MAPT

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့နှင့် Korea

 Importers Association ( KOIMA ) တို့ ပူးပေါင်းပြီး “KOIMA BUSINESS MATCHING”  ပွဲကို Sule

 Shangri- La Hotel, Myanmar Ballroom, Yangon  ၌ ၇.၆.၂၀၁၆ ရက်နေ့၊ နံနက် ( ၉:၃၀ ) နာရီတွင်

  ကျင်းပပြုလုပ်ခဲ့ပါသည်။

  ဖွင့်ပွဲအခမ်းအနားသို့ ကိုရီးယားနိုင်ငံမှ သံအမတ်ကြီး H.E. Mr. Yoo Jae Kyung ၊Korea Importers

  Association ( KOIMA ) ဥက္ကဌ Mr. Myoung- Jin Shin ဦးဆောင်သည့်  ကိုရီးယားနိုင်ငံမှ စီးပွားရေးလုပ်ငန်းရှင်များ၊ 

 စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊  မြန်မာကုန်သွယ်မှု မြှင့်တင်ရေးအဖွဲ့မှ ညွှန်ကြားရေးမှူးချုပ် ဦးအောင်စိုး၊

 ညွှန်ကြားရေးမှူး ဒေါ်နော်မူတာကပေါနှင့် တာဝန်ရှိသူများ၊ ပြည်ထောင်စုသမ္မတမြန်မာနိုင်ငံကုန်သည်များ နှင့်စက်မှုလက်မှု

  လုပ်ငန်းရှင်များအသင်းချုပ်မှ ဒုတိယဥက္ကဌ ဦးမျိုးသက်၊  မြန်မာနိုင်ငံစက်မှုကုန်ထုတ်လုပ်သူများ အသင်းမှ တာဝန်ရှိသူများ၊

  မြန်မာနိုင်ငံစားသောက်ကုန်ထုတ်လုပ်တင်ပို့ ရောင်းချသူများအသင်းမှ တာဝန်ရှိသူများ၊ မြန်မာနိုင်ငံလက်မှုအနုပညာ

  လုပ်ငန်းရှင်များအသင်းမှ တာဝန်ရှိသူများ၊ ပဲမျိုးစုံနှင့်နှမ်းကုန်သည်များအသင်း၊ ရေထွက်ကုန်ပစ္စည်းထုတ်လုပ်သူများနှင့်

  ပို့ကုန်လုပ်ငန်းရှင်များအသင်း၊ သစ်လုပ်ငန်းရှင်များအသင်း၊ ရာဘာစိုက်ပျိုးထုတ်လုပ်သူများအသင်း၊ မြန်မာနိုင်ငံကြက်သွန်နီ၊

  ကြက်သွန်ဖြူနှင့်စားဖိုချောင်သီးနှံစိုက်ပျိုးထုတ်လုပ် ရောင်းချသူများအသင်းမှ တာဝန်ရှိသူများနှင့် ဧည့်သည်တော်များ အပါအဝင်

  စုစုပေါင်း ( ၁၄၀ ) ဦးခန့် တက်ရောက် ခဲ့ကြပါသည်။

            အလုပ်ရုံဆွေးနွေးပွဲတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊  မြန်မာကုန်သွယ်မှုမြှင့်တင်ရေးအဖွဲ့မှ

  ညွှန်ကြားရေးမှူးချုပ် ဦးအောင်စိုး၊ ကိုရီးယားနိုင်ငံမှ သံအမတ်ကြီး H.E. Mr. Yoo Jae Kyung ၊  Korea Importers Association

  ( KOIMA )မှ Mr. Myoung Jin Shin နှင့် UMFCCI မှ ဒုတိယဥက္ကဌ၊ ဒေါက်တာမျိုးသက် တို့မှ ကြိုဆိုနှုတ်ခွန်းဆက်စကားနှင့် 

  အဖွင့်အမှာစကားများကို အသီးသီးပြောကြားခဲ့ပါသည်။ ဆက်လက်၍ MYANTRADE မှ ညွှန်ကြားရေးမှူး ဒေါ်နော်မူတာကပေါမှ

  “MYANTRADE” နှင့် ပတ်သက်သည့် အကြောင်းအရာများကို Power Point များဖြင့် ရှင်းလင်းတင်ပြခဲ့ပါသည်။ နေ့လည် (၁၄:၀၀)

  နာရီမှ (၁၇:၀၀) နာရီအထိ  ကိုရီးယားနှင့် မြန်မာ စီးပွားရေး လုပ်ငန်းရှင်များအကြား  စီးပွားရေးတွေ့ဆုံပွဲများ ပြုလုပ်ခဲ့ကြပါသည်။

Myanmar- Korea Business Forum & Seminar (B2B) ပွဲသို့ မြန်မာလုပ်ငန်းရှင် (၁၀၀) ဦးခန့် တက်ရောက်ခဲ့ကြပါသည်။

EU Helpdesk ဖွင့်ပွဲအခမ်းအနားအား ရန်ကုန်မြို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊

ဒုတိယထပ်ရှိ GIZ ရုံးခန်း၌ နံနက်(၁၀)နာရီတွင် စတင်ဖွင့်လှစ်ခဲ့ပါသည်။

 ဖွင့်ပွဲအခမ်းအနားကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန(MYANTRADE) မှ

  ခေတ္တညွှန်ကြားရေးမှူးချုပ် ဦးအောင်စိုးနှင့် တာဝန်ရှိသူများ၊ Mr. Fritz Hendriks ၊ Team Leader of TDP ၊

  Mr Lorenzo Pascotto ၊  Programmer Officer EU Delegation in Myanmar ၊ Mr. Filip A.

 Lauwerysen ၊ Executive Director from EuroCham Myanmar, Mr. Steffen Grammling နှင့်

 နိုင်ငံတကာအဖွဲ့အစည်းများဖြစ်သည့် ပြင်သစ် CCI ၊ KOTRA ၊   JETRO ၊ JICA တို့မှ တာဝန်ရှိသူများနှင့်

 ဖိတ်ကြားထားသည့် ဧည့်သည်တော်များ  တက်ရောက်ခဲ့ကြပါသည်။

 အခမ်းအနားတွင် Trade Development Programme ၏ Team Leader Mr. Fritz Hendriks ၊

 စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှု မြှင့်တင်ရေးအဖွဲ့ ခေတ္တညွှန်ကြားရေးမှူးချုပ်

 ဦးအောင်စိုး ၊ မြန်မာနိုင်ငံဆိုင်ရာ ဥရောပ သမဂ္ဂကိုယ်စားလှယ် Programee Officer Mr. Lorenzo Pascotto နှင့်

EuroCham Myanmar မှ အမှုဆောင်ညွှန်ကြားရေးမှူး Mr. Filip A. Lauwerysen တို့က အမှာစကားများ

 အသီးသီးပြောကြားခဲ့ပါသည်။

ယခုကဲ့သို့ EU Helpdesk  ဖွင့်လှစ်ခြင်းအားဖြင့် ဥရောပသမဂ္ဂသို့ ကုန်ပစ္စည်း တင်ပို့နေသည့်

လုပ်ငန်းရှင်များနှင့် စိတ်ပါဝင်စားသူများ၊ အသေးစားနှင့်အလတ် စား စီးပွားရေးလုပ်ငန်းရှင်များအနေဖြင့်

သိရှိလိုသော ဥရောပသမဂ္ဂဈေးကွက် သတင်းအချက်အလက်များကို အဆိုပါ Helpdesk  ပံ့ပိုးဖြန့်ဝေပေးမည်

 ဖြစ်သဖြင့် လုပ်ငန်းရှင်များအနေဖြင့် ပို့ကုန်တင်ပို့ရာတွင် အတိုင်းအတာတစ်ခုအထိ အကူအညီများ

ရရှိမည်ဖြစ်ပါသည်။

၂၀၁၆ ခုနှစ်၊ မေလ ၂၅ ရက်နေ့(ဗုဒ္ဓဟူးနေ့)တွင် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ ပထမအကြိမ် မြန်မာ - တရုတ်(တိုင်ပေ) ဒုတိယညွှန်ကြားရေးမှူးချုပ်အဆင့် အစည်းအဝေးကို ကျင်းပခဲ့ပါသည်။
အစည်းအဝေးကျင်းပရခြင်း၏ ရည်ရွယ်ချက်မှာ ၂၀၁၅ ခုနှစ်၊ စက်တင်ဘာလတွင် ကျင်းပ ပြုလုပ်ခဲ့သည့်  ပထမအကြိမ်၊ ညွှန်ကြားရေးမှူးချုပ်အဆင့် ကုန်သွယ်ရေးဆွေးနွေးပွဲမှ နောက်ဆက်တွဲ အ ကြောင်းအရာများအပေါ်  ပြန်လည်သုံးသပ်ဆွေးနွေးရန်ဖြစ်ပြီး မြန်မာကုန်သွယ်မှုမြှင့်တင်ရေးအဖွဲ့မှ ညွှန်ကြားရေးမှူးချုပ် (တာဝန်) ဦးအောင်စိုး ဦးဆောင်၍   ဒုတိယညွှန်ကြားရေးမှူးချုပ်  ဦးဦးဟန်၊ ရင်းနှီး မြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန၊ အကောက်ခွန်ဦးစီးဌာန၊ စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန၊ ပညာရေးဝန်ကြီးဌာနများမှ ဒုတိယညွှန်ကြားရေးမှူးချုပ်နှင့် တာဝန်ရှိသူ (၂၇) ဦးနှင့် တရုတ်(တိုင်ပေ) စီးပွားရေးဝန်ကြီးဌာန၊ နိုင်ငံခြားကုန်သွယ်မှုဗျုရိုမှ ဒုတိယညွှန်ကြား ရေးမှူးချုပ် Ms. Shu-Mei Yang ဦးဆောင်သောအဖွဲ့ဝင် (၁၆) ဦးတို့ တက်ရောက်ဆွေးနွေး ခဲ့ကြပါသည်။
အစည်းအဝေးတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပညာရေးဝန်ကြီးဌာနတို့ နှင့် နှစ်နိုင်ငံကြား ပူးပေါင်းဆောင်ရွက်ရန် MOU များ ရေးထိုးရေးအတွက် ဆွေးနွေးခဲ့ကြပြီး တရုတ်(တိုင်ပေ) ရှိ International Economic Affairs  မှ မြန်မာနိုင်ငံအတွက် အရာထမ်း(၂)ဦးအား ပညာသင်ဆုပေးမည်ဖြစ်ကြောင်း ဆွေးနွေးခဲ့ကြပါသည်။

အမျိုးသားပို့ကုန်မဟာဗျူဟာ၏ ကဏ္ဍအလိုက် ရုံးအဖွဲ့များနှင့် အပါတ်စဉ်ပုံမှန်ညှိနှိုင်းဆွေးနွေးခြင်း အစည်းအဝေးကို (၂၃.၅.၂၀၁၆) ရက် နံနက် (၁၀း၃၀) နာရီ မှ နေ့လည် (၁၂း၀၀)နာရီထိ နာရီထိ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ရန်ကုန်တိုင်းဒေသကြီးရုံး   ပဉ္စမထပ်ရှိ အမျိုးသားပို့ကုန်မဟာဗျူဟာ အကောင်အထည်ဖော်ရေး စီမံခန့်ခွဲမှုဗဟိုဌာန အစည်းအဝေးခန်းတွင် ကျင်းပပြုလုပ်ခဲ့ပါ  သည်။

အဆိုပါအစည်းအဝေးတွင် ဒုတိယညွှန်ကြားရေးမှူးမှ အမျိုးသားပို့ကုန်မဟာဗျူဟာကဏ္ဍအလိုက် ရုံးအဖွဲ့နှင့် ဆက်စပ်ဝန်ကြီးဌာန အသင်းအဖွဲ့များမှ ကိုယ်စားလှယ်များအား NES Action Plans များကို ဖတ်ကြားရန်မှာကြားပြီး၊ ITC မှ အကြံပေးပုဂ္ဂိုလ်က   ထိထိရောက်ရောက် ဆောင်ရွက်နိုင်မည့် လုပ်ငန်းဆောင်ရွက်ချက်များကို သက်ဆိုင်ရာ ဝန်ကြီးဌာနများ၏ အမှုထမ်းအရာထမ်းများနှင့် စီးပွားကူးသန်းဝန်ထမ်းများအား  ရှင်းလင်းပြောကြားဆွေးနွေးသွားပါသည်။ ဝန်ထမ်းများကလည်း မိမိတို့သိလိုသည်များကို ပြန်လည်ဆွေးနွေးမေးမြန်းခဲ့ကြပါသည်။

အစည်းအဝေးသို့ မြန်မာကုန်သွယ်မှုမြှင့်တင်ရေးအဖွဲ့မှ ဒုတိယညွှန်ကြားရေးမှူး (၁) ဦး၊ ITC မှ အကြံပေးပုဂ္ဂိုလ် (၁) ဦးနှင့် ကဏ္ဍအလိုက် တာဝန်ရှိသူများ၊ သက်ဆိုင်ရာဝန် ကြီးဌာနမှ ကိုယ်စားလှယ်များ စုစုပေါင်း (၉)ဦးခန့် တက်ရောက်ခဲ့ကြပါသည်။

ဂျပန်နိုင်ငံ၊ နာဂိုရာမြို့တွင် MESSE NAGOYA 2016 စက်မှု ကုန်စည်ပြပွဲကို ၂၀၁၆ ခုနှစ်၊ အောက်တိုဘာလ (၂၆) ရက်နေ့မှ (၂၉) ရက်နေ့အထိ ကျင်းပပြု လုပ်မည် ဖြစ်ပါသည်။ အဆိုပါ စက်မှု ကုန်စည်ပြပွဲသို့ မြန်မာနိုင်ငံမှ ကုမ္ပဏီများ ပါဝင်ပြသရန် နာဂိုရာ ကုန်သည်များနှင့် စက်မှု လက်မှု လုပ်ငန်းရှင် များ အသင်းချုပ်မှ ဖိတ်ကြားလာ ပါသည်။

အဆိုပါ ကုန်စည်ပြပွဲသည် ဂျပန်နိုင်ငံရှိ ကုန်စည်ပြပွဲများတွင် အကြီးဆုံး တစ်ခုဖြစ်ပြီး၊ နာဂိုရာ ကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်နှင့် Aichi Prefectural Government ၊  City of Nagoya တို့ ပူးပေါင်းဆောင်ရွက်ခြင်းဖြစ်ပြီး ပြပွဲကာလတွင် Seminar များ၊ Business Matching များ ပြုလုပ်ရန် စီစဉ်ထားပါသည်။

ကုန်စည်ပြပွဲ္ပ၌ ပါဝင်ပြသခြင်းဖြင့် မြန်မာနိုင်ငံ ရှိ ကုမ္ပဏီများ သည် နိုင်ငံတကာမှ လုပ်ငန်းရှင်များနှင့် စီးပွားရေးချိတ်ဆက်နိုင်မှုများ ရရှိနိုင်မည်ဖြစ်ပါသည်။ မြန်မာနိုင်ငံမှ လာရောက်ပြသမည့် ကုမ္ပဏီများအား ပြခန်းနေရာအတွက် စီစဉ်ပေးမည်ဖြစ်ပြီး၊ ကုန်ကျစရိတ်ကို လာရောက်ပြသမည့် ကုမ္ပဏီ မှ ကျခံရမည်ဖြစ် ပါသည်။ ပြခန်းတစ်ခန်းလျှင် ဂျပန်ယန်း (၁၆၂၀၀၀) ပေးချေရမည်ဖြစ်ပါသည်။ လေ့လာသူ အနေနှင့်လည်း သွားရောက်လေ့လာနိုင်ပါသည်။

သို့ဖြစ်ပါ၍ စိတ်ပါဝင်စားသူ စီးပွားရေး လုပ်ငန်းရှင်များ၊ တက်ရောက်လိုသည့် ကုမ္ပဏီ၊ လုပ်ငန်းရှင်များအနေဖြင့် မြန်မာကုန်သွယ်မှုဗဟိုဌာန၊ ကုန်သွယ်မှု မြှင့်တင်ရေးအဖွဲ့၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ အမှတ်- ၂၂၈-၂၄၀၊ ရွှေဘုံသာလမ်းနှင့် ကမ်းနားလမ်းထောင့်၊ ရန်ကုန်မြို့၊ ဖုန်း- ၀၁ ၂၅၄၀၂၄၊ ဖက်စ်- ၀၁ ၂၅၄၀၂၃၊

 Email:[email protected] (link sends e-mail) သို့ ဆက်သွယ်နိုင်ပါကြောင်း သတင်းကောင်းပါးအပ်ပါသည်။

MORE COMETIC CREATION နှင့် 981 Creative Myanmar Co.,Ltd တို့ MOU

လက်မှတ်ရေးထိုးခြင်းနှင့် အလှကုန်ပစ္စည်းသစ်မိတ်ဆက်ပွဲကို ရန်ကုန်မြို့ Chatrium Hotel ၌

၂၀၁၆ ခုနှစ်၊ ဇန်နဝါရီလ ၈ ရက်နေ့ နံနက် (၁၀:၃၀)နာရီတွင်  ကျင်းပပြုလုပ်ခဲ့ပါသည်။

           အဆိုပါ အလှကုန်ပစ္စည်းသစ် အခမ်းအနားတွင် စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ 

ကုန်သွယ်မှုမြှင့်တင်ရေးနှင့် စားသုံးသူရေးရာဦးစီးဌာနမှ ဒုတိယညွှန်ကြားရေးမှူးချုပ် ဦးအောင်စိုး၊

ထိုင်းစီးပွားရေးသံမှူး Mr. Pakainay Leng-EE ၊ SME Development မှ ညွှန်ကြားရေးမှူး ဦးအောင်မျိုးခိုင်၊

981 Creative Myanmar Co.,Ltd မှ Deputy Managing Director Mr. Earth ၊ MORE COMETIC

CREATION မှ ထုတ်လုပ်မှုပညာရှင် တို့မှကြိုဆိုနှုတ်ခွန်းဆက်စကားနှင့် အဖွင့်အမှာစကားများကို

အသီးသီးပြောကြားခဲ့ပါသည်။ MORE COMETIC CREATION မှ အသက် (၂၀) နှင့် (၅၅) နှစ်ကြား

အမျိုးသမီးများအတွက် ရည်ရွယ် ၍ ဆံပင်နှင့် ကိုယ်ခန္ဓာအလှအပနှင့် သက်ဆိုင်သည့် အလှကုန်ပစ္စည်းများကို

OME စနစ်ဖြင့် ၂၀၁၄ ခုနှစ်မှတည်ထောင်၍ စတင်ထုတ်လုပ်ခဲ့ပါသည်။ ဆက်လက်ပြီး အလှကုန်ပစ္စည်းများ

ထုတ်လုပ်မှု၊ ဈေးကွက် အရည်အသွေးနှင့် ပတ်သက်သည့် အကြောင်းအရာများကို (Power Point) များဖြင့်

ရှင်းလင်းတင်ပြခဲ့ပါသည်။

            အခမ်းအနားသို့ ဖိတ်ကြားထားသည့် ဧည့်သည်တော် ( ၅၀ ) ဦးခန့် တက်ရောက်ခဲ့ကြပြီး

နေ့လည် (၁၁:၃၀) နာရီတွင် အခမ်းအနားကို အောင်မြင်စွာဖြင့် ရုပ်သိမ်းခဲ့ပါသည်။

၂၀၁၂ ခုနှစ် ဒီဇင်ဘာလ ၁၂ ရက် ရက်စွဲပါအမိန့်ကြော်ငြာစာ (၉၇/၂၀၁၂) ဖြင့် ဖွဲ့စည်းခဲ့သော တရားမဝင် ကုန်သွယ်မှုတားဆီးထိန်းချုပ်ရေးဗဟိုကော်မတီအား ၂၀၁၅ ခုနှစ် ဒီဇင်ဘာလ ၃၀ ရက်မှစ၍ ဖျက်သိမ်းကြောင်း နိုင်ငံတော်သမ္မတရုံးရဲ့ ဒီဇင်ဘာလ ၃၀ ရက်စွဲပါ အမိန့်ကြော်ငြာစာဖြင့် ထုတ်ပြန်ကြေညာလိုက်တယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သတင်းရရှိပါတယ်။
မိုဘိုင်းအဖွဲ့အားလုံးရဲ့ ဆောင်ရွက်မှုလုပ်ငန်းများအား ၂၀၁၅ ခုနှစ် ဒီဇင်ဘာလ ၃၀ ရက် ၁၆းဝ၀ နာရီ အချိန်မှစ၍ ရပ်ဆိုင်းရန်နဲ့ မိုဘိုင်းအဖွဲ့အားလုံးအား ဖျက်သိမ်းသွားရန် စီးပွားကူးသန်းဝန်ကြီးရုံးမှ ဒီဇင်ဘာလ ၃၀ ရက် ရက်စွဲပါစာနဲ့ ထပ်ဆင့်ညွှန်ကြားထားပြီးဖြစ်တယ်လို့သိရပါတယ်။

တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့၊ စောဂျက်ဟိုတယ်ခန်းမ၌ ဒီဇင်ဘာလ(၂၉) ရက်နေ့တွင် ကုန်သွယ်မှုမြှင့်တင်ရေးနှင့်စားသုံးသူရေးရာဦးစီးဌာနမှ ဦးဆောင်ကျင်းပပြုလုပ်သည့် အလုပ်ရုံဆွေးနွေးပွဲသို့ ဖိတ်ကြားထားတဲ့ ဌာနဆိုင်ရာအသီးသီးမှ ပုဂ္ဂိုလ်များ၊ အသင်းအဖွဲ့ အသီးသီးနဲ့ စိတ်ပါဝင်စားသူ(၁၅၀)ဦးခန့် တက်ရောက်ခဲ့ကြပါသည်။

အလုပ်ရုံဆွေးနွေးပွဲကို စောဂျက်ဟိုတယ်ခန်းမတွင် ၂၀၁၅ ခုနှစ်၊ ဒီဇင်ဘာလ(၂၉)ရက်နေ့၊ မွန်းလွဲ(၁၃:ဝဝ)နာရီအချိန်တွင် စတင်ခဲ့ရာ ခရိုင်အထွေထွေအုပ်ချုပ်ရေးဦးစီးဌာန၊ ခရိုင်အုပ်ချုပ် ရေးမှူးမှ အဖွင့်အမှာစကားပြောကြားပြီး ကုန်သွယ်မှုမြှင့်တင်ရေးနှင့် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးကျော်စွာဝင်းမှ အမျိုးသားပို့ကုန်မဟာဗျူဟာ(NES) လုပ်ငန်းအကြောင်း ကိုလည်းကောင်း၊ ကုန်သွယ်ရေးဦးစီးဌာန၊ ကုန်သွယ်ရေးစခန်း(မြိတ်)မှ ဒုတိယညွှန်ကြားရေးမှူး ဦးဖေကြိုင် မှ (AEC)နှင့် ကုန်သွယ်မှုရေးရာလုပ်ငန်းအကြောင်းကိုလည်းကောင်း၊ ခရိုင်ငါး လုပ်ငန်းဦးစီးဌာန၊ ခရိုင်ဦးစီးမှူးဦးစိန်သောင်းမှ ရေမြေသယံဇာတ ထိန်းသိမ်းရေးနှင့် ငါးလုပ်ငန်း ကဏ္ဍဖွံ့ဖြိုးတိုးတက်ရေး အခြေအနေအားလည်းကောင်း၊ ခရိုင်စက်မှုသီးနှံဖွံ့ဖြိုးရေးဦးစီးဌာန၊ ခရိုင်ဦးစီးမှူးဒေါ်စောရီမှ ရော်ဘာထွက်ကုန်များ ဈေးနှုန်းပိုမိုရရှိရေးကဏ္ဍတို့ကို ဆွေးနွေးခဲ့ပြီး တက်ရောက်လာသူများမှ သိရှိလိုသည်များကိုမေးမြန်းရာ သက်ဆိုင်ရာတာဝန်ရှိသူများမှ ပြန်လည် ဖြေကြား ရှင်းလင်းခဲ့ကြောင်း သတင်းရရှိပါသည်။

ပုဂ္ဂလိက ကဏ္ဍဖွံ့ဖြိုးတိုးတက်ရေးဆပ်ကော်မတီ၏ အစီအစဉ်အရ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ အမျိုးသားစီမံကိန်းနဲ့ စီးပွားရေးဖွံ့ဖြိုးတိုးတက်မှုဝန်ကြီးဌာန၊ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များအသင်း၊ ပုဂ္ဂလိက စီးပွားရေးအသင်းအဖွဲ့များနဲ့ Asian Development Bank (ADB) တို့ ပူးပေါင်းပါဝင်သော ပုဂ္ဂလိက ကဏ္ဍဖွံ့ဖြိုးတိုးတက်ရေးအတွက် မူဘောင်များချမှတ်ခြင်းနဲ့ အစီအစဉ်များရေးဆွဲခြင်းဆိုင်ရာ ဆွေးနွေးပွဲကို ဒီဇင်ဘာလ ၂၃ ရက်နေ့ နံနက် ဝ၉း၃၀ ချိန်က UMFCCI ရှိ တတိယထပ် အစည်းအဝေးခန်းမမှာ ကျင်းပပြုလုပ်ခဲ့တယ်လို့ သတင်းရရှိပါတယ်။

အစည်းအဝေးသို့ ကုမ္ပဏီများ မှတ်ပုံတင်ခြင်းနဲ့ ရင်းနှီးမြှုပ်နှံမှုကော်မရှင်မှ ညွှန်ကြားရေးမှူးချုပ် ဦးအောင်နိုင်ဦး နဲ့တာဝန်ရှိသူများ၊ ကုန်သွယ်မှုမြှင့်တင်ရေးနှင့်စားသုံးသူရေးရာဦးစီးဌာနမှ တာဝန်ရှိသူများ၊ Asian Development Bank မှ Principle Country Specialist Mr.Peter J.Brimble , MBI - Asian Development Bank မှ Myanmar Country Manager    ဦးတင်ထွဋ်ဝင်း၊ UMFCCI မှ ဒုတိယဥက္ကဋ္ဌ ဦးဇော်မင်းဝင်းနဲ့ ပုဂ္ဂလိက အသင်းအဖွဲ့များမှ တက်ရောက်ခဲ့ကြပါတယ်။

ပုဂ္ဂလိက ကဏ္ဍဖွံ့ဖြိုးတိုးတက်ရေးရဲ့ အဓိက လုပ်ဆောင်ချက်ကတော့ တည်ဆဲ ဥပဒေ ၊ အမြင်၊ မူဝါဒများကို ပြုပြင်ဖို့နဲ့ စဉ်းစားတွေးခေါ်ခြင်းများ၊ နိုင်ငံတကာနှင့် ပူးပေါင်းလုပ်ဆောင်ခြင်းများကို သင်ကြားပေးခြင်းများ ပြုလုပ် ပေးမှာဖြစ်ပါတယ်။ အဓိက လုပ်ဆောင်မဲ့အချက် ၅ ချက်ကတော့ ဥပဒေနဲ့ လုပ်ထုံးလုပ်နည်း၊ စည်းမျဉ်း စည်းကမ်းများ ကိုတိုးတက်အောင်လုပ်ရန်၊ ငွေရေးကြေးရေး၊ ရန်ပုံငွေကိစ္စအတွက် ဆောင်ရွက်ရန်၊ ကုန်သွယ်မှုနဲ့ ရင်းနှီးမြှုပ်နှံမှုဆိုင်ရာ ကိစ္စဖွံ့ဖြိုးတိုးတက်စေရန်၊ ပုဂ္ဂလိက ကဏ္ဍအတွက် State Own Enterprise and Private Public Partnership (SOE and  P P P) ကဏ္ဍဆောင်ရွက်ရန်၊ လူသားအရင်းအမြစ် ဖွံ့ဖြိုး တိုးတက်လာစေရန် တို့အတွက် ဖြစ်ပါတယ်။

ဖေါ်ပြပါ အချက်များကို တစ်ချက်ချင်းစီ အသေးစိတ်ဆွေးနွေးမှုများ ပြုလုပ်ပြီး တက်ရောက်လာသူများ ကလည်း လက်ရှိဖြစ်ပေါ်နေတဲ့ အခက်အခဲများကို ဖြေရှင်းရန် နည်းလမ်းများ အကြံပြုဆွေးနွေးခဲ့ကြတယ်လို့ သတင်းရရှိပါတယ်။ အလားတူ ဆွေးနွေးပွဲကို ဒီဇင်ဘာလ ၂၁ ရက်နေ့က မန္တလေးမှာ ကျင်းပခဲ့တယ်လို့လည်း သိရပြီး ဆက်လက်၍လည်း ဆောင်ရွက်သွားရန်ရှိကြောင်းသိရပါတယ်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်မှုမြှင့်တင်ရေးနှင်စားသုံးသူရေးရာဦးစီးဌာန ညွှန်ကြားရေးမှူးချုပ် ဦးလှမော်ဦးသည် ဂျပန်နိုင်ငံ ပတ်ဝန်းကျင်ထိန်းသိမ်းရေးဆိုင်ရာ ဝန်ကြီးဌာနမှ ကာဗွန်လျော့ချထုတ်လုပ်မှုနည်းပညာဆိုင်ရာ စီမံကိန်းအကူအညီပေးမည့်  ကိစ္စများနှင့်ပက်သက်၍  လာရောက်တွေ့ဆုံသည့်   KANSO Technos မှ တာဝန်ရှိသူများအား(၂၂.၁၂.၂၀၁၅) ရက်နေ့တွင်  လက်ခံတွေ့ဆုံခဲ့ပါသည်။

Pages