မူဆယ် ၁၀၅ မိုင် ကုန်သွယ်ရေးဇုန်မှာ ကုမ္ပဏီကိုယ်စားလှယ်များအတွက် ပို့ကုန်သွင်းကုန် လုပ်ငန်းဆောင်ရွက်မှုသင်တန်း ၁/၂၀၀၈ ဖွင့်လှစ်။

ပို့ကုန်သွင်းကုန်လုပ်ငန်းဆောင်ရွက်နေသော ကုမ္ပဏီကိုယ်စားလှယ်များ ပို့ကုန်သွင်းကုန်လုပ်ငန်းဆောင် ရွက်မှုသင်တန်း အမှတ်စဉ် ၁/၂၀၀၈ ကို မူဆယ် ၁၀၅ မိုင် ကုန်သွယ် ရေးဇုန်တွင် ၂၀၀၈ ခုနှစ် စက်တင်ဘာလ ၁ ရက်နေ့မှ ၁၀ ရက်နေ့အထိ ၁၀ ရက်ကြာ ရက်တိုသင်တန်းတစ်ခုဖွင့်လှစ်ပို့ချလျက်ရှိတယ်လို့ သတင်းရရှိပါတယ်။
ဖွင့်ပွဲအခမ်းအနားသို့ OSS အဖွဲ့ဝင်ဌာနများမှ တာဝန်ရှိပုဂ္ဂိုလ်များ၊ မူဆယ်နမ့်ခမ်းကုန်သည်အသင်းမှ တာဝန်ရှိသူများနဲ့ သင်တန်းသူသင်တန်းသားများ တက်ရောက်ခဲ့ကြပြီး OSS အဖွဲ့ခေါင်းဆောင် နယ်စပ်ကုန်သွယ် ရေးဦးစီးဌာန ညွှန်ကြားရေးမှူး ဦးအောင်စိုးသိန်းမှ သင်တန်းဖွင့်ပွဲမိန့်ခွန်းအားမြွက်ကြားခဲ့ပါတယ်။ သင်တန်းဖွင့်လှစ်ရတဲ့ ရည်ရွယ်ချက် ကတော့ ဌာနဆိုင်ရာလုပ်ထုံးလုပ်နည်းများကို သိရှိနားလည်စေရန်လို့ သိရပါတယ်။ သင်တန်းမှာ ပို့ကုန်လိုင်စင်နဲ့ စာရွက်စာတမ်းများ၊ ပို့ကုန်ယာဉ်စစ်၊ သွင်းကုန်လိုင်စင်နဲ့ စာရွက်စာတမ်းများ၊ သွင်းကုန်ယာဉ်စစ်၊ တရားမ၀င်မှောင်ခိုကုန်ပစ္စည်းများ ဖမ်းဆီးဘာသာရပ်၊ လုပ်ထုံးလုပ်နည်း၊ အထွေထွေ၊ OSS အဖွဲ့ဝင်ဌာနများဖြစ်တဲ့ဆိုင်ရာ ဘာသာ ရပ်များကို နယ်စပ်ကုန်သွယ်ရေးဦးစီးဌာနမှလည်းကောင်း၊ ဆက်စပ်ဌာနများဖြစ်တဲ့ မြန်မာ့စီးပွားရေးဘဏ်၊ ပြည်တွင်းအခွန်များဦးစီးဌာန၊ လူဝင်မှုကြီးကြပ်ရေးနဲ့ မှတ်ပုံတင်ရေး ဦးစီးဌာန နဲ့ မြန်မာနိုင်ငံရဲ့တပ်ဖွဲ့တို့မှ စာတွေ့နဲ့လက်တွေ့လုပ်ငန်းခွင်မှာ ယှဉ်တွဲပို့ချပေးသွားမယ်လို့ Commerce မှ သတင်းရရှိပါတယ်။


Source: နကသ(မူဆယ်)
KKCM
်