ကမ္ဘာ့ကုန်သွယ်ရေးအဖွဲ့ဆိုင်ရာ ( ၉ ) ကြိမ်မြောက် ဝန်ကြီးများအဆင့် ညီလာခံ ကျင်းပခြင်း
၂၀၁၃ ခုနှစ်၊ ဒီဇင်ဘာလ (၃) ရက်နေ့မှ (၆) ရက်နေ့အထိ အင်ဒိုနီးရှားနိုင်ငံ၊ ဘာလီမြို့၌ ကျင်းပ ခဲ့သော ကမ္ဘာ့ကုန်သွယ်ရေးအဖွဲ့၏ (၉) ကြိမ်မြောက် ဝန်ကြီးများအဆင့် ညီလာခံအစည်းအဝေးကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးဝင်းမြင့် ခေါင်းဆောင်သော မြန်မာ ကိုယ်စားလှယ်အဖွဲ့ တက်ရောက်ခဲ့ပါသည်။ အဆိုပါ (၉) ကြိမ်မြောက် ဝန်ကြီးအဆင့်ညီလာခံသည် ကမ္ဘာ့ ကုန်သွယ်မှု (၃) ထရီလီယံမှ (၈) ထရီလီယံအထိ တိုးတက်နိုင်မည့် ကုန်သွယ်မှုလွယ်ကူလျင်မြန်ချောမွေ့စေ ရေး သဘောတူညီချက်၊ စားနပ်ရိက္ခာဖူလုံရေးအတွက် ဖွံ့ဖြိုးဆဲနိုင်ငံများအနေဖြင့် လယ်သမားများထံမှာ ဈေး ကြီးပေးဝယ်ကာ ဆင်းရဲနွမ်းပါးသော ပြည်သူများထံသို့ ဈေးနိမ့်ဖြင့် ရောင်းချခွင့်ရရှိထားသော လယ်ယာကဏ္ဍ သဘောတူညီချက်များနှင့် ဖွံ့ဖြိုးတိုးတက်မှု အနည်းဆုံးနိုင်ငံများအား ကုန်သွယ်မှုနှင့် ဝန်ဆောင်မှုကဏ္ဍတွင် ဈေးကွက်အခွင့်အလမ်းများ ပိုမိုရရှိစေနိုင်သော ဆုံးဖြတ်ချက်များ ချမှတ်နိုင်ခဲ့သဖြင့် ကမ္ဘာ့နိုင်ငံများအားလုံး အတွက် အကျိုးရှိစေသော ရလဒ်များရရှိခဲ့သည့် သမိုင်းဝင်ညီလာခံအစည်းအဝေးတစ်ခု ဖြစ်ခဲ့ပါသည်။