သစ်သီးဝလံနှင့်ပန်းမန်ပြည်ပပို့ကုန် မြှင့်တင်ရေး အလုပ်ရုံဆွေးနွေးပွဲ ကျင်းပ

သစ်သီးဝလံနှင့် ပန်းမန်များ ပြည်ပသို့ တိုးမြှင့်တင်ပို့နိုင်ပြီး ပြည်ပပို့ကုန်ဝင်ငွေတိုးတက် ရရှိရေးအတွက် စိုက်ပျိုး ထုတ်လုပ်သူ များနှင့် ပြည်ပသို့ တင်ပို့ရောင်းချသူများမှ နည်းပညာများနှင့် အသိအမြင်များရရှိပြီး စိုက်ပျိုးထုတ်လုပ်ခြင်းနှင့် တင်ပို့ရောင်းချခြင်း လုပ်ငန်းများ အဆင်ပြေ ချောမွေ့စွာ ဆောင်ရွက်သွားနိုင်ကြရန် ရည်ရွယ်လျက် သစ်သီးဝလံနှင့် ပန်းမန်ပြည်ပပို့ကုန်မြှင့်တင်ရေး အလုပ်ရုံဆွေးနွေးပွဲကို ယနေ့နံနက် ဝ၉းဝဝ အချိန်က နေပြည်တော်၊ စီးပွားရေးနှင့် ကူးသန်းရောင်း ဝယ်ရေးဝန်ကြီးဌာနတွင် ကျင်းပပြလုပ်ရာ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးဝင်းမြင့်၊ ဒုတိယဝန်ကြီး ဒေါက်တာပွင့်ဆန်းနှင့် ဌာနဆိုင်ရာများမှ တာဝန်ရှိသူများ၊ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက်စိုက်ပျို းထုတ် လုပ်တင်ပို့ ရောင်းချသူများအသင်း ဥက္ကဌနှင့် ဗဟိုအလုပ်အမှုဆောင်များ၊ တိုင်းဒေသကြီး/ပြည်နယ် အသင်းများမှ တာဝန်ရှိသူများ၊ စာတမ်းရှင်များနှင့် သစ်သီးဝလံ၊ ပန်းမန် စိုက်ပျို း ထုတ်လုပ် တင်ပို့ ရောင်းချသူများ တက်ရောက်ကြသည်။ အလုပ်ရုံဆွေးနွေးပွဲတွင် ပြည်ထောင်စုဝန်ကြီးက အမှာစကားပြောကြားခဲ့ရာ စီးပွားရေး နှင့် ကူးသန်းရောင်းဝယ်ရေးဝန်ကြီးဌာနသည် သစ်သီးဝလံ၊ ပန်းမန်နှင့် ဟင်းသီးဟင်းရွက်များ တိုးချဲ့ စိုက်ပျိုးထုတ်လုပ်ရေး၊ ပြည်ပသို့ တိုးမြှင့်တင်ပို့ရေးနှင့် ဈေးကွက်ရှာဖွေရေးလုပ်ငန်းများကို မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်းနှင့် ဌာနဆိုင်ရာများဖြင့် ပူးပေါင်းဆောင်ရွက်ပေး လျက်ရှိကြောင်း၊ သစ်သီးဝလံနှင့် ဟင်းသီးဟင်းရွက်ကဏ္ဍဖွံ့ဖြိုးတိုးတက်ရေးအတွက် စိုက်ပျို းထုတ်လုပ်မှုနှင့် အရောင်းအဝယ်ဈေးကွက်ကြီးမားသည့် ဒေသများ တွင် သရက်သီးဇုန်၊ အားလူးဇုန်၊ ဂေါ်ဖီဇုန်၊ လက်ဖက်ဇုန်၊ ပန်းမန်ဇုန် အစရှိသည့် သီးနှံဇုန်များအပြင် သီးနှံအစု အဖွဲ့များကို ဒေသအလိုက် ဖွဲ့စည်း ဆောင်ရွက်ပေးလျက်လည်း ရှိကြောင်း၊ သီးနှံအစုအဖွဲ့များ၊ သီးနှံဇုန်များ ဆက်လက်ရှင်သန်ဖွံ့ဖြိုးတိုးတက်ရန်နှင့် အသင်းအဖွဲ့များ ပိုမို အားကောင်းခိုင်မာရေး တို့ကို ဌာနဆိုင်ရာများ၊ အသင်းအဖွဲ့များက ဆက်လက်ကြိုးပမ်းအကောင်အထည်ဖော်သွားကြရန် လိုအပ်ကြောင်း၊ အသင်းအဖွဲ့များအတွင်း အချင်းချင်း စည်လုံးညီညွတ်မှုရှိရေး၊ ပူးပေါင်းဆောင်ရွက်နိုင်ရေးနှင့် တိုင်ပင်ညှိနှိုင်းမှုများကို အလေးထား လုပ်ဆောင်သွားကြ ရမှာ ဖြစ်ကြောင်း၊ သရက်သီး၊ ဖရဲသီး၊ သခွားမွှေး အစရှိသည့် သစ်သီးဝလံများကို စိုက်ပျိုးထုတ်လုပ်သည်မှ ပြည်တွင်း/ပြည်ပသို့ တင်ပို့ရောင်းချသည်အထိ လုပ်ငန်းစဉ်တစ်ရပ်လုံးအပေါ် ပြု ပြင်ပြောင်းလဲမှုနှင့် အဆင့်မြှင့်တင် ဆောင်ရွက်ပေးနိုင် ခဲ့မှုများကြောင့် ဈေးနှုန်းများ ပိုမိုရရှိလာခဲ့သလို၊ ဈေးကွက်လည်း ရရှိလာသည့် အတွက် တစ်နှစ်ထက်တစ်နှစ် ထုတ်လုပ်တင်ပို့မှုများ တိုးတက်လာခဲ့ကြောင်း၊ သစ်သီးဝလံ၊ ပန်းမန်စိုက်ပျိုးထုတ်လုပ် သူများ၏ လူနေမှုဘဝတိုးမြှင့်ပေးနိုင်ရေး၊   ရောင်းဝယ်ဖောက်ကားသူများမှ ခေတ်နှင့်အညီ ထုပ်ပိုး၊ ပြု ပြင်တင်ပို့ရောင်းချနိင်ရေးနှင့် သစ်သီးဝလံ၊ ပန်းမန်ကဏ္ဍကြီးတစ်ခုလုံး ဖွံ့ဖြိုးတိုးတက်စေရေးတို့အတွက် ယခုအလုပ်ရုံဆွေးနွေးပွဲကြီးမှ ဆွေးနွေးဖော်ထုတ်ပေးကြစေ လိုကြောင်း ပြောကြားခဲ့သည်။ ဆက်လက်၍ ကုန်သွယ်မှုမြှင့်တင်ရေးနှင့် စားသုံးသူရေးရာဦးစီးဌာန ညွှန်ကြားရေးမှူ းချူပ် ဦးလှမော်ဦးနှင့် မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျို းထုတ်လုပ် တင်ပို့ရာင်းချသူများ အသင်း ဥက္ကဌ ဦးစိုးသန်းမင်းဒင်တို့က ဆွေးနွေးတင်ပြကြပြီး၊ ဌာနဆိုင်ရာများနှင့် ဌာနဆိုင်ရာများနှင့် အသင်းအဖွဲ့များမှ စာတမ်းရှင်များက စာတမ်း(၄)စောင်ကို ဖတ်ကြားတင်ပြကြသည်။ ထိုနောက် စာတမ်းရှင်များ၏ တင်ပြချက်များအပေါ် စားပွဲဝိုင်းဆွေးနွေးပွဲများ ဆက်လက် ပြုလုပ်၍ ဆွေးနွေးဖော်ထုတ်ချက်များကို သဘာပတိမှ ရှင်းလင်းဆွေးနွေးပြီး အလုပ်ရုံဆွေးနွေးပွဲကို ညနေ ၁၆း၄၅ အချိန်တွင် ရပ်နားခဲ့ကြောင်း သတင်းရရှိတယ်။