မူဆယ် (၁၀၅မိုင်) ကုန်သွယ်ရေးဇုန်မှာ ကုမ္ပဏီကိုယ်စားလှယ်များ ပို့ကုန်သွင်းကုန်လုပ်ငန်းဆောင်ရွက်မှု သင်တန်း၂/၂၀၀၈ ဖွင့်လှစ်။

ကုမ္ပဏီကိုယ်စားလှယ်များ ပို့ကုန်သွင်းကုန်လုပ်ငန်းဆောင်ရွက်မှုသင်တန်း ၂/၂၀၀၈ ကို မူဆယ် (၁၀၅)မိုင် ကုန်သွယ်ရေးဇုန်မှာ ၂၀၀၈ ခုနှစ် စက်တင်ဘာလ ၁၅ ရက်နေ့က စတင်ဖွင့်လှစ်ခဲ့ပါတယ်။
သင်တန်းကို သင်တန်းသား ၁၇၀ ဦးတက်ရောက်ခဲ့ကြပြီး သင်တန်းကာလကတော့ ၁၅-၉-၂၀၀၈ မှ ၂၄-၉-၂၀၀၈ ထိ (၁၀)ရက်တာ ကြာမြင့်မှာဖြစ်ပါတယ်။ သင်တန်းမှာ နယ်စပ်ကုန်သွယ်ရေးဆိုင်ရာ လုပ်ထုံး လုပ်နည်းများ၊ ပို့ကုန်သွင်းကုန်လိုင်စင်လျှောက်ထားမှုဆိုင်ရာများ၊ Border Trade Online System၊ ပို့ကုန်သွင်းကုန် ယာဉ်စစ်ဆေးရေး ဆိုင်ရာများကို နယ်စပ်ကုန်သွယ်ရေးဦးစီးဌာန၊ အကောက်ခွန်ဦးစီးဌာန၊ ပြည်တွင်းအခွန်များ ဦးစီးဌာန၊ လူဝင်မှုကြီးကြပ်ရေးနှင့်မှတ်ပုံတင်ရေးဦးစီးဌာနတို့မှ တာဝန်ရှိသူများက စာတွေ့လက်တွေ့ လုပ်ငန်းခွင်နှင့် ယှဉ်၍ ပို့ချပေးသွားမှာ ဖြစ်တယ်လို့ သတင်းရရှိပါတယ်။
သင်တန်းဖွင့်ပွဲအခမ်းအနားမှာ မူဆယ်(၁၀၅မိုင်) နယ်စပ်ကုန်သွယ်ရေးစခန်းတာဝန်ခံနှင့် မူဆယ်-နမ့်ခမ်း ကုန်သည်အသင်းဥက္ကဌတို့မှ သင်တန်းဖွင့်လှစ်ပို့ချရခြင်း အကြောင်း များကို ရှင်းလင်းပြောကြားခဲ့ပါတယ်။

Source: နကသ(မူဆယ်)
မင်းအောင်အေး