပွဲတွင် ကုန်သွယ်ရေးဦးစီးဌာန၊ ဘာသာရပ်တာဝန်ခံမှ မြန်မာနိုင်ငံအနေဖြင့်  ပါဝင်လက်မှတ်ရေးထိုးခဲ့သော လွတ်လပ်သော ကုန်သွယ်မှုဒေသဆိုင်ရာသဘောတူညီချက်များ၊  အာဆီယံနှင့်ဒေသတွင်းဘက်စုံစီးပွားရေးပူးပေါင်းဆောင်ရွက်မှု (RCEP) တို့၏ ဝန်ဆောင်မှုကုန်သွယ်ရေးဆိုင်ရာကိစ္စရပ်များနှင့် ၂၀၂၂ ခုနှစ်တွင် စတင်ညှိနှိုင်းဆွေးနွေးလျက်ရှိသော အာဆီယံ-ကနေဒါ လွတ်လပ်သောကုန်သွယ်မှုဒေသဆိုင်ရာသဘောတူညီချက်တွင် လိုက်ပါဆောင်ရွက်မည့်အခြေအနေများကို ရှင်းလင်းတင်ပြဆွေးနွေးပေးခဲ့ပါသည်။