တာချီလိတ်စခန်းမှ ထိုင်းနဲ့တရုတ်နိုင်ငံသို့ အမယ်သစ်များ တင်ပို့နိုင်။
မြန်မာ-ထိုင်းနယ်စပ်ရှိ တာချီလိတ်နယ်စပ်စခန်းဟာ အခုစက်တင်ဘာလအတွင်းတစ်ဘက်ထိုင်းနိုင်ငံကို ပို့ကုန်ပစ္စည်းအများအပြားတင်ပို့ခဲ့တဲ့အနက် ပို့ကုန်အမယ်သစ်အနေနဲ့ ကြက်ဆူစေ့ (အနီကြား)ကို တန်ဖိုးအားဖြင့် ကျပ် ၂၇ သန်းဖိုးနဲ့ တရုတ်နိုင်ငံသို့ ၀မ်ပုံလမ်းကြောင်းမှ Border Trade နည်းလမ်းနဲ့ ပလပ်စတစ်ဖြတ်စများကို ပထမဦးဆုံး အမယ်သစ်အဖြစ် စတင်တင်ပို့ခဲ့တယ်လို့ သိရပါတယ်။
တာချီလိတ်စခန်းဟာ အရင်က သစ်ခေါက်ကိုအဓိကအားထားတင်ပို့ခဲ့တဲ့စခန်းတစ်ခုဖြစ်ပါတယ်။ ယခင်က သစ်တောထောက်ခံချက်မလိုဘဲ တင်ပို့ခွင့်ရခဲ့ပေမယ့် အခုအခါ မှာတော့ သစ်တောဦးစီးဌာနရဲ့ စာအရရုံးချုပ်မှ တင်ပို့ခွင့်ကို ယာယီရပ်ဆိုင်းထားပါတယ်။ ဒါကြောင့် တာချီလိတ်စခန်းအနေနဲ့ တရုတ်နိုင်ငံသို့ ၀မ်ပုံလမ်းကြောင်းမှတစ်ဆင့် ကုန် သွယ်မှုဆောင်ရွက်ဖို့ လမ်းပွင့်သွားပြီဖြစ်တဲ့အတွက် ဒီထက်ပိုပြီး ပို့ကုန်အမယ် သစ်များ ရှာဖွေတင်ပို့သွားကြဖို့ စခန်းတာဝန်ခံက ကုန်သည်များအား တိုက်တွန်း ပြောကြား ခဲ့တယ်လို့ သိရှိရပါတယ်။
Source: နကသ (တာချီလိတ်)
နီနီအေး
မှတ်ချက်။ တာချီလိတ်နယ်စပ်ကုန်သွယ်မှုတိုးမြှင့်ရေးအစည်းဝေးမှတ်တမ်းမှ ကောက်နုတ်ရေးသားထားခြင်း ဖြစ်ပါသည်။
|
